Ol Provep 3:6 - Kewa West

⁶ Neme oyae luabu pulalo paliri Adaa Aa madaa kone aba rulaawa pape. Go rabu nipumi ne epe redepone pora mea watea.

Ol Provep 3:6 Iomraidhean Croise

Ol Provep 11:5

Epe kone imi aanu nimuna epe koneme epe pora mea wata rabu nimu epe-rupa pirua nimu epe kone sua epeanu peme. Goa pea pare waea peme aanu nimuna peme wae yaenumi nimu malopaaya rabu nimu lopeme.

Ol Provep 16:3

Neme yae meda pulalo pali-daare Adaa Aa nipuna ki-nane aba saape. Goa pali rabu nipumi go yaenu luabu ora ma-epealia.

Ol Provep 16:9

Niaana pape yaenu mada kone penaloa pulalo pema pare Adaa Aa nipumi niana pamulalo pema yae adoa maredepo yaaya.

Ol Provep 23:17

Neme waea peme aanuna pemea adoa epame na-omape. Oro yalo neme Adaa Aa madaa raana omo pirua kone sape.

1 Korin 10:31

Gore nimimi oyae nalimi rabu page kogono rado rado pu piralimi rabu page Gote-na bi minasaatepape.

2 Korin 8:16

Taitus-na konere niaana kone raapu padane-rupa inalo nimi raba mulalo pea. Goa pua nipuna kone madaa Gote-para ora pi tema.

Filipai 4:6

Nimimi oyae madaa kone adaapu nasalepape. Dia, pare oyae rayo dia yaliare beten loa Gote agaa mealepape. Goa puare nimina robaa-para ora pi tapape.

Kolosi 3:17

Nimimi oyae rayo kogono pua agaa madaa teme-daare gore Aa Mudu Yesuna bi madaa pipape. Goa pua nipuna bi madaare nimimi Aapa Gote-para ora pi tapape.

Kolosi 3:23

Gore kogono rayo nimimi pemere Aa Muduna kogono-rupa kone sua puri paloa kogono pipape. Nimimi pa aa madaa kogono pape yaade kone nasalepape.

Jems 1:5

Gore nimi medaloma nimu epe kone rudu tea-daare gore nipumi beten loa Gote-me nipu kone kanalo agaa mealia. Gote-me kone adaapu onaa rayo epe-rupa kata-ga onaa medaloma apo kone dia yalia rabu nipumi ratu yawe agaa natea.