Ol Provep 6:6 - Kewa West

⁶ Nimi ki-aa rakepea gi madini aanu nimiri neme agaa gupa lagialo. Nimi mo ini rubu-pi aame rakutanu-me pea aba adoa kone makuae aa-rupa piralepa.

Ol Provep 6:6 Iomraidhean Croise

Ol Provep 1:17

Onaame oroyalo pupitagi noalimiri nimu wae yoto mealimi. Gore yapa lokeme nipuna maa-para ope poga marayade-rupa nimuna bipa ope neme. Yaanuri ini rua, poga imi rabu adoa nimu mo poga mada naroaeme.

Ol Provep 10:26

Gore nena kogono pape aare kiaa rakepene aa nameape. Neme go kogono gi madini aa adali rabu ne marasini ne rabu nena agaa-para rero piade-rupa palia rabu ne gimapalia. Go page nena ini para miru pea rabu poke poke yalade rupa palia.

Ol Provep 10:4

Ki-aa raakepea kogono napaliri, reaeme omoa aa naara pirali pare neme puri paloa kogono waru pali-dare, ne eta page amo yape page ne oyae meda na-rudu tea-pulu epe-rupa aali.

Ol Provep 13:4

Kiaa rakepene aanumi oyae adaapu meawe kone sua aaeme pare nimume go yae mada nameme. Go yapare radaa noa kalaipu kogono peme aanumi oyae adaapu meme. Gore oyae adaapu nimuna raana omeme-rupa meme.

Ol Provep 15:19

Kiaa rakepene aamere nipu epe kumapi-rupa pirape yaere ota kone ia. Goa peapulu nipu pa raa rugulua pamuaya. Redepoya pia aa nipu oro yalo kagaa pirape yae epe ta kone ia. Gore epe poranini pamema-rupa madaa.

Ol Provep 18:9

Wae kiaa rakepene aare nimuna bipa nipu ma-oyaya. Goa pua nimu kiaa rakepea wae-rupa pimi.

Ol Provep 19:15

Kiaa rakepene aanu nimu oro yalo pama piruaawa reaeme omoa u keme waru loa patala pu aaeme.

Ol Provep 19:24

Kiaa raakepene aa nipu ki arota-para pagoa pa pirualiare mo eta yawo i meape yala potea. Go page kimi musaawa eta mea nape page yala potea.

Ol Provep 20:4

Kiaa rakepene aame eta wai poape yapi di rabu maapu su naweare kiaa rakepe pea. Eta naape yapidi rabu naape awolalo pea pare nipu e napoae aame maapu-para pama asapula pea.

Ol Provep 21:25

Kiaa rakepene aa nipu kogono napi pa oyae meape madaa aaya. Goa peapulu nipuna raana omea koneme nipu tumaomalia.

Ol Provep 22:13

Kiaa rakepene aa nipuna ada-para pama pirua nipumi gupa ta. Ni amaa palua rabu raa mena laiyonme porania ni tu nalia ta.

Ol Provep 23:19

Naa naakimi naa agaa pagoa epe kone mea. Goa puare nena pora pamuali-rupa pawa adoa pamuape.

Ol Provep 30:24

Go su-amaa yae maala raa-para pia pare nimuna kone ora epeta:

Ol Provep 30:25

Raguta puri na-ia pare eta dia yalia rabu nape eta waru amupu imi.

Ol Provep 6:9

Goa peme-ga nimi ki-aa rakepene aanu nimiri pa u-patu pirape mada raana waru pea pae? Nimi go ki-aa rakepene aanuri aa-rabu u rekataboa aalimi yapae?

Matyu 25:26

Gore nipuna aa adaame nipu-para lalo: Nere kogono naaki wae yaana. Nere ki aa raakepene aa yaana. Gore ora abade neme aa medame poae e maapu-para eta awesude lae ya? Go page aa medame nape eta neme madia yarina sa.

Matyu 6:26

Nimimi so biyaa pameme yaanu adalepape. Nimuna nape repena ini maapu napoa nimuna etare ada-para nakirita peme. Goa napeme pare nimina so yaa-para pia Aapame nimu eta kata. Pare Aapame nimi madaa ia koneme go yaanu rabuniaaya.

Rom 12:11

Goa pua kogono kalai pua kogono gimi naomalepape. Gore nimimi Gote-na kogono palimi rabu kogono waru pipape.

Hibru 6:12

Gore nimina kone-para gimi naomalepape. Dia, pare nimimi kone waru rulaeme onaanuna kone ado mogea epe-rupa ado piramina. Go rabu abade Gote-me nipuna onaanu-para meaminalo kasa yaenu nimimi mealimina.