ZAKI 3:1 - JAA TƏMARWAŊ

¹ Kəsaananti, aŋ a golde minti aŋ jəə la ablaw aduubə dəŋa bə hate giidə kuli kə kaa kə Tapiŋa ba. Gud maa mo, aŋ asaŋ ne, jəəne minti áŋ kaa kə hate kaŋ bə jəəti baymeleŋ, kəəti bə cəərə áŋ ɗe a deŋe kə kaa kaayaŋ.

ZAKI 3:1 Iomraidhean Croise

MATIYE 10:24

Hulum bə hateŋ deŋe hulum bə hətuŋ ba, hulum bə joŋreŋ deŋe burduŋ bə gəm.

MATIYE 23:13

«Gəəliŋ nəəti aŋ kaanə *Farisiyeŋ də *kaa kə hate ku gili kə Pep gə minti waate kel nəətiŋ də kuŋ təwaŋ! Gud maa mo aŋ gisiŋ ku kuli bə *Kumna kə Pepeŋ wəra dər kaŋa. Aŋ də kusrəŋ, aŋ ve ada na ba, səma kaa gə minti a də caadə ve ada naŋ, aŋ həənəy kuy wəra bay ve gəm. [

MATIYE 23:14

Gəəliŋ nəəti aŋ kaanə Farisiyeŋ də kaa kə hate ku gili kə Pep gə minti waate kel nəətiŋ də kuŋ təwaŋ! Gud maa mo aŋ tope kar kə kəram gə bay, səma aŋ əsəŋ ne bə tooseŋ, aŋ toose anə taa-taa-taa minti aŋ kaa pəsaŋ ŋaanaanə mo. Pepeŋ bə ɗe a jəŋ daŋgay dəŋ yaŋ dəŋaŋ kə kaa kaayaŋ gud kel teŋa kəya.]

MATIYE 9:11

Bə minti kaanə *Farisiyeŋ asaŋ kel teŋ kəyaŋ, yə əsəŋ bə waate kaa gə guuduŋa faɗi minti: «Hulum bə hataŋ hame də kaa kə tope lambaŋ də kaa kə bayməlaŋ haa naanaanə mo?»

LIKI 16:2

Kəya burduŋ məntunu, wə wəətunu minti: ‹Ten əski kel teŋ cəərəma bədoona ana haa naanaanə mo? Don bəlam də joŋre nəmtiŋ la wəra, gud bə minti tam ji hulum bə joŋre nin pəda.›

LIKI 6:37

«Aŋ a ceme kəəti də kumsəŋ ba, Pepeŋ bə jəmaŋ kəəti cəərəŋa bə gəm. Aŋ a tope kaa də kəəti ba, Pepeŋ bə topoŋ də kəəti bə gəm. Aŋ vəəgə giidiŋ la wəra cəərə kaŋa daana Pepeŋ vəəgi giidu yaŋ wəra cəərəŋa gəm.

Kel pəsaŋ kəmarwaŋ gə minti Zaŋ jiiriniy 3:10

Yeesu minti: «Tam hulum boblo bə hate kaanə Israyel anə gadiŋa, gud kel teŋ kəya paapa də dərəm ba!

JOŊRE 13:1

Adəwaldə kaa kə Tapi gə Antiyosiŋa, *kaa kə jogte ku mini kə Pepeŋ a jəŋ ada, də kaa kə hate kaŋ ada gəm. Kaa teŋ a jəŋ haa anə Barnabasi, Simeyon (səmu bə tokdeŋ minti Kisirkiŋ), Lusiyusi (toŋ haa bə Siren), də Manyeŋ (bə minti yə a suŋ gud kumsi də *Erodi, kumna bə minti Sezar usnu cəərə seŋka də Galileŋaŋ), daana Sol gəm.

