ZAKI 2:1 - JAA TƏMARWAŊ

¹ Kəsaananti, aŋ gə minti gə doo-de gud Yeesu Kristu Barkaŋ náŋ bə minti áŋ bə tukɗuŋ, aŋ paapa gə nakə-neke kir ceme dər kaŋ ba.

ZAKI 2:1 Iomraidhean Croise

MATIYE 22:16

Yə vəənu sərdə kaa gə guudi hiw, də *kaa gə gud *Erodiŋ suru. Yə əsəŋ bə wəətu minti: «Hulum bə hateŋ, are gə asə-ase minti tam waate kel wəra bay kan dərəma. Pepeŋ bele minti áŋ ɗee la haa naanaanə moŋ, tam hate anə ɗeker ciiri faɗi. Jəəne nuutu hulum mundu mundu mo, tam kole kel nəmtiŋ kəəsu ba, gud maa mo tam paapa bə gole agal də minti kəna mindi moŋ ba.

JOŊRE 10:34

Kəya Piyer əsəŋ bə wəətiya gəm ta, wə minti: «Ten wəra bə asə-ase hebkəna gəəzi minti Pepeŋ ɓarse dər kaa ba.

JOŊRE 20:21

Ten saksaki bə waate gə Ziwifiŋa daana kaayaŋ gə minti paapa gə Ziwifi baŋ minti yə kolə kirki la a baymele neeteŋ bə hare diri cəərə Pepeŋa, bə de gud Barkaŋ náŋ Yeesuŋa gəm.

JOŊRE 24:24

Jəŋ hiti wəra laki, anə Feliksə haraŋ da gud kumsi da də muru Dursil, a haa də Ziwifi. Kəya wə vaŋ kaa bə ɗe a mante Pol da, wə bəŋ a isi bə jiɓru ku cəərə kel gə minti waate sam de bə gud Yeesu Kristuŋ.

JOŊRE 7:2

Kəya Etiyen hərnəy kel minti: «Aŋ kəsaanan, aŋ kamnan, pisi ablaw, aŋ jeɓrə la! Pep bə minti dər məyan də apəy daŋ a vəɗaŋ kusru dayday a moomo də áŋ *Abraham a kəkəy bə minti wə a jəŋ giidə seŋka də Mesopotami daŋ, acekjew də minti wə kəm bay ɗe isi warna Araŋ naŋ.

ROMEŊ 1:11

Gud maa mo tay də ɗe gerdeŋ naŋ doonon wəra hasi, kir minti ten ɗee la a ayaŋ aye kə Tiiru Cetcetaŋ bə koloŋ də səɓaki a de nəətiŋa.

I KOREŊTƏŊ 2:8

Kar gə səɓaki gə minti kəkamna cəərə seŋkaŋaŋ uskunu guudu ba. Yə a usku guudu laŋ, yə sə a ɓele Barkaŋ bobloŋ wəra a kəbaŋ gə largaŋa ba.

KOLOSIŊ 1:4

Gud maa mo, are əskəŋ sam de nəəti bə gud Yeesu Kristuŋ daana minti aŋ bele kaa kə Pepeŋ keɗe ŋaanaanə moŋ.

I TIMOTE 1:19

Bədoona ana, ayə ku tarməyam la saksaki a de bə gud Pepeŋa, a yaake ɗiki bə baymeleŋ ku tarməyama ba. Sərdə kaa kəman yaŋ teŋ də baymeleŋ ku tərməyi, gud teŋa ta, de neeteŋ səŋɗəŋ wəra.

I TIMOTE 5:21

Ten bele waatam wəra kaŋkaŋ tiinə Pepeŋa, tiinə Kristu Yeesu daana tiinə kaa kə varə-vere gə digi kə Pepeŋa minti bəŋa: doo kel teŋ la bay he agal wəra pəlaŋ daana a keye gud hulum kəmana məna təwa'i ba.

TITI 1:1

Jeere kefter toŋ kəya haa ten Pol, hulum bə joŋre kə Pepeŋ, daana bə *gaa-ge kə Yeesu Kristu bə waate kela də səmuŋ. Pepeŋ əsnən minti ten ɗee la a keye kaa gə minti wə vərnəy wəraŋ, minti yə doo la guudu daana minti ten gay diri la wəra cəərə gəəzi də ɗe náŋ bə minti giidə Pepeŋ bəluŋ,

TITI 2:13

Áŋ əsə la bədoona ana bə mi hi pisi bə minti ɗiki də áŋ bə malə-mele cuuru hebkənaŋ, akaceŋa dər hi tó bə minti məyan kə Yeesu Kristu, Pep náŋ bobloŋ, Hulum bə seere áŋ, pəŋ dərə ne wəraŋ.

