ZAKI 1:1 - JAA TƏMARWAŊ

¹ Jeere kefter toŋ haa ten Zaki, hulum bə joŋre kə Pepeŋ daana kə Barkaŋ Yeesu Kristuŋ. Ten jeere kefter toŋ a kaasaw də kaanə Ziwifi hor ciiri ɓasiŋ gə minti wəra gə meerə-meere giidə koŋaŋ. Ten bə mirkiŋa.

ZAKI 1:1 Iomraidhean Croise

MATIYE 10:3

Filipi də Bartelemi; Tomasi də Matiye *hulum bə tope lambaŋ; Zaki kormə Alfeŋ, də Tade;

MATIYE 13:55

Kəna paapa kormə hulum bə lete kəbaŋ bə mo, kormə Mari, seenə anə Zaki, Zosefi, Simoŋ daana Zudə bə mo?

MATIYE 19:28

Yeesu wəətənəy minti: «Gəəzi ten waataŋ, *Kormə Hulúm əsəŋ ne akaceŋa cəərə jaaŋa nuutu də məyana a ko bə minti Pepeŋ haraŋ ne bə kole koŋa kimirwiŋ, aŋ kaa gə minti a təpaŋ guudənaŋ, aŋ bə əsti yaŋ a gəjaaŋaw kə kəkamnaŋa hor cəərə ɓasa bə jeme kəətiŋa cəərə tanta də kaanə *Israyel hor ciiri ɓasiŋa.

MARKƏ 3:18

Andere, Filipi, Bartelemi, Matiye, Tomasi, Zaki kormə Alfeŋ, Tade, Simoŋ bə minti bele seŋka nuutuŋ ablaw,

LIKI 22:30

Bədoona ana, aŋ hame yaŋ, aŋ se yaŋ dəərən a Kumna nina, daana aŋ əsti yaŋ a gəjaaŋaw kə kəkamnaŋa bə jeme kəətiŋa cəərə tanta də kaanə *Israyel hor cəərə ɓasiŋa.»

LIKI 6:15

Matiye, Tomasi, Zaki kormə Alfe, Simoŋ bə minti bele seŋka nuutuŋ ablaw,

Kel pəsaŋ kəmarwaŋ gə minti Zaŋ jiiriniy 12:26

Hulum bə minti bele jən joŋreŋ, wə han bəlam dən la. Bədoona ana, ko bə minti ten adaŋ, wə bə ji yaŋ ada na gəm. Hulum bə minti bə jən joŋreŋ, Barən bə əŋku yaŋ gəm.

Kel pəsaŋ kəmarwaŋ gə minti Zaŋ jiiriniy 7:35

Kaanə Ziwifiŋ waataŋ aduubə də kumsi minti: «Wə bə koore haa a ko muntu toŋ minti aŋ bə fəlu pədaŋ mo? Wə bə koore haa ger kaanə Ziwifi gə minti warna gə meerə-meere aŋay ger kaanə Gereki na mo? Wə ɗe a hate kaanə Gereki mo?

JOŊRE 1:13

yə ɗeŋ a ve aləwa giidə kuli kəmana bə minti yə a hursunu cəərə kumsu na apəy na. Haa kuli cekeɗi bə minti yə a hataŋ bə tapte ciiri ada. Kaa gə minti vaŋ giidə kuliŋa ateŋa ha'aŋ, anə Piyer, Zaŋ, Zaki daana Andere, Filipi daana Tomasi, Bartelemi daana Matiye, Zaki kormə Alfeŋ, Simoŋ bə minti bele seŋka nuutuŋ, daana Zudə kormə Zakiŋ.

JOŊRE 12:17

Kəya Piyer haŋ kəəsu apəya, wə vilwiniy di anəkayya minti yə zenə la kəm mo. Yə zeneŋ sekeki, kəya wə əsəŋ bə tupuy bəlam də kel gə minti Barkaŋ gaŋ tó warda a daŋgay da haa naanaanə ge moŋ. Wə wəətənəy pa minti: «Aŋ ɗee la a waate kel teŋ a Zaki də kəsaanə áŋ kaayaŋ gəm.» Kəya wə kəlaŋ wəra, wə kooroŋ warna a ko baalaŋ na anə hoŋ.

