Kogono 7:2 - Kewa West

² Stiven-me go remaa gupa abusa: Amenu Aapanu, pagalepape. Niaana akua Abraham Haran su-para naepe Mesopotemia su-para pirisa rabu epe paa pi Gote-me opapaawa agaa gupa lakesa:

Kogono 7:2 Iomraidhean Croise

Ripimae Agaa 12:1

Adaa Aa-me Abram-para lalo: Nena kantri-para nena onaa-para nena apaa amenu page gimoa. Neme watoade supara paina.

Ripimae Agaa 12:5

Nipu-na ore Sera-para ame-na si Lot-para nipuna kogono onaa para oyae rayo-para Aran su-para kabisimi oyae rayo page mea pisimi. Gore nimu mo Kenan supara polalo pisimi. Goa pua nimu pua opapaisimi.

Ripimae Agaa 15:7

Wala Adaa Aa-me nipu-para goa sa: Niri ora Adaa Aa, neme ne Kaldia suna Ur piri mea epawadere, go su ora ne gudiyatalo pawade.

Matyu 6:13

Neme niaare wae kedaa pi yaeme ko nataina pare Satan-me niaa natinalo surubape.

Luk 2:14

So yaa-para piri Gote-na biri ora minasaamina simi. Go su amaa onaanuri Gote-me pedo pea-ga epe-rupa pirina simi.

Jon 1:14

Go Agaare nipu yogane maawa sana aa-rupa piruare niaana rikiraana epa pirisa. Nipuri nipuna Aapana Si padane ya-pulu Aaraana puri paa mu pirina adema. Niaana rikiraana pirisa rabu ora agaa-para raba meape kone page nipuna robaa-para rulatabesa.

Jon 12:41

Apo agaare Aisaia-me Krais-na epe paana puri adesa-pulu nipumi go agaa madaa lo isa.

Kogono 22:1

Aapanu amenu, nimina agaa abulano pagalepape.

Kogono 23:7

Goa agaa sa raburi Sadyusi Farisi ruru laapo aanumi ape loa rugula lapa pirisimi.

Kogono 7:1

Goa simi rabu Gote-na miru irae aa mudunumi Stiven agaa misimi: Nimumi ne-para lamede agaare ora tame pae simi.

1 Korin 2:8

Gore abade su amaa aa mudunumi go konena re naniminaasimide. Dia-ga nimumi pagola pisimi yaalore niaana epe Aa Mudu repena polopea madaa nil-mi mada natula pisimi.

Efesus 1:17

Neme niaana Aa Mudu Yesu Krais epe Aapa Gote-para beten oro yaalo laawa aayo. Gore Gote-me nimi Holi Spirit ginalo beten laayo. Holi Spirit-miri Gote-na agaare nimina kone-para inalo beten laayo. Goa pua nimimi Gote-na kone waru mua kone mealiminalo beten laayo.

Taitus 2:13

Gore niaame Gote-na raba meape agaa pagoa ratalima rabu niaame puri paloa mo epe raana omape di epalia madaa ado pitima. Go di rabu niaana adaa Gote nipuna epe paana puri mea waatea-daa rayome adalima. Go di rabu page niaana Raba Mi aa Yesu Krais epalia.

Hibru 1:3

Simiri Gote nipuna epe paana puri mea waatea. Nipuri Gote-na kone nona pi pirua nipuna puri pane agaame nipuna warini onaa rayo-para oyaenu rayo-para puri mapalaaya. Nipumi onaanuna wae yaenu mea rubape kogono dia naloa nipu yaa-para pua Gote-na popo ki-nane pua piruaaya. Gote-re ora oyae rayona re ya-pulu nipu padane go-rupa piruaaya.

Hibru 11:8

Abraham-me Gote kone rulasa-pulu Gote-me nipu yaasa rabu Abraham-me Gote-na agaa pagoa ratisa. Goa pua Gote-me ne adaare meda gialua loa waatalo pisa. Go suri Abraham nipumi na-adesa pare nipumi kone rulaawa nipumi go su mealua kone sua pirisa.

Jems 2:1

Gore nina ame baaninu, nimimi niaana Aa Mudu Yesu Krais madaa kone rulaawa nipu raapu pimi. Goa pua niaana epe paa-para pia Aa Mudu raapu pimi. Goa pea-ga nimimiri onaanu bi ia page bi naia page kone padane sua kogono pipape.

Kudiri 4:11

O Gote, nere niaana Aa Mudu padane yaade. Ne padanere onaa rayome epe paana puri page bi minasaape kone page puri rayo page meaina teme. Gore abade neme oyae rayo warisi. Goa pua neme kone sua oyae waria pisi rabu go oyae rayo epe-rupa pirape kone kasi teme.