Ol Provep 21:2 - Kewa West

² Niaana pema yae luabu ora epeta kone ima pare Adaa Aa nipumi niaana ima kone luabu aba rumaa adea. Goa pua nipumi niaana ima kone raayona re ado-kiritea.

Ol Provep 21:2 Iomraidhean Croise

Ol Provep 12:15

Kone epe-rupa na-imi aanumiri nimuna pema oyae rayo ora epe ta kone imi. Go yapare epe kone imi onaa agaa mana laketeme rabu ora epeta kone imi.

Ol Provep 16:2

Niaana pema oyae luaburi Gote-na ini agaa mada redepo ta kone ima. Go yapare Adaa Aa nipumi niana kone waru mea ruma adoa rekepua makuaaya.

Ol Provep 16:25

Aa medalomame nimuna pema yae luabu epeta kone sua pora pameme pare ota. Goa pama-pama puare orope nimu omalimi.

Ol Provep 17:3

Adaa Aa-me niaa wae aa yapae epe aa yapae loa rumaa adolalo pea. Gore golo silva yapame adolalo repena egaa-para iritimide-rupa niaa epeta pae ota pae lo adolalo pea.

Ol Provep 20:6

Aa adaapumi nimuna adami onaa raaname omema lo gupa teme. Go yapare aa medana adami aanuri padane padane laatapu aalimi.

Ol Provep 24:12

Neme apo yaere niaana ya-daa dia pi nalape. Adaa Aa-me ne ora waru suruboa nena oyaenu page waru rumaa gu aaya-ga adape. Goa pua neme go agaana re waru makuape. Gore aanu rayo madaa mo nimuna padane padane laatapu pemeana yoto ruma katea.

Ol Provep 30:12

Onaa madalomame nimu waea meda napema teme pare nimu amulu papubaaya-pulu Gote-na ini agaa madaa nimuna pupitagi wae ia-daa adea. Onaa medalomame nimu ora epe ta kone sua pa onaa meda otaa kone imi.

Luk 16:15

Goa simi raburi Yesumi nimu gupa lakesa: Nimina kogono pa pua onaanuna ini agaa madaa epe-rupa piritalo makiraeme. Nimimi goa peme pare Gote-me nimina robaa-para adea. Onaanumi pa oyae madaa pedo peme pare Gote-na ini agaa madaare go yae ora ramea sa.

Galesia 6:3

Yapare pa aa medame ni Aa mudu kone salia-daare nipumi maeyae kone ia.

Jems 1:22

Gore nimimi go nipuna agaa aaneme pa amaa napagalepape. Dia-ga go agaa pagoa pora pamu kogono pipape. Goa napalimiri nimiri makiraeme.

Kudiri 2:23

Goa pua go oname madu saliade nogo naakinu nimu rayo page tabalua. Goa palua rabu lotu ada rayo-para kiritae onaanumi mada adalimi. Gore neme onaa rayona kone-para adokaru mua ado kirite-daa lalo. Neme nimi padane padane laatapuna kogono adalua rabu go madaa yoto abutua.