Ol Provep 15:1 - Kewa West

¹ Aa medame ne-para ronopi agaa meda tea-dare nipuna agaa kumapimi abulape. Goa pali rabu nipuna ratu yawe kone dia yalia. Go yapare neme aa meda-para ero agaa loa yala mapaliri mo aame ratu adaa yawoa ne-para ratu waru yawalia.

Ol Provep 15:1 Iomraidhean Croise

Ol Provep 10:12

Lo-robaa wae-imi raburi wae-yae maepaaya. Goa pea pare aa yago meda raana omea aamere wae yae luabu pename ma-opaaya.

Ol Provep 15:18

Ratu yawea aamere mo aa meda page ratu mayawaya. Go yapare epe lo robaa kumapu i aame aanu medaloma-na kone lo rabaa pawa ma-epeaya. Goa pua nimu lo robaa padane-para sua mapiraya.

Ol Provep 25:15

Gore neme agaa pawa kumupu loa nena agaa napagolalo pi onaame page wala pereketua raana omoa nena agaa mada pagalimi. Goa pali rabu aa adaanu page nimuna kone mada perekealimi.

Ol Provep 28:25

Aa meda nipu oyae yoloa salua kone saliare aa adapumi go madaa ratu yawalimi. Go yapare aa medame Adaa Aa madaa kone rulaliadare go aa nipumi epe-rupa pirua oyae adaapupe salia.

Ol Provep 29:22

Ratu ora aipapulu yawe aamere onaa aa radonu page ratu mayawaya. Goa pua mo ratu yawe aa nipu wae yae adaapu pea.

Ol Provep 29:8

Paake pupitagi ne aanumi mo taun-para piri onaa waea peme rabu lo robaa-para radaa mapaaeme. Goa peme rabu mo epe kone redepoya imi aanumi nimu epe kone kateme rabu nimu lo robaa kuma mua epe-rupa pimi.

Kogono 19:41

Gore kuskus-mi goa loa go kiritae onaanu-para pulupa.