Ol Provep 10:4 - Kewa West

⁴ Ki-aa raakepea kogono napaliri, reaeme omoa aa naara pirali pare neme puri paloa kogono waru pali-dare, ne eta page amo yape page ne oyae meda na-rudu tea-pulu epe-rupa aali.

Ol Provep 10:4 Iomraidhean Croise

Ol Provep 10:5

Kone waru i aamere eta napeta rabu mea kirita suaaya. Go yapare ki-aa rakepea kogono waru napaliari nimina ona nogo naaki reaeme omoa yaala polo aalimi.

Ol Provep 11:24

Aa medaloma nimuna mone oyaenu page aa medaloma raba mulalo kateme. Pare nimuna bipa mo peme kogonona yoto ora adaapu meme. Wala aa medalomame onaa rabameape kone niminawa yapare wala gimeme. Nimuna mone oyae waru adaapu pagaa imi pare wala oropere go oyae luabu rudu ta rabu nimu wala naara aanu-rupa aeme.

Ol Provep 12:24

Kogono radaa pina paliade aare nipu puri mua mada pitea. Goa palia pare kiaa rakepene aanuri pama kogono aanu pitimi.

Ol Provep 12:27

Kiaa rakepene aame yapa asa nola palia pare mo yapa mada natalia. Pare kalai pua kogono raadapi peme aanuri epe-rupa riri-nane epope aanu go yade.

Ol Provep 13:4

Kiaa rakepene aanumi oyae adaapu meawe kone sua aaeme pare nimume go yae mada nameme. Go yapare radaa noa kalaipu kogono peme aanumi oyae adaapu meme. Gore oyae adaapu nimuna raana omeme-rupa meme.

Ol Provep 18:9

Wae kiaa rakepene aare nimuna bipa nipu ma-oyaya. Goa pua nimu kiaa rakepea wae-rupa pimi.

Ol Provep 19:15

Kiaa rakepene aanu nimu oro yalo pama piruaawa reaeme omoa u keme waru loa patala pu aaeme.

Ol Provep 19:24

Kiaa raakepene aa nipu ki arota-para pagoa pa pirualiare mo eta yawo i meape yala potea. Go page kimi musaawa eta mea nape page yala potea.

Ol Provep 20:13

Ne oro yalo u-pati aa yaliare mone oyae diayalia rabu naara pirali. Go yapare ne aipapulu rekoa kogono pali-dare nena maapu-para eta oyae adaapu sali.

Ol Provep 20:4

Kiaa rakepene aame eta wai poape yapi di rabu maapu su naweare kiaa rakepe pea. Eta naape yapidi rabu naape awolalo pea pare nipu e napoae aame maapu-para pama asapula pea.

Ol Provep 21:5

Kogono peme aanu nimumi epe kone waru sua kogono peme rabu oyaenu waru adaapu imi. Go yapare kone waru nasua pa aipapulu bebo teme aanu nimu oyae diata yalia rabu wae-rupa pitimi.

Eklisiatis 10:18

Aa meda nipu gi madua nipuna ada waru narigitaliare gore nipuna ada itipatame pabo talia.

Jon 6:27

Go etare ramualia-ga nimimi go eta madaa kogono napipape. Dia, pare oro yaalo noa kagaa pirape eta madaa kogono pipape. Eta go-rupare ni Onaanu Raapu Pirape Aana Si yaade pare Gote nina Aapame ni madaa pedo pua mea repasa-pulu neme go eta gialua sa.

1 Korin 15:58

Goa pea-ga ora nina epe ame baaninu-ya, nimimi puri waru paloa rekoa paalame naomalepape. Goa pua Aa Mudu-na kogono adaapu waru pipape. Nimimi Aa Mudu-na kogono meda palimiri go kogono na-alupalia.