Ol Provep 9:8 - Kewa West

⁸ Goa palia-ga wae agaa ne aa maredepo yaawa epe agaa lakelapere gimape. Goa pua ne ora iaa aulalia. Neme epe aa meda agaa mana laketalo pali-rabu go aame ne raaname waru omalia.

Ol Provep 9:8 Iomraidhean Croise

Ol Provep 1:5

Go buk madaare aa medalomame epe kone ratinalo makuae yae mogealia-pulu epe-rupa makuaalimi. Go buk-miri niaa saa agaa page, mada-mi agaa page paga-i agaa page lagialia rabu makuae aanu-na epe pora adoa makuaalima.

Ol Provep 10:8

Epe kone-i aanumiri pa aa medame epa-ta agaa page waru aina madu pageme. Pare yaa-agaa loa agaa ipa rukini ritimi aanuri nimu ora pa-rupa oteme.

Ol Provep 13:1

Gore naaki medame epe kone saliare nipuna aapana agaa waru pagea. Agaa rasini naaki-mere pa aanumi nipu maredepo-yaina kone na-ia.

Ol Provep 13:18

Aa meda aa yagome nipu maredepo-yaina kone na-i nipuna bipa nipu kone-kone sua aaliare nipu oyoa aa naara pirua ora wae-rupa piralia. Goa pua nipu yala polo aalia. Goa palia pare aa meda nipu pa onaame maredepo yaina kone sua maredepo yaina teare go aa nipu onaa luabumi epe bi kateme rabu ada bi mealia.

Ol Provep 15:12

Aakone i aamere pa aa medame nipu maredepo yaina kone ora na-ia. Goa pea-pulu aa meda-para nipu epe kone gialepa natea.

Ol Provep 19:25

Wae pupitagi ne aa aipuyame tali-daare kone waru na-i aame adoa mada makuaalia. Goa palimi rabu epe kone aba ratua palia. Go yapare neme epe kone sua aae aanu maredepo yali rabu nimuna makuae yae ora madaa popalia.

Ol Provep 23:23

Neme ora waru puri paloa epe kone-para epe kogono pape-para epe makuae yae meape madaa puri paloa kogono pape. Neme go epe kone narubape.

Ol Provep 23:9

Aa meda kone epe-rupa nasalia raapu neme agaa nalape. Neme epe agaa nipu lakete-dare go agaa pa sa so lalia.

Ol Provep 28:23

Gore neme aa meda maredepoyali nipumi ranaame waru omalia. Go palipide-a luabumi mo omeme kone luabu rabuaniaaya.

Ol Provep 29:1

Gore aa meda maredepo yatalo palimi pare nipu wala pa pala pitia raburi gore nipu ora aipapulu raba meape pora nasalia.

Matyu 15:14

Mogo Farisi aanu madaa nimina kone narubalepape. Gore nimu ini rubu pi aa-rupa pimi pare ini rubu pi yago pora mada nawatea. Dia, nipu lapo rata naaku-para lopalipi.

Matyu 7:6

Nimimi Gote-na yaere yananu nakatapape. Goa puare wala nimumi kaulataboa ne nolalo palia. Go page nimi kulubunu epe epe yaenu menana maa-nane namudiatepape. Goa puare nimimi mogo epe kulubunu rugulabebe palimi.