Jems 1:26 - Kewa West

²⁶ Gore aa medame kone gupa salia: Niri ora epe aa ya-pulu Gote-para epea puaayo kone suaaya. Aa medame goa kone sua nipuna eke waru nasurubea-pulu nipuna kone makiraaya. Goa pea-pulu nipuna kone rulae yae-para nipuna beten ta-rupa page pa-rupa ta.

Jems 1:26 Iomraidhean Croise

Ol Provep 10:19

Aa medame agaa adaapu loaalia-daare, go aa nipuna agaame page wae-yae yolo rialia. Go yapare aa medame agaa adaapu natea-dare, go aa nipu ora epe kone su ayaa.

Ol Provep 10:31

Epe aanu nimu oro yalo epe kone sua epe pora rateme-pulu, nimu onaa luabu epe agaa lakelo-aeme. Goa pea pare wae agaa teme aa luaburi nimu oyalimi.

Ol Provep 14:12

Aa medalomame gupa kone imi: Nimuna pema yae rayo epe ta kone sua peme. Go yapare nimumi pama pama pua omalimi.

Ol Provep 15:2

Aa medame epe kone sua epe agaa teare nimumi go aa-na kone makuae yae ora epeta loa raana omalimi. Go yapare aa meda epe kone na-imi agaa tea-dare go agaa re nai agaa ta.

Ol Provep 16:10

King pia aa mudumi Adaa Aa-me laketa agaa onaame pagenalo laketa rabu pageme. Koso pagoa mo agaa mea rumape raburi ora epe redepone koso pagoa mea rumaalia.

Ol Provep 16:25

Aa medalomame nimuna pema yae luabu epeta kone sua pora pameme pare ota. Goa pama-pama puare orope nimu omalimi.

Ol Provep 19:1

Aa meda nipu oyae rudu yaliare nipu redepone aa yapulu yaa agaa loa wae pora pami aa rabuaniaaya.

Ol Provep 21:26

Kiaa rakepene aame oro yalo oyae pa meape madaa kone su pia. Pare epe kone i aamere nipuna oyae pa aanu katae.

Matyu 15:9

Go onaanumi pa nimuna rekena agaa mogeaawa ora Gote-na agaa lagema teme. Goa teme pare nimumi nina bi pa amaa minasaaeme ta.

Mak 7:7

Go onaanumi pa aanuna kone mogeteme pare ora Gote-na rekena agaa page pa teme. Goa teme-pulu nimumi naa bi mada naminasaaeme. Yesumi Aisaia-na agaa gupa lakesa.

Luk 8:18

Nimina pageme agaare waru surubalepape. Onaa rayome kone waru su piralimi-daare Gote-me kone oyae medaloma wala gialia. Pare onaa rayome kone oyae waru nasu piralimi-daare gore nipuna saapia yae rayo aba mu paaya.

1 Korin 15:15

Gore niaame Gote-me Krais matmat-para marekaasa-daa laketema. Gore gupa napula pisa yaalore niaame Gote madaa yaa agaa temalo pisa. Goa pua Gote-me abade Krais namarekaata pisa yaalore Gote-me ome onaanu page namarekaala pisa.

1 Korin 15:2

Go Gote-na epe agaa neme nimi aba mogeasude. Gore pa aama kone narulasimide-ga go epe agaa pago piralepape. Goa pua go agaame nimi oro yaalo kagaa pirape puri gialia.

1 Korin 3:18

Nimina bipa nimi makiraalimi waru adalepape. Pa aa medame go su amaa yaenu madaa ni waru makuaayo tea-daare go-rupa aba maeyae pia. Goa pua wala kone makuaae mada piralia.

Galesia 2:6

Goa pisimi pare nimuna aa mudu medalomame kagaa agaa mana meda nalagisimi. Gore nimuna bi rado radore nemere pa yada kone nai pare Gote-mere aa mudununa bi madaa pedo raana naomea.

Galesia 2:9

Gore Jems-para Pita-para Jon-para nimuri lotu surubape aanu ya-pulu nimumi abade Gote-me ni kogono mea gisa-daa adesimi. Gupa adesimi-pulu nimumi Barnabas saana ki misimi. Niaare ora padane ame baaninu piramona simi. Barnabas saa lapo pa ruru radona rikiraana pua kogono pisipa. Goa palipa pare nimuri Juda aanuna rikiraana kogono pamina sima.

Galesia 3:4

Abade nimi epe agaa madaa kedaa pi yae misimi rabu gore nimimi go kedaa raapu kone pa misimi ya? Ora dia kone salo.

Galesia 6:3

Yapare pa aa medame ni Aa mudu kone salia-daare nipumi maeyae kone ia.

Efesus 4:29

Nimina agaame waea meda natapape. Dia, nimiri epe raba meape agaa agu tapape. Gore aa medana robaa-para kedaa palia-daare go aa-na kone puri mapalaatalo epe agaa tapape. Goa pua nimina agaa pagalimide onaanu-para epe agaa laketapape.

Efesus 5:4

Nimimi agaa waenu nalo rapa agaa ratu yawe nalo agaa waenu nalo wae ero ne agaanu natapape. Gonu napipape pare nimimi Gote-para ora pi tapape.

Kolosi 4:6

Nimina agaare oro yaalo epe-rupa loa rede waru pina laketapape. Goa pua nimimi onaanuna agaa page epe-rupa oro yaalo abutapape.

Jems 1:19

Nimiri ora nina epe ame baaninu pimi-ga go agaana re waru pagalepape. Nimi rayome aipapulu ora agaa ria pagalepa. Goa pua nimimi aipapulu agaa nalaketapape. Goa pua nimimi page agaa pawa loa ratu nayawalepape.

Jems 1:22

Gore nimimi go nipuna agaa aaneme pa amaa napagalepape. Dia-ga go agaa pagoa pora pamu kogono pipape. Goa napalimiri nimiri makiraeme.

Jems 2:20

Nena konere maeyae-rupa suaaye. Gore neme pa kone rulaawa epe kogono napaluare go koneme omape onaa mapiraalia.

1 Pita 3:10

Gore Gote-na agaa i buk madaa gupa tu ia: Aa medame nipu epe-rupa pirua raaname omalua kone sali-daare: Gore nipumi wae agaa-para yaa agaa-para ora natea.