Ol Provep 12:1 - Kewa West

¹ Aa medaloma nimu ora epe kone madaa raaname omoa pa aa medame maredepo agaame madaa page epealia kone imi. Go yapare aa medame nipuna pea wae yae namaredepo yaena kone aamere nipu ora maeyae aa-rupa pirua pea.

Ol Provep 12:1 Iomraidhean Croise

Ol Provep 10:8

Epe kone-i aanumiri pa aa medame epa-ta agaa page waru aina madu pageme. Pare yaa-agaa loa agaa ipa rukini ritimi aanuri nimu ora pa-rupa oteme.

Ol Provep 11:31

Gore niaame aba adema. Epe-rupa pimi aanuna pemeare nimu go su-amaa pirua oyae adaapu epe yoto-rupa mua pimi. Goa pea pare wae aanu nimuna wae yoto ora mealimi-ga nimu ora pakealimi kone nasamina. Dia Adaa Aa-me nimuna wae yaena yoto ora katea.

Ol Provep 12:2

Gore aame epe pora ratua epe kone suayare Adaa Aa-me go aa nipu epe lo robaa kata. Go yapare aa medame onaa para waea paliare go aa nipuri Adaa Aa-me alupainata.

Ol Provep 15:10

Aa medame epe pora minarepaliare wae yoto mealia. Aa meda nipu maredepo-yaina lape gimaliare nipu omalia.

Ol Provep 18:1

Aa padane nipu ode aawaliare nipuna bipa nipuna agu raapo kone-sua awalia. Aa medaloma nimu epe redepone kone imi page pinawa kone ia.

Ol Provep 30:2

Agu-me Gote ni raapu an pirua niri aa-da dia yade sa. Goa loa niri kone-daa waru na-isa. Nina konere ora wae sa.

Ol Provep 8:17

Onaa medame ni adalua kone saliare ni mada adalia. Onaa medalomame ni raaname omalimiri neme page nimu raaname waru omalua.

Ol Provep 8:32

Epea-para epe kone lapo-me agaa mone mone go-rupa ta. Go nogo naakinu nimimi naa agaa waru pagoa nina kone luabu waru ratalepape. Nimimi goa palimiri epe raaname rubini onaa piralimina.

Ol Provep 8:36

Goa peme pare aanu medalomame ni namealimiri nimuna bipa nimu bebo teme. Onaa-me ni raaname naomalimiri, nimu omape madaa kone mapiraawa peme.

2 Tesalonaika 2:10

Goa pua go wae aamere ora makirae kogono palia rabu nipumi wae naaku-para polalo pemede onaanu makiralia. Yapare go onaanumi ora agaa madaa kone mada narulalimi-pulu Gote-me nimu madaa makirape yaenu epenatea. Goa pua nimumi go makirae agaa madaa kone rulalimi. Goa pua Gote-me nimu oro yaalo epe-rupa mada namapiralia pare wae naaku-para palimi.