Ol Provep 13:4 - Kewa West

⁴ Kiaa rakepene aanumi oyae adaapu meawe kone sua aaeme pare nimume go yae mada nameme. Go yapare radaa noa kalaipu kogono peme aanumi oyae adaapu meme. Gore oyae adaapu nimuna raana omeme-rupa meme.

Ol Provep 13:4 Iomraidhean Croise

Ol Provep 10:4

Ki-aa raakepea kogono napaliri, reaeme omoa aa naara pirali pare neme puri paloa kogono waru pali-dare, ne eta page amo yape page ne oyae meda na-rudu tea-pulu epe-rupa aali.

Ol Provep 11:25

Aa medame oyaenu pa onaa kalawe kone sua oyae ruma kata pare nipuna bipa ora adaapu saayo kone sua pama pea. Go yapare neme pa aanu medaloma rabameli-dare nimumi ne page rabamealimi.

Ol Provep 12:11

Aa medame nipuna e maapu waru surubaliare gore nipuna eta nape yae waru salia. Go yapare aa medaloma epe kone naimiri nimu pama kalai pua kogono pu sua epe ini meda namealia.

Ol Provep 12:24

Kogono radaa pina paliade aare nipu puri mua mada pitea. Goa palia pare kiaa rakepene aanuri pama kogono aanu pitimi.

Ol Provep 12:27

Kiaa rakepene aame yapa asa nola palia pare mo yapa mada natalia. Pare kalai pua kogono raadapi peme aanuri epe-rupa riri-nane epope aanu go yade.

Ol Provep 13:3

Aa medame nipu agaa abulu waru suruboa epe agaa loa aaliare nipu mada na-oyalia. Go yapare wae agaa loaeme aanu nimu oyoa beboteme.

Ol Provep 13:5

Epe redepone aanu nimumi yaa agaa loa makirape madaare gimi omeme. Go yapare wae aanumi yala pia agu pulalo peme pare nimu madaa yala paala an-ia.

Ol Provep 20:4

Kiaa rakepene aame eta wai poape yapi di rabu maapu su naweare kiaa rakepe pea. Eta naape yapidi rabu naape awolalo pea pare nipu e napoae aame maapu-para pama asapula pea.

Ol Provep 21:25

Kiaa rakepene aa nipu kogono napi pa oyae meape madaa aaya. Goa peapulu nipuna raana omea koneme nipu tumaomalia.

Ol Provep 21:5

Kogono peme aanu nimumi epe kone waru sua kogono peme rabu oyaenu waru adaapu imi. Go yapare kone waru nasua pa aipapulu bebo teme aanu nimu oyae diata yalia rabu wae-rupa pitimi.

Ol Provep 24:30

Ni pora pamua epe kone naiwae kiaa rakepene aa medana e maapu pa mu adawa.

Ol Provep 24:31

Go maapu ripu wae-para itutu medaloma page opea. E-kepore aana-me pi yapare aba robapapepu lopisana.

Ol Provep 26:13

Kiaa rakepene aa nipuna adapara pa piruaawa nipumi gupa ta. Mo pora mena laiyono aaya kone sua pala omoa napea.

Ol Provep 28:25

Aa meda nipu oyae yoloa salua kone saliare aa adapumi go madaa ratu yawalimi. Go yapare aa medame Adaa Aa madaa kone rulaliadare go aa nipumi epe-rupa pirua oyae adaapupe salia.

Ol Provep 6:6

Nimi ki-aa rakepea gi madini aanu nimiri neme agaa gupa lagialo. Nimi mo ini rubu-pi aame rakutanu-me pea aba adoa kone makuae aa-rupa piralepa.

Ol Provep 8:34

Nina agaa pagoa ratalimi onaare nimi madaa raaname rubialia. Oroyalo nimi naa ada pora-gape para surubeme rabu neme epe kone epe pora mea waato. Nina poragape-para epeme rabu neme epe agaa lage.

Jon 6:27

Go etare ramualia-ga nimimi go eta madaa kogono napipape. Dia, pare oro yaalo noa kagaa pirape eta madaa kogono pipape. Eta go-rupare ni Onaanu Raapu Pirape Aana Si yaade pare Gote nina Aapame ni madaa pedo pua mea repasa-pulu neme go eta gialua sa.

Hibru 6:11

Gore niaame nimi rayona lo robaa rekoa kogono puri palo paa-mama pua omape di epalia rabu pamina kone salema. Goa palimi-daare nimina epe ado piri yaenu waru mealima.