ZAKI 3:2 - JAA TƏMARWAŊ

² Áŋ keɗe, áŋ kunti kuurə kel ablaw a kəkəy bə wəətiya. Səma, jəəne minti hulum kəman yaŋ, toŋ paapa bə kunti kuurə kel kə waate nuutuŋa ba anə cekiŋ, wə haa hulum bə minti sarte paapa suru anə weseka ba, wə bə nakə-neke kirka ame kusru wəra keɗe gəm.

ZAKI 3:2 Iomraidhean Croise

MATIYE 12:34

Karmə akay! Aŋ neke bə waate kel pəsaŋ haa naanaanə mo bə minti aŋ də kusrəŋ, aŋ wəra kaa kə bayməlaŋ? Gud maa mo ku hulum waate ha'aŋ kel gə minti ɗusnu ku tərmuyu wəraŋ.

MATIYE 12:37

Gud maa mo yə jəmam kəəti dəm haa də kel gə minti a kaltaŋ wəra kumaŋ. Kel nəmtiŋ jəəne ɗeker, kəətiŋ dom ba. Yə jəəne paapa ɗeker baŋ, kəətiŋ dom faɗi.»

ROMEŊ 3:10

Damdi wəra bə jeerə-jeere giidə Kefter kə Pepeŋa ana minti: Hulum bə minti ɗeker dər Pepeŋa, paapa, koo nuutu məna.

ROMEŊ 7:21

Bədoona ana karman bə minti ten bə asə-ase wəra duuruŋ haa minti: bə minti ten bele ji pisiŋ, ten bə nakə-neke bə ji máŋ haa baymeleŋ ɗaw.

I KOREŊTƏŊ 9:27

Ten le ku kusrən wəra haa le faɗi, ten gədu ku wəra haa gedeŋ faɗi. Jəəne paapaŋ, ɗawba ten bə minti a waataŋ kel wəra a kaŋ, ten kole hulum bə minti neke a werke bə buluma pəda.

GALATIŊ 3:22

Kefter kə Pepeŋ waataŋ wəra minti baymeleŋ pəŋ bulum wəra cəərə kaŋa keɗe, kir minti kaa gə minti doŋ gud pisi bə minti Yeesu Kristu juunuŋ, yə falə karman bə minti Pepeŋ a wəətunu səmu wəraŋ la ɗaw.

GALATIŊ 5:17

Gud maa mo, kel gə minti kusrə aŋ bə hatə-hate də baymeleŋ bələy, yə tepe də té gə minti Tiiru Cetcetaŋ bələy ba. Kel gə minti Tiiru Cetcetaŋ bələy, yə tepe də kusrə náŋ bə gəm. Yə tepe də kumsi anə weseka bə tə gəm, karman bə minti aŋ bele jəw, aŋ neke bə jəw ba.

KOLOSIŊ 1:28

Bədoona ana, are bə waate wəra a kaŋ keɗe haa sam Kristu toŋ də gidiirə hel də minti are gə nakə-neke bə jəərəŋ. Are bə ge kosnə mindi mindi mo daana bə hətu kir minti wə kolə la wəra bə doo-de ku a tiiruŋa gud tepe nuutuŋa də Kristu.

KOLOSIŊ 4:12

Epafrasi, hulum nəətiŋ, bə mirkiŋ na gəm. Wə haa hulum bə joŋre kə Yeesu Kristuŋ, wə bə kuuri də tooseŋ guudəŋa kir minti aŋ əsə la ŋəŋ a deŋa, aŋ jəə la wəra gə naa-ne daana aŋ jəə la wəra máŋ gə ayə-aye ɗiki dəŋ bə ji karman bə minti giidə Pepeŋ bəluŋ keɗe.

HEBEREŊ 13:21

Pep toŋ koloŋ la gə nakə-neke bə ji gidiirə pisiŋ wəra keɗe, kir minti aŋ jəə la haa karman bə minti giidu bəluŋ. Də Yeesu Kristu, wə jəə joŋre nuutu la cəərə áŋa bə kole áŋ wəra bə ji karman bə minti daw duruŋ. Aŋkeŋ jəə la kə Yeesu Kristu bə faɗnə-faɗna! *Amen.

ZAKI 1:26

Jəəne minti hulum kəman yaŋ bə ɗiki minti tó bə ɗe gud Pepeŋaŋ, anaaŋa kusulɗu paapa bə ame kəəsu baŋ, wə leŋe kusru, ɗe nuutu bə gud Pepeŋ wəra karman bə boobo.

ZAKI 1:4

Səma, səɓaki dəŋ a humi ku gəəliŋa ba kir minti aŋ jəə la wəra gə naa-ne kaŋkaŋ, sarte a ji saraŋa a ko anə weseka ba, daana ɗiki pisiŋ a yaake wəra saraŋa bə gəm.

ZAKI 2:10

Gud maa mo, hulum jəəne nuutu bə humi kosoŋa cəərə ku gili kə Pepeŋa neŋneŋ keɗe, wə yaakaŋ kumundu ne wəra məna'iŋ, wə humuŋ kosoŋ ba haa cəərə ku giliŋa keɗe faɗi.

I PIYER 3:10

Jeereŋ wəra bə jeerə-jeere giidə Kefter kə Pepeŋa minti: «Hulum waataŋ ne minti ko bə minti tó hebkəna duruŋ jəə la ku tó dihiŋ, tó jəə la də waale duru gəm, wə amə ku la cəərə kel kə baymeleŋa, wə yaakə ŋete bə kel la wəra gəm.

I PIYER 5:10

Aŋ hebkəna bə se gəəliŋa nuutu gəəzi, səma paapa bə hiti ablaw pəda. Pep bə minti bə ji pisiŋa sarəŋa saksakiŋ, bə minti mantənaŋ warda bə ɗe a vaŋ dər məyan nuutu də bay teweŋaŋ gud tepe nəətiŋa də Kristuŋ, wə də kusru, wə hare yaŋ bə ɗompoŋa adordə lasiŋa. Wə jeŋeŋ yaŋ wəra, wə ayaŋ səɓaki yaŋ, wə ji yaŋ kir minti aŋ a daɓye ba.