HEBEREŊ 1:3

Aŋke boblo bə sar Pepeŋ keɗe wəra bə gaa-ge guudu suru, kar gə minti aŋ fələy sar tó Pepeŋaŋ, wəra suru dege'-dege'i gəm. Kar kəm lam keɗe haa kir kasi kel gə waatə-waate gə ku gə səɓak-səɓakiŋ. Adordə minti wə pəŋ baymele kə kaŋ wəraŋ, wə ɗeŋ a isi warna apəy na a kasi kemer kə Pep bə minti səɓakiŋ kəəsu keɗeŋ.

HEBEREŊ 12:2

Áŋ malə dər áŋ la cəərə Yeesu, wə haa hulum bə minti məlaŋ gud deŋ giidə áŋaŋ daana wə bə ɗe a daw ku wəra a áŋ gəm. Wə asaŋ waale bə minti Pepeŋ bə ɗokə-ɗoke duuru na a nuunu tə bə moŋ, wə yaakaŋ kusru wəra bə me a kəbaŋ gə largaŋa, cuuru jəŋ a kel kə kes-kese gə gud me toŋa ba. Wə hebkəna bə əsə-isi agal kemer də jaaŋa də kumna kə Pepeŋa.

ZAKI 1:16

Aŋ kəsaanan gə minti giidən bəlaŋ, aŋ a yaake hulum bə ləŋaŋa ba:

ZAKI 1:19

Aŋ kəsaanan gə minti giidən bəlaŋ, cəərəŋ jəə la a kel teŋa kəya ɗəki minti: mindi mindi mo jəə la saksaki cəlam a jeɓre bə kela, səma wə a bandə-bande bə waate kela ba, bə kole waŋa bə gəm.

ZAKI 2:3

Aŋ raawe bə humi kosoŋa cəərə hulum bə hurma bə ganə-gene pisiŋa daana aŋ wəətu minti: «Tam toŋ bəəda a isi wəra kəna a ko pisiŋa». Səma, kə hulum bə caacaŋ, hulum guudəŋa raawe bə wəətu minti: «Əsə da səram da anə gil», paapaŋa minti: «Bəəda əsə na səran na anə cin adawra na.»

ZAKI 2:9

Səma, jəəne minti aŋ ceme dər kaŋ, aŋ ji haa kəya baymele, kəya ku giliŋ humuŋ gud minti aŋ paapa bə ɗe guudu ba.

ZAKI 3:17

Səma ase bə zuuri kel bə minti bəŋ sar Pepeŋ daŋ, wə paapa bədoona ba. Hulum bə minti də ase tóŋ, ajew faɗi, wə hulum *cetceti, wə hulum bə arse ku kel, wə hulum sããyi daana paapa də tete ba. Wə ji giidu pəsaŋ sar kaa ablaw daana wə ji haa kel pəsaŋ saksaki. Wə ceme dər kaa ba, wə waate kel paapa ku kəna təwa bə gəm.

II PIYER 1:1

Jeere kefter toŋ haa ten Simoŋ Piyer, hulum bə joŋre daana bə *gaa-ge kə Yeesu Kristuŋ. Ten jeereneŋ kefter toŋ a nəənəŋ, aŋ kaa gə minti fəlaŋ deŋ gud ɗeker kə Pep náŋ Yeesu Kristuŋa daana hulum bə seere áŋ. De toŋ haa bə naareŋ ana dege'-dege'i faɗi gəm.

ZUDI 1:16

Yə ŋorme kuy saksaki, giidi bə ɗəməya cəərə kumsi, kel kə bayməlaŋ gə minti giidi bələy, ɗe diiri haa té. Yə waate haa kel gə hage sam kusriŋ saksaki, yə tokɗe kaŋ haa bə jəy tiniini di təwa.

VEƊE 14:12

Kel teŋ keɗe waate haa minti kaa kə Pep gə minti humi kosoŋ cəərə ku gili nuutuŋa, gə minti saksaki gə doo-de gud Yeesuŋ, yə məə la ku gəəliŋa.