Ol Provep 11:7 - Kewa West

⁷ Wae aanu nimuna purimi oyae luabu pa mealima kone suaaeme. Pare orope nimu omalimi rabu nimumi epe yae meda mada namealimi.

Ol Provep 11:7 Iomraidhean Croise

Ol Provep 10:28

Adaa Aa-na agaa pagoa rati onaamere, Adaa Aa nipuna pea kogono ado-kiritua raaname ora waru omalimi. Go yapare wae aanuri pama surubama pua, nimumi epe yapi di meda mada na-adalimi.

Ol Provep 10:29

Adaa Aa-me epe redepone onaare waru surubea. Go yapare nipumi, wae onaare maoyalia.

Ol Provep 11:8

Gore epe aanu madaa kedaa page wae yaenu meda epolalo palia-dare Adaa Aa-me nimu raba mealia-pulu nimu madaa wae yaenu mada naepalia. Goa palia-pulu go wae yae luabu mo pupitagi noaaeme aanu madaa popena tea.

Ol Provep 14:32

Wae aanu nimuri nimuna peme wae yaenumi nimu maoyaeme. Goa peme pare epe-rupa pimi aanu nimuri oyae meda page ake palua pae kone na-i epe rupa aeme. Nimu madaa omape yaeme mealia rabu page kone rulae yae mada puri paboa aalimi.