ZAKI 1:5 - JAA TƏMARWAŊ

⁵ Jəəne minti hulum kəman yaŋ adəwaldəŋa minti hel də zuuri kel kirpunuŋ, wə mantəta la kasi Pep bə minti aya wəra anə hóy a kaŋ keɗe bay gəbaŋ adaŋ.

ZAKI 1:5 Iomraidhean Croise

MATIYE 11:20

Kəya Yeesu əsəŋ bə ji gəbaŋa a kaa gə minti giidə anə vil də minti wə jəətəŋ daŋgeŋ də miɗi nuutuŋ ada gud bə minti yə koloŋ kirki a baymele neeteŋ baŋ.

MARKƏ 16:14

Bə dəyaŋ pa, wə vəɗaŋ kusru máŋ haa a *kaa gə guudu hor ciiri məna'iŋ, yə a bə hame. Wə jiiniy gəbaŋ cəərə bay de neeteŋa daana minti yə hẽŋeŋ wəra də kaa gə minti əsnu wəra bə harə-hare dədərgə gud bə minti yə duuniy kuy baŋ.

Kel pəsaŋ kəmarwaŋ gə minti Zaŋ jiiriniy 14:13

Kar gə minti aŋ məntəy keɗe kaasəna də səman, ten jəŋ dəŋ yaŋ kir minti boblo kə Abaŋ vaɗə la wəra sar Kurmuyuŋa.

Kel pəsaŋ kəmarwaŋ gə minti Zaŋ jiiriniy 15:7

Aŋ jəəne gə gargə-garge sarəna daana kel katən jəəne sarəŋa garge gəm, karman bə minti aŋ də caaduŋ keɗe, aŋ məntu la, aŋ fəlu yaŋ.

Kel pəsaŋ kəmarwaŋ gə minti Zaŋ jiiriniy 4:10

Wə harna kel minti: «Karman bə minti Pepeŋ əyu a kaŋ a jəə la də diriŋ, daana hulum bə minti bə mante kana kəəsi gilaŋ a jəə la də diri gəm, sə a mante kan kəəsu haa te ɗaw. Wə sə a əyəy haa kan gə aye dədərgəŋ.»

II KOREŊTƏŊ 2:16

Kə sərdə kaa ha'aŋ, siisi duŋ wəra baymele hasi daana yə fele meŋ guudu tiinə Pepeŋa. Kə kaayaŋ, haa siisi pisi hasi daana yə fele dədərgəŋ guudu. Mindi bə nakə-neke bə ji digi taŋ kəya mo?

ZAKI 1:17

kar pəsaŋ keɗe gə minti kuy wəra gə doo-deŋ bəŋ apəy da, kasi Pep bə minti jəŋ anə seskaŋ, də kitir, daana cəwaŋ. Wə kole ba hasi, wə he giidu wəra sar áŋa minti wə yaake áŋ dər tilməŋa damdi anə cəwaŋ jəəti áŋ ha'aŋ ana bə gəm.

ZAKI 3:17

Səma ase bə zuuri kel bə minti bəŋ sar Pepeŋ daŋ, wə paapa bədoona ba. Hulum bə minti də ase tóŋ, ajew faɗi, wə hulum *cetceti, wə hulum bə arse ku kel, wə hulum sããyi daana paapa də tete ba. Wə ji giidu pəsaŋ sar kaa ablaw daana wə ji haa kel pəsaŋ saksaki. Wə ceme dər kaa ba, wə waate kel paapa ku kəna təwa bə gəm.

ZAKI 5:16

Gud teŋa ta, aŋ kaa kuŋ la wəra cəərə baymele nəətiŋa tiinə kumsəŋa daana aŋ toosə la cəərə kumsəŋa kir minti aŋ seerə la wəra. Toose kə hulum bə minti dər Pepeŋa ɗekeriŋ də səɓaki ablaw.

I ZAŊ 3:22

Kar gə minti áŋ məntəy kəəsu keɗeŋ, wə əyəy a áŋ, gud bə minti áŋ bə ɗe gud ku gili nuutuŋa daana áŋ bə jəəti kar gə daw duruŋa gəm.