Ol Provep 10:5 - Kewa West

⁵ Kone waru i aamere eta napeta rabu mea kirita suaaya. Go yapare ki-aa rakepea kogono waru napaliari nimina ona nogo naaki reaeme omoa yaala polo aalimi.

Ol Provep 10:5 Iomraidhean Croise

Ol Provep 10:4

Ki-aa raakepea kogono napaliri, reaeme omoa aa naara pirali pare neme puri paloa kogono waru pali-dare, ne eta page amo yape page ne oyae meda na-rudu tea-pulu epe-rupa aali.

Ol Provep 10:6

Gote-me epe aanuri nipumi nimu waru rabamuaaya. Goa pea pare wae aa-me nipuna kudiri agaa teme rabu onaanu medaloman kone mabebola tea.

Ol Provep 12:4

Aa medana oreme epeanu paliare mo aani go pea kogono-me epe bi kata. Go yapare mo aa nipuna oreme waea rado rado adaapu pua aani page yala mea kata. Go pua mo ona nipumi peame wae yaina ipua mo aanina uni rodaipa-para odobaawa yaina-rupa mea kata.

Ol Provep 17:2

Gore kogono naaki medame epe kone sua kogono palia rabu nipuna surube aana si-rupa piralia. Mo surube-aana wae naaki nipu mo kogono naaki-na rolo-para piralia. Goa pua mo surube aa omalia rabu oyae nipuna nogo naaki ruru raapu rumaalimi.

Ol Provep 19:26

Naakimi aara ratu yawoa nipuna agi ada-para pane rata saliare mo nipuna onaa nogo naaki rayo yala mea kataa.

Ol Provep 27:25

Nena maapu-para ripu adaalu opalia-dare ponoa nena menanu nena mea sape. Goa pali rabu wala ripu kagaa opalia.

Ol Provep 30:25

Raguta puri na-ia pare eta dia yalia rabu nape eta waru amupu imi.

Ol Provep 6:6

Nimi ki-aa rakepea gi madini aanu nimiri neme agaa gupa lagialo. Nimi mo ini rubu-pi aame rakutanu-me pea aba adoa kone makuae aa-rupa piralepa.

Ol Provep 6:8

Go yapare nimuna eta adaapu suaaya raburi eta diayalia rabu mea nolalo pa mea kirita suaeme.