ZAKI 1:3 - JAA TƏMARWAŊ

³ Gud minti bəŋa, aŋ wəra gə asə-ase minti dər gəəli toŋa kəyaŋ, jəəne minti de nəəti bə gud Pepeŋ daɓyaŋ baŋ, aŋ ze guuduŋ də səɓaki haa ze faɗi.

ZAKI 1:3 Iomraidhean Croise

LIKI 21:19

Aŋ əsə la ŋəŋ, aŋ seere dədərgə dəŋ yaŋ wəra haa bədoona ana.»

ROMEŊ 15:4

Kel gə minti gə jeerə-jeere giidə Kefter kə Pepeŋ da anə hãã keɗeŋ haa bə hate áŋ. Yə ge áŋ bə kole bə mi ku kela daana bə teŋe dər áŋa kir minti ɗiki də áŋ jəə la saksaki bə malə-mele cəərə Pepeŋa.

ROMEŊ 2:7

Wə aye dədərgə də bay teweŋ yaŋ a kaayaŋ gə minti ayaŋ kusri saksaki bə ji haa pisiŋ kir minti Pepeŋ aŋkə té laŋ, wə haa cəərə té la apəyaŋ, daana wə ayə dədərgə də minti me pədaŋ la a teŋ.

ROMEŊ 8:25

Səma jəəne minti áŋ gə malə-mele ɗiki də áŋ cəərə karman bə minti áŋ əsnu kəm wəra də dər áŋ baŋ, áŋ isi haa ŋəŋ bə məwa faɗi.

ROMEŊ 8:28

Áŋ gə asə-ase gəm minti, kə kaa gə minti bele Pepeŋ, gə minti wə a məntənəy wəra bə de ku karman bə minti wə a ɗəmpunu wardaŋ, karman muntu muntu mo bə minti tuli ciiriŋ, wə ɗe a awe cuuru diiri haa a pisiŋa.

II KOREŊTƏŊ 4:17

Lasi də minti are bə saara hebkənaŋ, a ŋəraŋ ne də boblo bə minti are fəlu yaŋ apəy na gud bə minti are saanaŋ, a gole dər are haa anə weseka daana bə isi anə sawəwa bagŋ. Bə ɗampe boblo tó bə bay teweŋa, haa tá faɗi.

KOLOSIŊ 1:11

Wə ayaŋ səɓaki yaŋ anə kaŋkaŋ də səɓaki nuutu mooto hasaŋ, kir minti aŋ nakə la bə hale daana bə mi ku gidiirə kela keɗe də waale.

II TESALONIKIŊ 1:4

Gud teŋa are bə ufi ku are tiinə kaa kə Pep gə minti giidə Tapiŋa ta'-ta'aŋ, haa gud bay dere hor nəətiŋa, daana gud de nəətiŋ bə gud Yeesu dər lasiŋa daana dər gəəli bə minti aŋ bə həluŋaŋ keɗeŋ.

II TESALONIKIŊ 3:5

Barkaŋ haraŋ tarməyaŋ la haa cəərə bele kə Pepeŋaŋ daana cəərə talma də mi kə Kristuŋa.

HEBEREŊ 10:36

Aŋ kir ji kaa gə minti isi ŋəŋ ku kela bə de ku karman bə minti giidə Pepeŋ bəluŋ wəra. Bədoona ana ta, aŋ fele kar gə minti wə a waatənaŋ simiy wəraŋ gəm.

HEBEREŊ 12:1

Bədoona ana, kaa teŋ gila keɗe gə minti jəŋ bərdə kəkəy cəərə de neeteŋa, yə wəra bə ɓəkə-ɓiki cəərə áŋ cẽẽ tə pə moŋ, áŋ raytə kar kə eele gə sar áŋ la wəra keɗe, bə fi taraŋ də minti áŋ kir fəərəŋ tat-tatiŋ bay dere hor. Kar kə eeleŋ daŋgeŋ haa baymele bə minti larkete sar áŋa bay gəəli anə faɗ-faɗi.

HEBEREŊ 6:12

Aŋ a arse wəra a kəkəya ba. Aŋ haa la haa kel kə kaayaŋ gə minti doŋ gud Pepeŋa daana məətəŋ ku kelaŋ ɗaw. Kaa teŋ fele kar gə minti Pepeŋ a wəətənəy səməy wəra a niiniŋ.

I PIYER 1:7

Aŋ bə sawa haa bə gole koɗ de dəŋ minti wə haa de bə gəəzə-gəəzi nuutu mo, paapa mo? Aŋ gosə gole la kəm, maaway tewe wəra hõy bə mo? Də teŋ keɗe, yə hoga a cəwa hərhəraŋa bə reye zodi dəŋ wəra. Səma, karman bə minti dəŋaŋ maaway pisi kampa ablaw, haa de nəətiŋ bə minti əsəŋ ŋəŋ dər gəəli bə minti gulnu kuɗu ɗaw! Gud de nəəti toŋa ta, Pepeŋ bə ayaŋ tokɗeŋ, məyan, daana wə haŋ cəərəŋ yaŋ apəya dər hi bə minti Yeesu Kristu veɗe kusru yaŋ wəra a kaŋ.

II PIYER 1:6

Də ase bə Pepeŋ, aŋ gaa ame bə kusrəŋ la ku. Də ame bə kusrəŋ, aŋ gaa mi bə ku gəəliŋ la ku. Də miŋ, aŋ gaa aye bə kusrəŋ wəra keɗe a Pepeŋ la ku.