ZAKI 1:2 - JAA TƏMARWAŊ

² Kəsaananti, bə minti gidiirə gəəliŋ tuukuŋ ne cəərəŋa ablaw, aŋ jəə la wəra də waale giidiŋa feh-fehi.

ZAKI 1:2 Iomraidhean Croise

JOŊRE 5:41

Kaa kə vaa-veŋ vaŋ warda giidə kuli kə kaa kəmtəŋ gə jeme kəəti kə kaanə Ziwifi da bə kooreŋ. Ku tərməyi jəŋ wəra də waale gud bə minti Pepeŋ wəra bə ɗəkə-ɗiki ciiri minti yə gə nakə-neke bə hale kel gə gul-gulaŋ gud sam Yeesu.

ROMEŊ 5:3

Ada pə ɗaw haa minti, áŋ ufi ku áŋ dər lasi də awte cəərə áŋa gud bə minti wəra də dər áŋ minti lasi taŋ kolə áŋ gə nakə-neke bə halaŋ.

FILIPIŊ 1:29

Gud maa mo, cəərə kel də Kristu ha'aŋ, Pepeŋ aynaŋ kəkəy paapa minti aŋ doo la guudu təwa ba, səma minti aŋ lasə la guudu gəm.

FILIPIŊ 2:17

Jəəne nuutu minti yə awan wəraŋa awe, ten də waale. Gud maa mo, kor dən bə gaa-ge wəraŋ bə ji haa karman bə ayə-aye bə minti tepe də keere bə minti aŋ juunu a Pepeŋ; keere toŋ haa de nəəti bə guuduŋ. Bədoona kəya ten ji waale dəərəŋ keɗe.

FILIPIŊ 2:18

Aŋ gəm ha'aŋ, aŋ jəə la də waale, aŋ waalə la dəərən gəm.

KOLOSIŊ 1:24

Bə hebkənaŋ, ten də waale ku lasi də minti ten bə saara guudəŋaŋ. Gud maa mo, də lasi də minti dər kusuki dəna tə pə moŋ, ten bə keye bə de ku lasi kə Kristu də minti a yaaktaŋ bay tope ku wəraŋ, də minti hulum saara a kəkəy bə joŋre nuutuŋaŋ. Ten saara ha'aŋ gud kusrə Kristuŋ; kusru haa kaa kə Tapiŋ faɗi.

HEBEREŊ 10:34

Gəəzi, aŋ kəyaŋ kaŋ ku gəəli bə daŋgay neeteŋa. Bə minti yə vurmunuŋ kar nəətiŋ wəraŋ, aŋ doŋ haa də kel teŋ də waale gud bə minti, aŋ wəra gə asə-ase minti bege nəəti bə deŋe naytoŋ, bə minti toŋ tewe hõy baŋ, yaŋ wəra kaasəŋa ɗaw.

ZAKI 1:12

Waaleŋ kə hulum bə minti bə əsə-isi ŋəŋ dər gəəliŋaŋ. Gud maa mo, gəəli bə gulu kuɗuŋ təwaŋ ne wəraŋ, wə fele dədərgə də bay teweŋ yaŋ. Haa werke bə gud bulum bə minti Pepeŋ a wəətunu səmu wəra kaŋkaŋ a kaa gə minti bə bəluŋ.

ZAKI 1:16

Aŋ kəsaanan gə minti giidən bəlaŋ, aŋ a yaake hulum bə ləŋaŋa ba:

ZAKI 1:19

Aŋ kəsaanan gə minti giidən bəlaŋ, cəərəŋ jəə la a kel teŋa kəya ɗəki minti: mindi mindi mo jəə la saksaki cəlam a jeɓre bə kela, səma wə a bandə-bande bə waate kela ba, bə kole waŋa bə gəm.

ZAKI 5:11

Áŋ aye aŋkeŋ a kaa gə minti a əstəŋ da ŋəŋ-ŋəŋ də səɓakiŋ haa gud teŋa. Aŋ a əskəŋ kel kə dayday cəərə Jobi, minti wə əsəŋ duru ɗəl dər gəəliŋa. Aŋ bə asaŋ karman bə minti Pepeŋ haraŋ bə əyu du adoroŋ gəm. Gəəzi ha'aŋ, Barkaŋ ji giidu pəsaŋ sar kaŋa daana wə jəy pisi gəm.

II PIYER 2:9

Aŋ asaŋ ne, kaa gə minti bə ɗe haa də ku Barkaŋ jəəne bə se lasiŋaŋ, wə bə nakə-neke bə humuy warda dərə da daana bə ve kaa gə gul-gulaŋ laki bə ɗe a jəy daŋgay di dər hi bə kəətiŋa.

VEƊE 2:10

Aŋ a ji walka kas lasi də minti aŋ bə saara yaŋ palpal ba. Golə la, Nərtitiŋ bə feke sərdəŋ yaŋ a daŋgaya bə goloŋ koɗoŋ, aŋ bə se lasi yaŋ kir hiti hori. Aŋ əsə la ɓeti jəəne nuutu minti yə awaŋ, kəya ten ayaŋ werke bə bulum yaŋ, werke toŋ haa dədərgəŋ.