ZAKI 1:4 - JAA TƏMARWAŊ

⁴ Səma, səɓaki dəŋ a humi ku gəəliŋa ba kir minti aŋ jəə la wəra gə naa-ne kaŋkaŋ, sarte a ji saraŋa a ko anə weseka ba, daana ɗiki pisiŋ a yaake wəra saraŋa bə gəm.

ZAKI 1:4 Iomraidhean Croise

MATIYE 10:22

Kaŋ keɗe bə məlaŋ dərəŋ yaŋ wəra gud səmana. Səma hulum bə minti əsəŋ ne ŋəŋ ku kel teŋa hãã a me duŋ, wə seere yaŋ wəra.

MATIYE 19:20

Puranul hərnu kel minti: «Kar teŋ gila keɗe, ten jəŋ teŋ ne wəra, maa baalaŋ yaakaŋ wəra sarəna pə mo?»

MATIYE 5:48

Aŋ jəə la *cetceti damdi Bəraŋ Pep bə minti apəy daŋ wəra cetcetiŋ ana gəm.»

MARKƏ 10:21

Yeesu goloŋ hulum, wə bəlnu wəra ablaw. Wə wəətunu minti: «Karman yaakaŋ wəra sarəma məna: ɗee la, gusə kar nəmtiŋ la wəra keɗe, ayə soloy diŋ la wəra a kaa kə caacaŋ, kəya tam ɗe a fele bege nəmti bə gəəzə-gəəziŋ yaŋ apəy na. Adoro bəəda, tapə la guudəna nuutu ta.»

LIKI 18:22

Bə minti Yeesu əskəŋ kel teŋ kəyaŋ, wə wəətunu minti: «Karman yaakaŋ wəra sarəma məna. Gusə kar nəmtiŋ la wəra keɗe, ayə soloy diŋ la wəra a kaa kə caacaŋ, kəya tam ɗe a fele bege nəmti bə gəəzə-gəəziŋ yaŋ apəy na. Adoro bəəda, tapə la guudəna nuutu ta.»

LIKI 21:19

Aŋ əsə la ŋəŋ, aŋ seere dədərgə dəŋ yaŋ wəra haa bədoona ana.»

LIKI 8:15

Kaasaw gə minti raytaŋ a ko bə cimə-cimiŋaŋ, haa kaa gə minti iski kel kə Pepeŋ, yə doy ŋəŋ ku tərməyi ɗeker pasaŋ. De neeteŋ ɗe ajewa pisi gud bə minti yə de giidi dər gəəliŋa.»

Kel pəsaŋ kəmarwaŋ gə minti Zaŋ jiiriniy 17:23

Kel teŋ haa minti ten bə tapə-tepe diiri, tam bə tapə-tepe dəərən gəm. Bədoona ana tepe neeteŋ ji yaŋ wəra bə doo-de ku kir minti kaa gə cəərə seŋkaŋ asə la minti tam gaanan da daana tam bə bələya damdi tam bə bəlanaŋ ana gəm.

I KOREŊTƏŊ 2:6

Ana ɗaw paŋ, are yaŋ bə hate aseŋa a kaa kə doo-de gə minti gə jeŋə-jeŋe a tiiruŋaŋ. Ase toŋ haa paapa ase kə kaa gə cəərə seŋkaŋ ba. Wə paapa ase kə kar gə səɓaki gə minti kəkamna cəərə seŋkaŋa gə minti tewe wəraŋ, bə gəm.

GALATIŊ 6:9

Bədoona ta, áŋ a geye kas ji bə pisiŋ ba, gud maa mo, áŋ gə minti gəyaŋ baŋ, áŋ bə fele kar pəsaŋ yaŋ bə minti ko bə werke nəkaŋ də neŋ.

KOLOSIŊ 4:12

Epafrasi, hulum nəətiŋ, bə mirkiŋ na gəm. Wə haa hulum bə joŋre kə Yeesu Kristuŋ, wə bə kuuri də tooseŋ guudəŋa kir minti aŋ əsə la ŋəŋ a deŋa, aŋ jəə la wəra gə naa-ne daana aŋ jəə la wəra máŋ gə ayə-aye ɗiki dəŋ bə ji karman bə minti giidə Pepeŋ bəluŋ keɗe.

1 TESALONIKIŊ 5:23

Pepeŋ də kusru bə minti aye kəkaɓiŋ, koloŋ la wəra keɗe *cetceti. Wə amaŋ la neŋneŋ keɗe ku baymeleŋa, kusrəŋ, ɗiki dəŋ, daana dədərgə deŋ bə mi hi bə minti Barkaŋ náŋ Yeesu Kristu hare duru daŋ.

II TIMOTE 3:17

kir minti hulum kə Pepeŋ jəə la wəra bə ɗampə-ɗampe kaŋkaŋ, daana bə ganə-gene bə ji joŋre pisiŋ keɗe gəm.

HEBEREŊ 13:21

Pep toŋ koloŋ la gə nakə-neke bə ji gidiirə pisiŋ wəra keɗe, kir minti aŋ jəə la haa karman bə minti giidu bəluŋ. Də Yeesu Kristu, wə jəə joŋre nuutu la cəərə áŋa bə kole áŋ wəra bə ji karman bə minti daw duruŋ. Aŋkeŋ jəə la kə Yeesu Kristu bə faɗnə-faɗna! *Amen.

ZAKI 1:5

Jəəne minti hulum kəman yaŋ adəwaldəŋa minti hel də zuuri kel kirpunuŋ, wə mantəta la kasi Pep bə minti aya wəra anə hóy a kaŋ keɗe bay gəbaŋ adaŋ.

ZAKI 3:2

Áŋ keɗe, áŋ kunti kuurə kel ablaw a kəkəy bə wəətiya. Səma, jəəne minti hulum kəman yaŋ, toŋ paapa bə kunti kuurə kel kə waate nuutuŋa ba anə cekiŋ, wə haa hulum bə minti sarte paapa suru anə weseka ba, wə bə nakə-neke kirka ame kusru wəra keɗe gəm.

I PIYER 5:10

Aŋ hebkəna bə se gəəliŋa nuutu gəəzi, səma paapa bə hiti ablaw pəda. Pep bə minti bə ji pisiŋa sarəŋa saksakiŋ, bə minti mantənaŋ warda bə ɗe a vaŋ dər məyan nuutu də bay teweŋaŋ gud tepe nəətiŋa də Kristuŋ, wə də kusru, wə hare yaŋ bə ɗompoŋa adordə lasiŋa. Wə jeŋeŋ yaŋ wəra, wə ayaŋ səɓaki yaŋ, wə ji yaŋ kir minti aŋ a daɓye ba.

II PIYER 1:9

Gəəzi, hulum bə minti kumsə kel teŋ paapa suru baŋ, duru ase haa anə fənna-fənna bagŋ, wə haa damdi wə bə bəwə-bəwi ana. Cuuru wəra də gaa-ge minti, baymele nuutu bə daydayaŋ, yə pooroŋ wəra cuuru haa pooreŋ.