Ol Provep 13:3 - Kewa West

³ Aa medame nipu agaa abulu waru suruboa epe agaa loa aaliare nipu mada na-oyalia. Go yapare wae agaa loaeme aanu nimu oyoa beboteme.

Ol Provep 13:3 Iomraidhean Croise

Ol Provep 10:14

Epe pora ratua epe kone imi aanuri makuae yae waru mua aipapulu nalapaeme. Aa medame yaa-agaa teadare, wae yae aipapulu gopara opapaaya.

Ol Provep 10:19

Aa medame agaa adaapu loaalia-daare, go aa nipuna agaame page wae-yae yolo rialia. Go yapare aa medame agaa adaapu natea-dare, go aa nipu ora epe kone su ayaa.

Ol Provep 10:8

Epe kone-i aanumiri pa aa medame epa-ta agaa page waru aina madu pageme. Pare yaa-agaa loa agaa ipa rukini ritimi aanuri nimu ora pa-rupa oteme.

Ol Provep 12:13

Wae aa nimuna teme wae agaa-me nimuna bipa nimu adita. Goa yapare kedaa wae meda epe redepone aanu madaa popeare nimuna epe koneme nimu wala epe-rupa rabamea.

Ol Provep 13:4

Kiaa rakepene aanumi oyae adaapu meawe kone sua aaeme pare nimume go yae mada nameme. Go yapare radaa noa kalaipu kogono peme aanumi oyae adaapu meme. Gore oyae adaapu nimuna raana omeme-rupa meme.

Ol Provep 14:3

Epe kone na-imi aanuna agaa teme raburi onaana ini agaana nimumi nimuna bi minasae agaa oraa teme. Epe kone i aa-na agaa ta rabu ora epe ta-pulu nipu rabamea rabu epe-rupa aaya.

Ol Provep 18:21

Nena tede agaame onaa epe-rupa mapiraali. Nena agaame agu onaa ma-oyaawa onaa maepeaalia. Goa pe-pulu neme epe agaa lape madaa raname omalimi ne epe-rupa mada pirali.

Ol Provep 18:7

Kone waru na-i aa medame agaa tea-dare nipuna go agaame nipu ma-oyaaya. Gore nipuna maa-para yapa-lokena pogaa mada sua maraawa nipu omalia.

Ol Provep 20:19

Aa meda yago mada maa agaa pawa yaa agaa ne aa raapu ne ada mua naape. Goa pua neme kudiripi agaa meda lakete rabu wala mo aa meda pua lakeloa laame tea. Aa go-rupa teadare gipia.

Ol Provep 21:23

Gore aa medame nipuna agaa-abulu waru suruboa aaliare go aa nipu madaa kedaa meda mada naepalia.

Jems 1:26

Gore aa medame kone gupa salia: Niri ora epe aa ya-pulu Gote-para epea puaayo kone suaaya. Aa medame goa kone sua nipuna eke waru nasurubea-pulu nipuna kone makiraaya. Goa pea-pulu nipuna kone rulae yae-para nipuna beten ta-rupa page pa-rupa ta.