Ol Provep 10:1 - Kewa West

¹ Solomon nipumi epe-rupa pirape agaa rudu-rudu medaloma tusua gupa-sa. Nogo naaki medalomame epe kone sua nimumi epe kone ratalimi-rabu agi aaraanumi raana ora waru omalimi. Go yapare nogo naakinumi wae pora ratua pupitagi noalimiri, agi aaraa-me page lo-robaa kedaa adaa ruaalimi.

Ol Provep 10:1 Iomraidhean Croise

Ol Provep 1:1

Go buk madaare Devit-na si Israel onaana aa mudu king Solomon-me go epe agaa tu isa. Goa pua onaa epe-rupa pirinalo tu isa.

Ol Provep 13:1

Gore naaki medame epe kone saliare nipuna aapana agaa waru pagea. Agaa rasini naaki-mere pa aanumi nipu maredepo-yaina kone na-ia.

Ol Provep 15:20

Epe kone i naakiri agi aarame raaname omepe. Go yapare naakimi epe pora naratalia-re go naakimi agi aaraa gimaaya.

Ol Provep 17:21

Aa medana simi epe kone nasaliare oro yalo aaraa nipu lo-robaa keda mu aalia.

Ol Provep 17:25

Aame wae maeyae kone rataliare go naakina agi aaraame lo robaa kedaa adaa mua nimuna kone-para oyalia.

Ol Provep 19:13

Naaki meda nipu epe kone nasaliare go naakimi nipuna aaraa kedaa waru mea kata. Gore aa medana oreme ratu yawoa agaa adaapu loaliare nipuna ada runane itipata pabea-rupa tea.

Ol Provep 25:1

Gore Solomon-na agaa rudu rudu medaloma go ia. Hesikia mo Juda aanuna aa mudu pirisa rabu nipuna pipaa ti aanumi go pipaa tu isimi.

Ol Provep 27:11

Naa naaki neme epe kone luabu mua epe pora luabu ratali-dare ne madaa epe kone salua. Goa pua aa medame nipara pa mariae agaa teadare neme nipuna agaa mada abutoa.

Ol Provep 29:15

Neme nena nogo naaki tua epe mana te-daare nipumi epe kone mua epe makuae yae page mealia. Go yapare nogo naakimi oro yalo nipuna raana ratua aaliare nimuna agira yala polo ma-pitia.

Ol Provep 29:17

Gore neme nena naaki epe agaa lakeloa pirali rabu nipumi nena agaa pagoa epe-rupa pitia-dare epe kone sua pirali.

Ol Provep 29:3

Aa medame epe kone mulalo palia-daare nipuna aapa aba epe kone masaalia. Go yapare aa meda nipu ona pake nama palia raburi nipuna mone oyaenu gopara pua rubea.

Eklisiatis 12:9

Makuae aa nipu epe koneme rulatabisa-pulu onaa luabu go epe kone mogealia. Nipumi ora agaa ria-para saa-agaa page rumawa epere luabu buku-para mea tu isa.

Eklisiatis 2:19

Nina pada mealia aa-re makuae aame mealia pae maeyae aame mealia palo ni waru namakuaayo. Goyapare neme kalaipua radaa pina misude yaenu surbalia. Pare go kone luabuna re page ora meda naia.