JOŊRE 15:13

Ku anə Barnabasi də Pol ɗeŋ a awe adawra anəkay, Zaki faŋ apəya, wə əsəŋ bə waate kaŋa minti: «Kəsaananti, aŋ jeɓren kun la!

JOŊRE 15:21

Gud maa mo, dər kaa gə ajew da hãã dayna, kaa kə hate ku gili kə Moyisi yaŋ giidə vila wəra məna-məna keɗe, daana yə bə əŋkətu saksaki dər *hi bə faake kə Pepeŋa giidə *kuli bə toose neeteŋa.»

JOŊRE 15:23

Lam bə jeerə-jeere kəna haa kefter bə minti yə əynəy di kəəsi naŋ: «Aŋ kəsaanə are gə doo-de gə minti paapa gə Ziwifi baŋ gə giidə vil də Antiyosiŋ, gə giidə seŋka də Siriŋ daana gə Silisiŋ, are kəsaanaŋ gə vaa-veŋ, də kaa kəmtəŋ gə tiinə kaŋ, are bə mirkiŋ na.

JOŊRE 2:5

A jəŋ Zeruzalema haa kaanə Ziwifi gə minti ɗe haa də ku Pepeŋ. Yə pətəŋ warda giidə seŋka məntə məntə də mo hal-hal keɗe.

JOŊRE 21:18

Ɗeŋ a deye dibiinim, Pol kooroŋ də are ger Zaki. Kaa kəmtəŋ gə tiinə kaa kə Tapiŋ keɗe təpaŋ ciiri wəra ada gəm.

JOŊRE 23:26

«Tam Feliksə, kumna bobloŋ, jeerem kefter toŋ kay kəna haa ten Kolodi Lisiyasi. Ten bə mirkima.

JOŊRE 26:7

Haa karman tó bə minti kaasaw də áŋ gə minti guudi ta'-ta'i hor cuuru ɓasi məlaŋ ɗiki di bə əsu bə de ku wəra hõy gəm. Gud teŋa ta, yə bə ke awalna a Pepeŋ, daaway də duugŋ keɗe'i, geye neete paapaŋ. Gosə gole la kəm tə mo kumnaŋ, kaanə Ziwifiŋ gaanan də kel ha'aŋ, gud ɗiki tó bə minti wəra bə malə-meleŋ ta'i faɗi!

JOŊRE 8:1

Sol a kəlaŋ ku a kel gə minti kaŋ waataŋ minti awə Etiyen la wəraŋ gəm. Dər hi toŋa ateŋa faɗi kəyaŋ, lasi də cəwa-cəwa awaŋ cəərə kaa kə Tapi gə Zeruzalema. Kəya kaa kə doo-deŋ neŋneŋ keɗe meerteŋ wəra məna-məna giidə seŋka də Zudeŋa, də Samariŋa gəm. *Kaa kə vaa-veŋ, teŋ kooroŋ ba, yə yaakaŋ Zeruzalema.

ROMEŊ 1:1

Jeere kefter toŋ haa ten Pol, hulum bə joŋre kə Yeesu Kristuŋ. Pepeŋ mantənan minti ten kolə la *hulum bə gaa-ge daana wə əsnən wəra dəra'i a kusru bə waate *Kel pəsaŋ kəmarwaŋ nuutuŋ wəra.

GALATIŊ 1:19

Dər ko toŋa kəyaŋ, ten ŋəfaŋ də hulum baalaŋ gud kaa kə vaa-veŋa ba. Ten ŋəfaŋ haa də Zaki seenə Barkaŋ Yeesuŋ təwa.

