Jems 4:9 - Kewa West

⁹ Nimina robaa-para kedaa mulalore nimimi re lo piralepape. Abia nimina pedo pua giri teme-rupare wala perekea re teme. Goa puare nimina raana omape kone gimoa kedaa waru ritalo piralepape.

Jems 4:9 Iomraidhean Croise

Ol Provep 14:13

Niaame giri lo aalima page wae lo robaa kedaa niaa mada nagimalia. Raana omo pirape yapi-di rabu page lo robaa kedaa ora mada na-dia yalia.

Eklisiatis 2:2

Giri ne agaa-re maeyae kone meda madaa epeta kone sua pama pisuya. Goa pua epe pedo pi koneme niaa narabamea.

Matyu 21:41

Nimumi lalo: Go aa wae rayore waru talia. Goa pua mo wain maapu wala aa ruru rado mea katea. Go aanumi surubenaloa ini etaliade rabure raloa nipu epe kateme.

Matyu 5:4

Nimi rayome re lo pi-daare pedo pu piramina. Gore Gote-me nimina robaa-para kuma mapainaalo goa palimina.

Luk 16:25

Goa sa rabu Abraham-me gupa sa: Nina naaki. Neme kone narugulape. Abade su amaare ne epe-rupa pirua epe epe yaenu agu meade pare Lasarus-ri no su amaa pirua wae yaenu mu pirisa. Goa pisade pare abia go-para nipu epe-rupa pirina ne wala wae-rupa apo piruaye-daa sa.

Luk 6:21

Nimi onaanuri abia reame apo omeme-ga raaname omalimina. Nimina robaa rulatabenalo eta adaapu nalimina. Abia nimimi re apo lo pimiri oropere giri lo epe-rupa pirua raaname omalimina.

Luk 6:25

Abia go onaanu nimiri eta noa nimina robaa-para rubita-ga oropere reame waru omalimina. Abia giri teme onaanuri nimimi waru adalepape. Oropere nimi re ora waru lo pitimi.