VEƊE 8:3 - JAA TƏMARWAŊ

³ Hulum bə digi baalaŋ kəman bəŋ a isi sar *ko bə jəəti keereŋa a Pepeŋ. Wə haŋ kooso bə gusi bə awəy-awəy bə minti yə kuuti urdeŋ giiduŋ kəəsu kay. Kəya yə əynu urdeŋ anə pər minti wə jəə keere la a Pepeŋ duuru, wə tapə toose kə kaa kə Pepeŋ la də keereŋ gəm. Wə jəŋ keereŋ haa cəərə ko bə ji keereŋa a Pepeŋ, bə minti yə a ɗəmpunu də kooso bə gusi awəy-awəy daana bə minti tiinə jaaŋa kə Pepeŋaŋ.

VEƊE 8:3 Iomraidhean Croise

LIKI 1:10

Kaa gə ablaw əsəŋ wəra tiilima bə toose də cəwa də ki agumgum bə siisi pisiŋ.

ROMEŊ 8:34

Hulum neke bə doy də kəəti pəda, gud maa mo Yeesu Kristu meŋ wəra, ada pa wə haraŋ wəra dədərgə adordə meŋa, wə bə əsə-isi a kasi kemer kə Pepeŋa daana wə bə waate kela gud áŋa haa tó.

HEBEREŊ 7:25

Gud teŋa ta, wə bə nakə-neke bə seere kaa gə minti gə zee-ze sar Pepeŋa maŋ kir kəəsuŋ wəra bə faɗnə-faɗna, gud bə minti wə saksaki caw dədərgə bə waate kela tiinə Pepeŋa gud kel diŋ.

HEBEREŊ 9:4

*Ko bə jəəti keere bə yoorə-yoore də maaway də welɗə-welɗe bə kuuti son bə siisi pisiŋ yaŋ a ko toŋa ada. *Cokrom bə minti kirku wəra bə satə-sete keɗe də maaway də welɗə-welɗe pisi, yə məntu minti cokrom bə jaa kə Pepeŋ, yaŋ ada gəm. Kormə hodi bə yoorə-yoore də maaway də welɗə-welɗe də hame kəman giidu, yə məntu minti «man», gədəwa kə *Aroŋ bə minti a huuvuŋ hõy, daana karmə pərki gə ceɗə-ceɗe gə minti ku gili bə jaŋ gə jeerə-jeere cuuruŋ, yə giidə cokrom toŋa ada keɗe.

VEƊE 10:1

Adoro kəyaŋ, ten asaŋ *hulum bə digi kə Pepeŋ bə səɓaki bə ve da warda adawra da sar Pepeŋ da. Kamraŋ gə vaa-ve suru damdi dəməəmə ana, akaarə pepeŋ də gaa-ge cuuru ada gəm. Duru damdi cəwa də apəyaŋ ana, kəmpuru damdi kəbaŋ gə karə-kere bə do'e ana.

VEƊE 14:18

Hulum bə digi baalaŋ kəman pa, toŋ də səɓaki də cəərə cəwaŋ kəəsu, wə kəlaŋ warda sar *ko bə jəəti keere a Pepeŋ da. Wə əsəŋ bə naakte ku koloŋ a hulum bə minti tərtiŋ kəəsuŋ minti: «Haa tərtiŋ la, camə we də atələələma də cəərə seŋkaŋ la, gud maa mo, we dəŋ wəra də naa-ne.»

VEƊE 5:8

Bə minti wə doŋ kefter doo kəyaŋ, kar gə dədərgə waaɗe'iŋ daana kaa kəmtəŋ hor-hor ɓasi ciiri waaɗe'i gə tiinə kaŋ əsəŋ bə ve də gigiiri tiinə Kormə Taaməkaŋa. Mindi mindi aduubə di də gundi kəəsu, daana də taasa bə ɗampə-ɗampe də kooso bə gusi awəy-awəy bə ɗosə-ɗose də urde. Urde toŋ haa toose kə kaa kə Pepeŋ.

VEƊE 6:9

Kormə Taaməkaŋ pokoŋ kaknay gə wiiɗiw wəra kəyaŋ, ten asaŋ tiirə kaa gə minti yə a cəmnəy wəra gud kel kə Pepeŋaŋ, daana gud kel gə minti yə a jəŋ bar kəkəy wəra ciiriŋ. Yə gə əsə-isi laki kampar *ko bə jəəti keereŋa a Pepeŋ.

VEƊE 7:2

Kəya ten asaŋ hulum bə digi baalaŋ bə li da agal də gud koŋ da anəkay, tampoŋ də minti sam Pep bə dədərgə cawiŋ bə jeerə-jeere cəərəŋ, kəəsu kay. Wə əsəŋ bə waate kela anə kaŋkaŋ a kaa kə digi gə minti yə əynəy səɓaki də ɓalke seŋkaŋ daana kan kəəsiŋ, minti:

VEƊE 8:4

Kese bə urde bə kasi hulum bə digiŋ faŋ apəya diwilla tiinə Pepeŋ na, də toose kə kaa kə Pepeŋ keɗe.

VEƊE 8:5

Kəya hulum bə digiŋ haŋ kooso bə minti yə ki urdeŋ giiduŋ, wə ɗusnu wəra də kuɓursi bə ko bə jəəti keereŋ, wə gəənu cəərə seŋka da. Kəya naakte bə təbay bə koŋ, dordə kar, welɗe bə koŋ daana miiri bə seŋkaŋ ŋgiɗ-ŋgiɗiŋ jəŋ faɗi gəm.

VEƊE 9:13

*Hulum bə digi kə Pepeŋ bə kənki ufuŋ atoltom nuutuŋ. Kəya ten əskəŋ dordə karman bə hage da agev də *ko bə jəəti keere bə minti bə ɗampə-ɗampe də kooso bə gusi awəy-awəy da, bə minti tiinə Pepeŋa.