Jems 3:2 - Kewa West

² Gore oro yaalo niaa rayome rado rado waea pema. Gore aa medame nipuna agaa teade rabu nipumi nipuna eke suruboa agaa wae nata pea yaalore go aa nipu padane ora epe-rupa pirita pea. Goa pula pea yaalore nipumi nipuna eke waru suruboa nipuna to yogane page waru surubola pea.

Jems 3:2 Iomraidhean Croise

Ol Provep 10:19

Aa medame agaa adaapu loaalia-daare, go aa nipuna agaame page wae-yae yolo rialia. Go yapare aa medame agaa adaapu natea-dare, go aa nipu ora epe kone su ayaa.

Ol Provep 13:3

Aa medame nipu agaa abulu waru suruboa epe agaa loa aaliare nipu mada na-oyalia. Go yapare wae agaa loaeme aanu nimu oyoa beboteme.

Ol Provep 20:9

Niri Gote-na ini-agaa mada ora epe redepone aa awayolo aapimi mada tea pae? Goa pua neme wae yae meda napawa teme?

Ol Provep 21:23

Gore aa medame nipuna agaa-abulu waru suruboa aaliare go aa nipu madaa kedaa meda mada naepalia.

Eklisiatis 7:20

Go suna epe aa meda naaya. Dia aa medaloma nimumi wae sini peme.

Matyu 12:34

Nimiri wae paakame madini onaanu-ga nimimi epe agaare akepu teme ya? Nimiri waeanu peme-pulu nimina robaa-para rulatabea agaare penaame waatea.

Matyu 12:37

Nina to agaa madaare Gote-me nimi koso lape agaa tea. Go teme agaa madaare Gote-me nimi epe onaa lo wae onaa lo pagoa mea rumaalia.

Rom 3:10

Gote-na agaa pa ti buk madaa agaa gupa ia: Su amaa piri onaa rayore redepo ne onaa padane-daa napimi.

Rom 7:21

Goa pua neme go pora ade: Neme epe kogono pulalo pe rabu neme wae kogono agu pe.

1 Korin 9:27

Neme naa yogane puri paboa kone surube-pulu neme nina yogane ki mogome tuaayo. Gore neme onaa medaloma go agirali lape pora kurinalo agaa laketo. Goa pea-ga pa onaa medame ne puri napabe temere naa yogane kone laapo puri mapalaayo.

Galesia 3:22

Goa pea pare abia Gote-na agaa i buk-mi gupa ta: Wae koneme onaa rayo rigitisade ta. Goa pea-ga niaa rayome Krais madaa kone rulamina. Niaame goa palima rabu Gote-na ora pogatu pirape agaa mada mealima.

Galesia 5:17

Gore niaana abana konemere Holi Spirit rabuaniaatalo pea pare Holi Spirit nipumi page abana wae kone rabuaniaatalo pea. Goa pua nipu lapore iaa-rupa pipi. Goa pea-pulu nimimi pa kone sua pulalo pemeare mada napalimi.

Kolosi 1:28

Goa pea-ga niaame Krais-na epe agaa onaa rayo-para mogeaema. Goa pua niaame makuaae kone mua agaa mogeaatalore agaa mana puri paboa laketema. Goa pua niaame onaa padane padane laatapu lakeloa Krais raapu puri pane onaanu piraminalo mogeaema.

Kolosi 4:12

Epafras-me page nimi-para abi piralepape lo o taata. Go aa page nimina adami aa pirua Yesu Krais-na kogono pea. Oro yaalo nimi raba minalo beten puri paloa loaaya. Goa pua Gote-me nimi puri mapalaawa ora onaa mapiraawa nipuna agaa waru pagoa puri mealiminalo oro yaalo beten loaaya.

Hibru 13:21

Gore Gote-me epe kuma pi kone nimi gina. Goa pua nimimi nipuna agaa pagoa rataliminalo go kone rayo gialia. Goa pua nipuna raana omeae niaa madaa sua Krais-na kogono pamina. Goa puare nipuna adaa biri oro yaalo minasaamina. Gore ora yaade.

Jems 1:26

Gore aa medame kone gupa salia: Niri ora epe aa ya-pulu Gote-para epea puaayo kone suaaya. Aa medame goa kone sua nipuna eke waru nasurubea-pulu nipuna kone makiraaya. Goa pea-pulu nipuna kone rulae yae-para nipuna beten ta-rupa page pa-rupa ta.

Jems 1:4

Goa pea pare nimimi oro yaalo puri paloa rekaape kone waru epe-rupa sua wae kedaanu riamina. Goa pua nimimi epe kone waru sua palimi-daare nimina robaa-para Gote-na epe kone nadia yaalia. Dia, nimina robaa-para epe kone waru rulatabalia.

Jems 2:10

Goa pua aa padane-mame rekena agaa rayo pago kiritala pare nipumi rekena agaa padane rasaliare gore nipumi rekena agaa rayo rasita.

1 Pita 3:10

Gore Gote-na agaa i buk madaa gupa tu ia: Aa medame nipu epe-rupa pirua raaname omalua kone sali-daare: Gore nipumi wae agaa-para yaa agaa-para ora natea.

1 Pita 5:10

Goa pua nimimi kedaa riaala palimi-daare Gote nipuna nimi surubalia. Go rabu nipumi nimi epe-rupa mapiraawa ora onaa mapalaalia. Gote-mere epe raba meape kone rayo gua nipumi nimi Krais raapu mapiraasa. Goa pua nipuna epe paana puri oro yaalo mealiminalo pisa.