ZAKI 4:4 - JAA TƏMARWAŊ

⁴ Aŋ kaa teŋ gə minti paapa bə isi gud Pepeŋa ɗeketi baŋ! Aŋ nuutu gə asə-ase minti tam jəəne jaa də kar gə cəərə seŋkaŋ tam wəra acukur də Pepeŋ mo? Bədoona ta, hulum bə minti bəlaŋ ne minti tó jəə la jaa də kar gə cəərə seŋkaŋ kənaŋ, wə kole kusru wəra haa acukur də Pepeŋ.

ZAKI 4:4 Iomraidhean Croise

MATIYE 12:39

Wə hərnəy kel minti: «Kaa kə dogoynaŋ, yə wəra bayməlaŋ, yə paapa bə isi gud Pepeŋa ɗeketi bə gəm. Yə bele minti ten jəə karman bə ge dər la a té. Səma koo karman bə ge dər anə məna ten jəy diy ba. Yə ase tó bə minti jəŋ sar Zonasi, *hulum bə jogte ku mini kə Pepeŋ təwa, ten jəy baalaŋ bə deŋe toŋ ba.

MATIYE 16:4

Kaa gə dogoynaŋ, yə wəra bayməlaŋ, yə paapa bə isi gud Pepeŋa ɗeketi bə gəm. Yə bele minti ten jəə karman bə ge dər la a té. Səma koo karman bə ge dər anə məna ten jəy diy ba. Yə ase tó bə minti jəŋ sar Zonasi təwa, ten jəy baalaŋ bə deŋe toŋ ba.» Kəya Yeesu yəəkənəy, wə kooroŋ faɗi.

MATIYE 6:24

«Hulum bə joŋre neke bə jəw a kəkamna ɓasi ba. Ɗalba wə bele naayaw toŋ daana wə mele dər naayaw toŋ wəra, ɗalba wə he cəərə naayaw toŋ apəya daana wə gole naayaw toŋ wəra ko bə boobo. Aŋ neke bə aye kusrəŋ a Pepeŋ daana a soloy ɓasi keɗe ba!

LIKI 19:27

Kaa gə acukur dən gə minti a balnan kumna neete baŋ, bəəda diiri kanda, əwəy la wəra tiinina kəna.›»

Kel pəsaŋ kəmarwaŋ gə minti Zaŋ jiiriniy 15:19

Aŋ a jəə la kaa neeteŋ, yə sə a bəlaŋ gud maa mo aŋ haa kaa kə kumsəŋ. Səma aŋ paapa kaa neeteŋ pəda gud bə minti ten ŋamnaŋ warda minti aŋ a ji kə seŋkaŋ pəda. Yə koloŋ bə məlaŋ dərəŋ wəra haa sə teŋ.

Kel pəsaŋ kəmarwaŋ gə minti Zaŋ jiiriniy 17:14

Ten jugnuy kel nəmtiŋ ne wəra, gud teŋa ta kaa gə cəərə seŋkaŋ məlnəy diri wəra gud bə minti yə paapa kaa neete pəda, damdi ten paapa neete baŋ ana gəm.

Kel pəsaŋ kəmarwaŋ gə minti Zaŋ jiiriniy 7:7

Kaa gə cəərə seŋkaŋ neke bə məlaŋ dərəŋ wəra ba, səma ten toŋ ha'aŋ, yə malnan dərən wəra gud maa mo ten kəətəy gud joŋre neete bə baymeleŋ wəra saksaki.

ROMEŊ 5:10

A dayday bə minti áŋ a kəm acukur də Pepeŋ, wə haraŋ bə tepe áŋa duuru də me də Kurmuyuŋ. Bədoona ta minti áŋ wəra gə tapə-tepe duuruŋ, wəra cəərə áŋa faɗi minti wə ɗe a de ku seere áŋ yaŋ wəra gud bə minti Kurmuyuŋ dədərgə caw gəm.

ROMEŊ 8:7

Gud maa mo kaa gə minti ɗe gud karman bə minti giidə kusri bə hatə-hate də baymeleŋ bəluŋ, yə acukur də Pepeŋ, yə humi kosoŋ cəərə ku gili nuutuŋa bə gəm. Yə bəlaŋ ne nuutu minti té humi kosoŋ cuuruŋ, yə paapa gə nakə-neke ba.

I KOREŊTƏŊ 1:20

Hulum bə asə-aseŋ ane mo? *Hulum bə hate ku gili kə Pepeŋ ane mo? Hulum bə minti bese bay ji də kel ku cəərə karmana dər ko bə hebkənaŋaŋ baŋ, ane mo? Pepeŋ vəɗaŋ gud ase kə kaa kəsarkaŋ wəra minti wə karman bə tiniini ɗaw!

I KOREŊTƏŊ 1:21

Pepeŋ gaŋ gud ase nuutuŋ wəra, səma kaŋ də ase neete bobloŋ anə keɗe nəkaŋ bə əsu minti kəna tó ba. Gud teŋa ta, goloŋ duru pisi minti, kel kə waate gə minti kaŋ bə guluya minti yə karman bə tiniiniŋ, tó seere kaa gə minti doŋ gud toŋ haa diiri faɗi.

GALATIŊ 1:10

Ten waataŋ bədoona ha'aŋ, minti kaa tokɗon la mo? Paapa! Ten golde haa tokɗe bə kasi Pepeŋ. Ten waataŋ bədoona ha'aŋ, minti ten doo dər kaa la mo? Paapa! A jəə la kəna minti ten ji kəm hebkəna haa karman bə minti doo dər kaa kəsarkaŋ la paŋ, ten sə a ji paapa hulum bə joŋre kə Kristu ba.

ZAKI 1:27

Karman bə minti Pep Abaŋ aŋke toŋ minti haa ɗe bə gud tó *cetcetiŋ daana kaŋkaŋiŋ, haa bə minti hulum bə ase caadə kaa kə kukuyu daana kəram gə bay dər gəəli neeteŋa, daana wə bə amə kusru pisi bay taɓke də kel kə bayməlaŋ gə cəərə seŋkaŋ.