I KOREŊTƏŊ 12:28

Bədoona ana, Pepeŋ əsəŋ kaŋ giidə Tapiŋa haa bə kəyaŋ ana: kaa gə minti ku ajewaŋ, haa *kaa kə vaa-veŋ. Ciiri kəya kaa gə minti jugu ku wəraŋ, gə soopeŋ kəyaŋ kaa kə hate kel nuutuŋ a kaŋ. Wə əstəŋ kaa gaalaŋ ada pa: haa kaayaŋ gə minti jəəti miɗiŋ, gə minti seerte kaa kə ɗemeŋ wəraŋ, gə minti kayte kaŋ, gə minti ɗe də joŋreŋ də kaa kə Tapiŋ, daana gə minti waate ku karman bə minti kaŋ uskunu hõy baŋ gəm.

II KOREŊTƏŊ 5:10

Gud maa mo áŋ keɗe kir ɗe tiinə Kristu bə ɗe a waate sam kusrə áŋ wəra. A ko toŋa ta, mindi mindi mo fele werke nuutuŋ haa də aŋar də kel pəsaŋ ɗawba gə bayməlaŋ gə minti wə a jiiniy kanna adawra naŋ.

EFESIŊ 4:11

Kar gə minti wə əynəy a kaŋ booboŋ, haa bə minti wə əstəŋ sərdə kaŋ *kaa kə vaa-ve nuutu, sirdiŋ *kaa kə jogte ku mini kə Pepeŋ, sirdiŋ kaa gə minti bə ɗe wəra də *Kel pəsaŋ kəmarwaŋ, sirdiŋ kə paster, sirdiŋ kaa kə hate kaŋ.

I TIMOTE 1:7

Kaa teŋ bele minti té jəə la kaa kə hate kaŋ də ku gili kə Pepeŋ. Yə waate sam hate neeteŋ nuutu də səɓaki səma, də teŋ keɗe, kel gə minti té də kusri bə wəətiyaŋ daana gə hətəyaŋ, guudiŋ paapa də diri bə pa.

I TIMOTE 2:7

Gud teŋa ta, Pepeŋ ŋamnan, wə gaanan minti ten ɗee la a sewle kaa gə minti teŋ paapa kaanə Ziwifi baŋ. Ten bə *gaa-ge minti ten ɗee la a hətəy kel cəərə deŋa daana gəəziŋ. Ten waate haa gəəziŋ, ten ŋete paapa kel ba.

II TIMOTE 1:11

Ten də kusrən, Pepeŋ ŋamnan minti ten jəə la *hulum bə gaa-ge minti ten ɗee la a sewle Kel pəsaŋ kəmarwaŋ wəra a kaŋ, daana minti ten jəə la hulum bə hətəy də kel teŋ gəm.

HEBEREŊ 13:17

Aŋ doo ku kaa kə tiinəŋ la, aŋ humə kosoŋ la ciiri, gud maa mo, yə bə amaŋa saksaki haa té. Yə wəra gə asə-ase minti té bə ɗe a tope bəlam də joŋre kə teŋ wəra hõy a Pepeŋ gəm. Aŋ jəə la bədoona kir minti yə doo ku joŋre neeteŋ la wəra də waale, paapa də nuumi ba, gud bə minti kel teŋ kəyaŋ a ko kəmana bə gəm.

ZAKI 1:16

Aŋ kəsaanan gə minti giidən bəlaŋ, aŋ a yaake hulum bə ləŋaŋa ba:

ZAKI 1:19

Aŋ kəsaanan gə minti giidən bəlaŋ, cəərəŋ jəə la a kel teŋa kəya ɗəki minti: mindi mindi mo jəə la saksaki cəlam a jeɓre bə kela, səma wə a bandə-bande bə waate kela ba, bə kole waŋa bə gəm.

ZAKI 3:10

Kel gə tokɗe Pepeŋ daana guɗbusi bə baymele bə minti áŋ kaw cəərə kaŋaŋ ha'aŋ, yə kalte warda haa ku áŋ tó bə mənaŋ da. Kəsaananti, doŋ kir minti kel teŋ a ji bədoona ba.

I PIYER 5:3

Yə a isi cəərə kaa gə minti Pepeŋ əynəy di kəəsiyaŋ bə kəkamna ana ba, ɗe neeteŋ jəə la pisi kir minti kaŋ goldə la bə ɗe bədoona ana gəm ɗaw.