VEƊE 9:1 - JAA TƏMARWAŊ

¹ Hulum bə digi kə Pepeŋ bə wiiɗiw ufuŋ atoltom nuutuŋ kəyaŋ, ten asaŋ seska kəman bə awe warda adawra da. Yə ayna lakəle bə ku tələŋkə kələmləma də bay nobeŋ kaasa.

VEƊE 9:1 Iomraidhean Croise

LIKI 10:18

Yeesu hərnəy kel minti: «Ten asaŋ *Sataŋ bə awe da apəy da damdi ko welɗeŋ ana.

LIKI 8:31

Kəya kəwal jəŋ kamkam a Yeesu minti wə a ve té a tələŋkə kələmləm də bay nobeŋa ba.

ROMEŊ 10:7

«A waate bədoona ana bə gəm: ‹Mindi sorke a ko kə kaa kə mee-meŋ naŋ mo?›» (Haa minti: bə ɗe a waate Kristu minti wə luu da warda sar áŋ daŋ.)

VEƊE 1:18

daana bə minti caw dədərgəŋ. Ten a meŋ wəra, ten haraŋ wəra dədərgə, ten máŋ caw dədərgə bə faɗnə-faɗna. Səɓaki də cəərə meŋ daana də cəərə ko kə kaa kə mee-meŋa kaasəna.

VEƊE 1:20

Seska seeɗa'a tá də minti tam a asna a kaasən kemeraŋ, də lampa seeɗa'a də gaɓtə-gaɓte a larga də kooso bə gusi bə awəy-awəyaŋ, gud kel di gə metə-meteŋ haa minti: seska seeɗa'aŋ haa *kaa gə digi kə Pepeŋ gə minti bə gole cəərə kaa kə Tapi gə giidə vil seeɗa'aŋaŋ. Lampa seeɗa'aŋ haa Tapi taŋ faɗi gəm.»

VEƊE 11:7

Bə minti yə təwaŋ waate bə kel kə Pepeŋ ne wəraŋ, bege bə wara bə waŋ-waŋ li yaŋ warda giidə tələŋkə kələmləma də bay nobeŋ da. Wə bə ɗələy yaŋ, wə pi bulum yaŋ ciiri daana wə əwəy yaŋ wəra.

VEƊE 17:8

Bege bə minti tam a əsnu kənaŋ, wə a jəŋ hõy caw; bə hebkəna ha'aŋ, wə paapa caw pəda. Wə bə hare yaŋ bə kele da warda giidə tələŋkə kələmləma də bay nobeŋ da, wə bə ɗe a bese wəra. Kaa gə cəərə seŋka gə minti səməy a paapa gə jeerə-jeere giidə kefter bə dədərgəŋa wəra ajew də mele bə gud koŋ baŋ, kaa teŋ bə ŋili yaŋ a ko bə minti yə asaŋ bege toŋ neŋ. Gud maa mo wə a jəŋ hõy caw, wə paapa hebkəna caw pəda, wə bə hare yaŋ wəra caw.

VEƊE 20:1

Kəya ten asaŋ *hulum bə digi kə Pepeŋ bə ve da warda apəy da. Lakəle də ku tələŋkə kələmləma də bay nobeŋ kəəsu kay, də gaalay kəmtəŋ anə ɓətkəw-ɓətkəw gəm.

VEƊE 20:10

Kəya yə gaŋ Nərtiti də minti a kəənəy kuy wəra a ko bə cəwa də sufrə hərhəraŋa, sar bege bə waraŋa daana bege bə minti jogte ku mini bə laŋte kaŋ. Yə bə se lasiŋ yaŋ máŋ bə faɗnə-faɗna, daaway də duugŋ keɗe.

VEƊE 6:13

Seskaŋ suuruŋ warda adawra da damdi we bə nimnim bə bay neŋ suuri warda adawra da a ko bə minti kaŋkaw gə səɓakiŋ jəŋ ne anaŋ.

VEƊE 8:10

Hulum bə digi kə Pepeŋ bə soopeŋ ufuŋ atoltom nuutuŋ, kəya seska mooto kəman bə halɗe kəsəlɗə damdi cəwaŋ ana, awaŋ warda adawra da. A awaŋ cəərə agal də soope də anə vora daana ko bə minti kan ãyte warda də adaŋ.

VEƊE 8:12

Hulum bə digi kə Pepeŋ bə waaɗeŋ ufuŋ atoltom nuutuŋ, kəya agal də soope də cəwa də wele koŋ, kitir daana seskaŋ gəyaŋ wəra faɗi, yə paapa bə welɗe pəda də aŋar də ko kəman ta'i. Ko bə daaway, agal du də soopeŋ, welɗe də cəwa də apəyaŋ jəŋ duru ba. Ko bə duugŋ, agal du də soopeŋ, kitir daana seskaŋ, welɗe diŋ jəŋ cuuru bə gəm.

VEƊE 8:2

Kəya ten asaŋ *kaa kə digi kə Pepeŋ seeɗa'i gə əsə-isi tiinuŋ. Yə əynəy atoltom kəəsi keɗe.

VEƊE 9:2

A bəŋəŋ ku tələŋkə taŋ wəra kəyaŋ, keseŋ vaŋ warda də ada anə gursul damdi kese bə cəwa də do'e-do'eŋ ana. Cəwa də apəyaŋ gaŋ giziɓi wəra daana koŋ paapa bə ase pəda kas keseŋ.