ZAKI 4:1 - JAA TƏMARWAŊ

¹ Awəy daana gəbaŋ bə minti awte kaasəŋaŋ, kəsar di feke haa da ane də mo? Kəsar di feke da haa a ɗiki nəəti bə baymele bə minti saksaki bə duuri də kusuki dəŋ.

ZAKI 4:1 Iomraidhean Croise

MATIYE 15:19

Gud maa mo haa ku tarmə hulum da minti kar ha'iŋ feke warda də adaŋ: anə ɗiki bə baymeleŋ, awe bə titiŋ, piwpiw, jəəti bə booboŋ, dəgaayaŋ, ŋete bə kel sar kumsumaŋ, sarte bə kaŋ.

Kel pəsaŋ kəmarwaŋ gə minti Zaŋ jiiriniy 8:44

Bəraŋ haa Nərtitiŋ daana aŋ bele ji haa kar gə minti giidə bələy gəm. Də anə hãã faɗi, a hulum bə awte titi. Kel kə gəəziŋ, teŋ haŋ sara ba anə ceki, gud maa mo gəəziŋ paapa giidə ba. Bə minti a ŋete kel, a waate haa kel gə minti bəŋ giidə daŋ gud bə minti a hulum bə ŋete kel, a haa Nər kel kə ŋeteŋ faɗi.

ROMEŊ 7:23

Səma ten bə ase kel gaalaŋa bə ji joŋre gal giidəna gə minti bə duuri də kaayaŋ gə minti ten bə doo-de haa guudi də ɗiki dən. Kel gaalaŋ té gə minti ji joŋreŋ giidənaŋ, kolnon kafkam kə baymele bə minti cəərəna abay.

ROMEŊ 7:5

Bə minti áŋ a kəm bə ɗe a kusukiŋaŋ, ɗiki bə baymele bə ku tarmə áŋ a koloŋ də səɓaki haa gud ku giliŋa. Wə jəŋ joŋreŋ də áŋ daana cuuru awaŋ haa me bə kaŋ.

ROMEŊ 8:7

Gud maa mo kaa gə minti ɗe gud karman bə minti giidə kusri bə hatə-hate də baymeleŋ bəluŋ, yə acukur də Pepeŋ, yə humi kosoŋ cəərə ku gili nuutuŋa bə gəm. Yə bəlaŋ ne nuutu minti té humi kosoŋ cuuruŋ, yə paapa gə nakə-neke ba.

GALATIŊ 5:17

Gud maa mo, kel gə minti kusrə aŋ bə hatə-hate də baymeleŋ bələy, yə tepe də té gə minti Tiiru Cetcetaŋ bələy ba. Kel gə minti Tiiru Cetcetaŋ bələy, yə tepe də kusrə náŋ bə gəm. Yə tepe də kumsi anə weseka bə tə gəm, karman bə minti aŋ bele jəw, aŋ neke bə jəw ba.

KOLOSIŊ 3:5

Bədoona ana ta, ɗiki bə kar gə minti cəərə seŋkaŋa kənaŋ, aŋ əwəy kəsar di la wəra sarəŋa. Haa anə ji bə booboŋ, kel kə zeɓə-zeɓeŋ, kel kə sesewsesew, ɗiki bə ji baymeleŋ daana kel kə həryəm-həryəm (gud maa mo həryəm haa ke bə awalna a kar gə minti kaŋ guluy pepe neeteŋ toki).

II TIMOTE 2:23

Səma, a kalte kum a awəy də boobo də bay bəlam dəŋa ba. Tam wəra bə asə-ase minti kumsə awəy taŋ kəya a ke gəbaŋ adəwaldə kaa.

TITI 3:3

Gud maa mo, áŋ də kusrə áŋ ha'aŋ, áŋ a jəŋ dayday haa kaa gə minti kel paapa də dər áŋ ba, paapa bə de ku huluma ba, áŋ a wəra gə lentə-lente. Áŋ a jəŋ kafkam gə saane gidiirə kar keɗe gə minti giidə áŋ bələy. Áŋ a zugi haa dər sərkəŋa daana də lemlem də kar kə kaa. Kaŋ a maltaŋ dər áŋ wəra, áŋ maltaŋ dər kumsə áŋ wəra gəm.

TITI 3:9

Səma a kalte kum a awəy də boobo də bay bəlam dəŋa ba. Awəy də minti yə caara cəərə kəmoomo di gə daydaya, awəy daana gəbaŋ bə minti yə jəw cəərə *ku gili kə *Moyisiŋaŋ, a kalte kum ada ba. Teŋ kəya kel kə boobo, gə minti keye hulum baŋ.

ZAKI 1:14

A gəəzi diŋa ha'aŋ, karman bə minti ke ku hulum bə ji kel kə baymeleŋa haa ɗiki bə baymele bə ku tərmuyuŋ. Ɗiki toŋ təɗu bə ɗe a gaw a vew kə baymeleŋa haa tó.

ZAKI 4:3

Jəəne nuutu minti aŋ a wəətunu ciiri ɗaw, aŋ fələy ba, gud bə minti aŋ məntəy haa paapa gud karman pisi ba. Aŋ məntəy ha'aŋ, bə ɓəlkəy wəra boobo bə ji karman bə minti ɗiki nəəti bə baymeleŋ bəluŋ.

I PIYER 1:14

Aŋ humə kosoŋ la saksaki cəərə Bəraŋ Pepeŋa. A dayday, bə minti aŋ kəm bay ase Kel pəsaŋ kəmarwaŋ, kel gə minti giidiŋ bələy a bə ɗe dəərəŋ haa té. Bə hebkəna ha'aŋ, aŋ a yəəkəy kəkəy pəda.

I PIYER 2:11

Gədaarənti, aŋ gə minti cəərə seŋkaŋa kəna bə kə irku ana, bə kaa gə minti bəŋ cəərə a gəryi ana'iŋ, ten bə waataŋa wəra anə kaŋkaŋ minti: aŋ a yaake kusrəŋ a kar gə minti giidəŋ bələy pəda, gud maa mo, kar teŋ bə golde haa minti té awe dədərgə də minti Pepeŋ aynaŋ dəŋ wəra.

II PIYER 2:18

Yə waate haa kel kə hage sam kusriŋ saksaki, anaaŋa guudi paapa ta'a ba. Yə ji joŋreŋ də kusri bə hatə-hate də baymeleŋ bə tope kaa gə minti a ɓətəŋ warda kəmarwaŋ ku kaa kə laŋtə-laŋte da də vew neeteŋ.

II PIYER 3:3

Jəə la wəra də dərəŋ ajewa faɗi minti dər hi bə adoroŋa ha'aŋ, kaa kə dafɗete kaŋ tuli yaŋ sarəŋa, bele bə ji kar kə bayməlaŋ əsəŋ ciiri kumna haa tó.