Ol Provep 18:4 - Kewa West

⁴ Epe kone i aame agaa tea rabu nipuna-ta agaa mada epe kone mealimiri go agaa epeta-da pageme. Gore ipa naaku-para rubini popaa koyapape peade-rupa mada pea.

Ol Provep 18:4 Iomraidhean Croise

Ol Provep 10:11

Epe redepone aanuna agaa-re ora epe ipa laipi kata ipa-rupa yade. Go yapare wae aanuna kone pa kudiripu sabaawa onaa mabebola teme.

Ol Provep 13:14

Epe redepone aa-na agaa ora epe ta-pulu ipa laipi epe-rupa oro yalo pirama lama pope ipa-rupa pia. Go agaa-me aa rabamealia rabu epe-rupa pirua wae yae madaa pakealimi.

Ol Provep 16:22

Gore aa meda nipu epe kone i yaliare go aa nipu ipa laipi kagaa pirape yae mua piri aa-rupa piralia. Wae kone imi aanu-ri nimuna go pemeame wae maeyae aa piralia. Goa pua nipuna bipa nipu ma-oyaalia.

Ol Provep 18:3

Waea puaaya aamere aa yago medalomare naepe ta-ga pinawa kone ia. Goa pua nimuna bi ma-oyaawa nimu yalaa waru ma-paaya.

Ol Provep 20:5

Aa-na konere ipa ini adaa naaku piade-rupa mada yade. Aa meda kone waru makuae aa yaliare go kone ora so mada popea.

Matyu 12:34

Nimiri wae paakame madini onaanu-ga nimimi epe agaare akepu teme ya? Nimiri waeanu peme-pulu nimina robaa-para rulatabea agaare penaame waatea.

Jon 4:14

Yapare onaame nina gulalo pi ipa nalimi-daare ora mada teme. Nina ipare onaana robaa-para ipa yokea-rupa mapiraalua-pulu pa ipa meda nane go ipame oro yaalo kagaa piraama laama palimi.

Kolosi 3:16

Krais-na ora epe agaare nimina pu robaa-para waru rubina madialepape. Nimina ame baaninu epe agaa rado rado mada maredepo yaina laketapape. Goa pua nimimi epe rupale yaasa-para epe mata-para epe lotu yaasa-para loa nimina pu robaa-para i koneme Gote-para ora pi waru tapape.

Kolosi 4:6

Nimina agaare oro yaalo epe-rupa loa rede waru pina laketapape. Goa pua nimimi onaanuna agaa page epe-rupa oro yaalo abutapape.