Ol Provep 26:12 - Kewa West

¹² Aa meda epe kone nasaliadare niaame nipu mada rabamua epe kone mogealima pae? Maria. Pare go aa nipumi oyae luabu makuaayo kone salia-dare niaame go aa agaa mana loa rabameape-rupa mada dia.

Ol Provep 26:12 Iomraidhean Croise

Ol Provep 12:15

Kone epe-rupa na-imi aanumiri nimuna pema oyae rayo ora epe ta kone imi. Go yapare epe kone imi onaa agaa mana laketeme rabu ora epeta kone imi.

Ol Provep 22:29

Gore aa medame epe kogono paliare nipu aa muduna kogono aa mada piralia. Go piaene aa-re pama bi na-i aa medana kogono mada napalia.

Ol Provep 26:16

Kiaa rakepene aame epe kone i aa (7) kerepopu na kone rabuaayo kone ia. Goa kone sua nipumi aakone waru ia.

Ol Provep 26:5

Epe kone nai aame ne-para wae agaa tea-daare nipuna agaa abulape. Na-abute raburi nipumi makua kone ora epeta kone salia.

Ol Provep 28:11

Oyae adaapu i aanu nimu ora makuae yae ima kone imi pare naraanu kone waru sua amope aanuna kone makuaaeme.

Ol Provep 28:26

Aame nina makuae oyaeme nipuna bipa madaa raba mealia kone ia pare mada dia. Go yapare aa medame epe redepone kone ratu aliare go aa nipu epe-rupa piralia.

Ol Provep 29:20

Aa meda nipu epe redepone kone nasaliare gore nipu epe kone minalo marede yamina palo adamina. Go yapare aa meda epe agaa naloa pa mabebola teare gore wala maredepo yalape-rupa maralia.

Ol Provep 3:7

Neme nina makuae yaere ora warua-da pe kone nasape. Neme Adaa Aa madaa kone rulaawa nipuna rolo-para pirua waea napape.

Matyu 21:31

Go rabu Yesumi lalo: Gore go naaki laapo madaare aapimi aaraana kone misipi? Gore nimumi lalo: Mupaa naakimi simi. Gore Yesumi nimu-para lalo: Abade Jon nimi piri-para ipua nipumi epe pora madaa epe agaa mogeasa pare nimimi kone narulasimi. Dia, pare mo takis mi aanu-para aa paake rume onanuri orope nimumi Jon-na agaa madaa kone rulasimi. Goa pea-ga takis mi aanu-para aa paake rume onanu-para nimuri Gote-na surube su-para aba riri-ne adalimi. Goa pisimi pare nipu aba adoa simina kone naperekene nipu madaa kone narulasimi.

Luk 18:11

Farisi aare nipu agu raapo rekaawa beten gupa sa: O Gote, niri pa aa radonu-rupa napi-daa neme ne-para ora pi lalo. Nimumi oyae paake no ona rasini mu goa peme pare niri nimu-rupa napi. Go page abia mo mone takis mi aa go aaya-daa niri nipu-rupa napi-daa ora pi lalo.

Luk 7:44

Goa sa rabu nipumi go ona piri-para pereke tua Saimon-para neme go ona ada sa. Ni nena ada ru-nane epawade pare nina aa radepeape ipa nagiaede. Yapare go ona nipuna re ipame nina aa radepeaawa nipuna aalu irimi makaapu yariaade.

Jon 9:41

Yesumi lalo: Nimi ini rubu piata peme yaalore nimi pupitagi nape kone nasula peme. Goa pea pare nimimi niaana iniri epe ta teme-pulu nimina pupitagi nape kone pa saapitimi sa.

Rom 12:16

Gore nimimi onaa rayo madaare epe kone padane sua piralepape. Goa pua aakone nasalepape pare pa bi nami kogono rayo page pipape. Goa pua niaa ora makuaae onaanu-daa kone nasalepape.

Kudiri 3:17

Gore nimimi gupa teme: Niaare mone adaapupe sua oyae ora adaapupe ima teme. Naamere ora oyae rayo suaema teme. Goa teme pare nimi ora wae-rupa pimi-ga nimi odome omalo. Goa pua nimiri ura onaapu nayame ini rubu pi onaa-rupa pimi.