Ol Provep 10:8 - Kewa West

⁸ Epe kone-i aanumiri pa aa medame epa-ta agaa page waru aina madu pageme. Pare yaa-agaa loa agaa ipa rukini ritimi aanuri nimu ora pa-rupa oteme.

Ol Provep 10:8 Iomraidhean Croise

Ol Provep 1:5

Go buk madaare aa medalomame epe kone ratinalo makuae yae mogealia-pulu epe-rupa makuaalimi. Go buk-miri niaa saa agaa page, mada-mi agaa page paga-i agaa page lagialia rabu makuae aanu-na epe pora adoa makuaalima.

Ol Provep 10:10

Yaa agaa ne aanumi pupitagi adaapu neme pare pupitagi ne aanu nimu yaa agaa adaapu loa waea peme-pulu nimu bebolo talia. Go pea pare aa medame agaa pename loa onaa mada raba muaya.

Ol Provep 10:14

Epe pora ratua epe kone imi aanuri makuae yae waru mua aipapulu nalapaeme. Aa medame yaa-agaa teadare, wae yae aipapulu gopara opapaaya.

Ol Provep 12:1

Aa medaloma nimu ora epe kone madaa raaname omoa pa aa medame maredepo agaame madaa page epealia kone imi. Go yapare aa medame nipuna pea wae yae namaredepo yaena kone aamere nipu ora maeyae aa-rupa pirua pea.

Ol Provep 12:13

Wae aa nimuna teme wae agaa-me nimuna bipa nimu adita. Goa yapare kedaa wae meda epe redepone aanu madaa popeare nimuna epe koneme nimu wala epe-rupa rabamea.

Ol Provep 13:3

Aa medame nipu agaa abulu waru suruboa epe agaa loa aaliare nipu mada na-oyalia. Go yapare wae agaa loaeme aanu nimu oyoa beboteme.

Ol Provep 14:23

Neme kogono waru radaa pina pali-dare ne ora epe yoto meali. Go yapare ne pa pirua agaa wariba pirali-dare ne wae naarame omali.

Ol Provep 14:8

Aa nipu epe kone sua nipuna eta no pora pamea yae luabu ora epeta. Go yapare aa meda nipu epe kone na-iare nipuna bipa nipu makiraaya. Gore akolo ya? Nipuna kone waru na-ia-pulu nipu maeyae aa pia.

Ol Provep 9:8

Goa palia-ga wae agaa ne aa maredepo yaawa epe agaa lakelapere gimape. Goa pua ne ora iaa aulalia. Neme epe aa meda agaa mana laketalo pali-rabu go aame ne raaname waru omalia.

Ol Provep 9:9

Neme epe kone i aa meda agaa lakeloa epe agaa talo palipi-dare go aame ne raana omalia. Goa pua nipuna kone page raaname rubialia. Neme epe-aa kone kate rabu nipuna makuae-yae page adaa-yalia.

Eklisiatis 10:12

Epe kone-i aame agaa ora epe-rupa tedare ne epe bi meali. Ne onaa raapu wae ero agaa tedare nena bipa mabebolaali.

Jems 3:13

Gore nimina rikiraanare aa medame epe kone sua kone waru salia-daare nipumi epe pora pamualiade page nipuna epe kogono paliade page onaanu-para epe kone mea waatea. Goa palia-daare kone makuaawa aakone nasalia.