Jems 3:8 - Kewa West

⁸ Goa pea pare aa medame nipuna eke mada namakuma palia. Dia-ga oro yaalo niaana ekeme rekoa wae agaanu talo pea. Goa pea-ga niaame mada nasurubema pare niaana eke madaa ora wae ripana ia.

Jems 3:8 Iomraidhean Croise

Ol Provep 17:20

Aa medame oro yalo wae kone su wae agaa agu teare nipu oro yalo epe-rupa mada napitia. Dia nipu wae-rupa agu pirualia.

Eklisiatis 10:11

Aame paaka pawa epe-rupa mapirape kone sua aliare epeta. Go yapare paaka-me nipu wala nalia-daare go makuae-yae naepeta.

Rom 3:13

Nimumi agaa teme rabu matmat-para rogaaemede aa rona pugu pi-rupa agaa teme. Nimumi wae kone sua ora wae makirae agaa teme. Nimumi wae agaa teme rabu mugununa eke mua teme.

Jems 3:6

Ekeme page robaa-para i wae kone mea tea-ga gore repena sulaa nona piane ralia. Go ekere niaana yogane rayona rikiraana aaya-ga nipumi wae agaa kone rayo padane-para epa mea kiritaawa lapaaya. Goa puare nipumi niaana yogane rayo maoyawa raa-mama pea-ga niaana pora pamemanu page gore ora maoyaaya. Go repena sulaana konere wae naakuna repena sulaame nipuna poloa maraaya.

Jems 3:7

Gore raa-para piri mena yapa yaanu-para paaka-para ipa solwara mada pia yaenu page go yaenu rayore aanumi aba makuma pasimi pare agaa pagea. Abia page aanu goa pamina.

Kudiri 12:9

Goa pua mo waata amaa mea rubisimi. Go waatare ora abasade piri waata-ga nipuna biri Satan yapare Wae Remona Mudu simi. Nipumi ora su amaa onaa rayo makiraaya. Goa pisa-pulu nimumi nipu no so amaa mea lopasimi.