GALATIŊ 2:12

Gud maa mo bə minti wə a tuluŋ Antiyosi, wə hamtaŋ soŋ də kaa kə doo-de gə minti paapa gə Ziwifi baŋ. Səma hiti jəŋ wəra laki, bə minti kaanə Ziwifi gaalaŋ gə minti Zaki vəənəy da tuluŋ anəkay, Piyer haŋ giidu wəra sar kaa gə minti paapa gə Ziwifi baŋa faɗi, wə yaakaŋ hamte bə soŋ diiri faɗi gəm. Wə jəŋ teŋ bədoona ha'aŋ, kas walka də kaanə Ziwifiŋ.

GALATIŊ 2:9

Anə Zaki də Piyer daana Zaŋ, gə minti kaŋ a humnuy tiini kəmtəŋ neeteŋ, yə asaŋ wəra gəm minti Pepeŋ aynan joŋre nin bə jiŋ haa toŋ kəya. Bə ge dər minti ku are máŋ bə tapə-tepe diiri tə bə moŋ, yə topoŋ kasi are də Barnabasi faɗi. Bədoona kəya, are gaŋ ku are wəra məna minti are teŋ ɗee la a ji joŋreŋ adəwaldə kaa gə minti teŋ paapa gə Ziwifiŋ baŋ, té kaayaŋ ɗee la a ji joŋre adəwaldə kaanə Ziwifiŋa gəm.

FILIPIŊ 1:1

Jeere kefter toŋ haa are anə Pol də Timote, are kaa kə joŋre kə Yeesu Kristuŋ. Are jiiru haa a kaa kə Pepeŋ gud tapi neeteŋa də Yeesu Kristuŋ, gə minti giidə seŋka də Filipiŋaŋ, a kaa kəmtəŋ gə tiinə kaŋ daana a kaa kə joŋre neeteŋ gə giidə kuli kə Pepeŋ.

II TIMOTE 4:21

Haa kusrum da kir minti tam bəəda a fəlan wəra ajew də minti kosõõyeŋ kəm bay mele guuduŋ. Anə Ebulisi, Puden, Linusi, Kolodiya, də kəsaanə áŋ gə minti kanna sarənaŋ keɗe bə mirkim na.

TITI 1:1

Jeere kefter toŋ kəya haa ten Pol, hulum bə joŋre kə Pepeŋ, daana bə *gaa-ge kə Yeesu Kristu bə waate kela də səmuŋ. Pepeŋ əsnən minti ten ɗee la a keye kaa gə minti wə vərnəy wəraŋ, minti yə doo la guudu daana minti ten gay diri la wəra cəərə gəəzi də ɗe náŋ bə minti giidə Pepeŋ bəluŋ,

I PIYER 1:1

Jeere kefter toŋ kəya haa ten Piyer, *hulum bə gaa-ge kə Yeesu Kristuŋ. Ten jeereŋ kefter toŋ kəya a aŋ kaa gə minti Pepeŋ a ŋamtənaŋ wəraŋ. Aŋ hebkəna gə meertə-meerte warna aŋay giidə seŋka də Poŋ na, də Galatiŋ, də Kapadosiŋ, də Aziŋ, daana də Bitiniŋ naŋ.

II PIYER 1:1

Jeere kefter toŋ haa ten Simoŋ Piyer, hulum bə joŋre daana bə *gaa-ge kə Yeesu Kristuŋ. Ten jeereneŋ kefter toŋ a nəənəŋ, aŋ kaa gə minti fəlaŋ deŋ gud ɗeker kə Pep náŋ Yeesu Kristuŋa daana hulum bə seere áŋ. De toŋ haa bə naareŋ ana dege'-dege'i faɗi gəm.

ZUDI 1:1

Jeere kefter toŋ kəya haa ten Zudi, seenə Zaki, ten hulum bə joŋre kə Yeesu Kristuŋ. Ten jeere kefter toŋ haa a nəənəŋ, aŋ kaa gə minti Pepeŋ mantənaŋ, Pep Abaŋ bəlaŋ, daana Yeesu Kristu bə goloŋ cəərəŋa haa tó gəm.

VEƊE 7:4

Kaa gə minti yə məltənəy tampoŋ tiiniŋ, yə waatənan minti yə 144.000. Yə wəra a tanta kə karmə kə *Israyela wəra keɗe.