VEƊE 7:9 - JAA TƏMARWAŊ

⁹ Adordə kel teŋaŋ, ɗeŋ a gole kəyaŋ, ten asaŋ kaa ablaw anə hə̃ə̃'a, paapa kir aŋke ba. Kaa teŋ pəətəŋ warda a seŋka da keɗe, a kaasaw də kaŋ da keɗe, a gidiirə kaŋ da keɗe, a ku kaŋ da keɗe gəm. Yə əsəŋ tiinə jaaŋa kə Pepeŋa daana tiinə Kormə Taaməkaŋa gəm. Yə də dəməəmə bərwa siri, gaavaw kəəsi ada kay.

VEƊE 7:9 Iomraidhean Croise

LIKI 12:1

Dər ko toŋa kəya, kaŋ təpaŋ sar Yeesu guɓ-guɓi aniinə mo bə tayte kumsi kerkə kəmpəri bə anə lam. Kəya Yeesu əsəŋ bə waate kela kəm a *kaa gə guuduŋ minti: «Aŋ amə kusrəŋ la ku siipə kə kaanə *Farisiyeŋa, siipə neeteŋ ha'aŋ kel neete ɓas-ɓasiŋ.

LIKI 21:36

Aŋ əsə la wəra gə gunə-guni, aŋ toosə la saksaki kir minti aŋ falə səɓaki la bə deŋe wəra ku kel gə minti bə bi daŋ, daana bə isi wəra pisi tiinə *Kormə Hulúma minti wə haraŋ də neŋ.»

Kel pəsaŋ kəmarwaŋ gə minti Zaŋ jiiriniy 12:13

Kəya, yə cəmaŋ gaavaw kəəsi, yə vaŋ warda giidə vil da bə ɗe a jəmu duru. Yə əsəŋ bə naakte kuya minti: «Osana! Tokɗeŋ a Pepeŋ! Wə gaa pisi la cəərə hulum bə minti bəŋ a sam Barkaŋaŋ, kumna bə *Israyela!»

ROMEŊ 11:25

Kəsaananti ten bele minti aŋ asə kel gə gəəzə-gəəzi gə minti a gə metə-mete teŋ la wəra, kir minti aŋ a ji bə ɗiki saksaki minti aŋ gə asə-ase ba. Kel teŋ haa minti, sərdə kaanə *Israyel ŋéle yaŋ hãã bə minti kaa gə minti paapa gə Ziwifi baŋ gə minti a kir seere wəraŋ, seerə la wəra kəm keɗeŋ.

EFESIŊ 6:13

Gud teŋa ta, kar kə duuri gə minti Pepeŋ əyəy, aŋ gənəy la saraŋa keɗe kir minti, hi bə baymeleŋ tuluŋ neŋ, adordə bə minti aŋ a jəŋ karman bə minti aŋ a gə nakə-neke bə jəw, aŋ nakə la bə gerge tiinə hulum bə acukura hãã a tewe də duuriŋa.

HEBEREŊ 11:12

Haa gud teŋa, kaa gə minti ablaw diŋ damdi seska də apəyaŋ anaŋ, daana gə minti hulum neke bə əŋkəy ba kas ablaw damdi ajããya də kəsnə vor boblo anaŋ, yə bəŋ haa gud hulum bə məna tó bə minti a wəra nuutu bə tawə-tewe pəərəŋkiŋ ɗaw.

HEBEREŊ 12:22

Aŋ ana ha'aŋ, aŋ dəyaŋ maŋ haa sar pərki bə Siyoŋa, vil kə Pep bə dədərgəŋ, haa Zeruzalem də apəy, də *kaa kə digi naata guɓ-guɓi aniinə moŋ a kəɗwəya.

VEƊE 11:15

*Hulum bə digi kə Pepeŋ bə seeɗaŋ ufuŋ atoltom nuutuŋ. Kəya ten əskəŋ dordə kar kəman bə waate də apəy da minti: «Kumna bə cəərə seŋkaŋ máŋ wəra kə Barkaŋ náŋ Pepeŋ daana Kristu, *hulum nuutu bə minti wə ŋəmnuŋ gəm. Wə bə isi yaŋ bə hame kumnaŋa bə faɗnə-faɗna.»

VEƊE 22:3

Karman bə minti Pepeŋ jeme kəəti də kaŋ guuduŋ ji giidə vil taŋ na pəda. Jaaŋa də kumna kə Pepeŋ də kə Kormə Taaməkaŋ bə ji haa giidə. Kaa gə ji joŋreŋ a Pepeŋ bə kaw awalna yaŋ,

VEƊE 3:18

Gud teŋa ta, ten waataŋ minti aŋ gusə kooso bə awəy-awəy bə yoorə-yoore pisiŋ la kaasəna kir minti aŋ kolə la kaa kə hurma. Aŋ gusə dəməəmə bərwaŋ la, bə tere sarəŋa kir minti kese bə gəlaanaŋ a jəŋ ba. Aŋ gusə gud kəɗaw gə dər la bə ke dərəŋa kir minti dərəŋ kolə la bə ase wəra pəsa.

VEƊE 4:4

Agəjaŋ də jaaŋa taŋa ɓəəka ha'aŋ, jaaŋa də kumna daalaŋ wəra də maltə-malte ada ta'-ta'i hor-hor ɓasi cəərə waaɗe, kaa kəmtəŋ gə tiinə kaŋ gə əstə-əsti ada hor-hor ɓasi ciiri waaɗe gəm. Dəməəmə bərwa də tarə-tere siri, kaŋkəlaŋ gə ciiriŋ gə ɗampə-ɗampe də kooso bə gusi bə awəy-awəy.

VEƊE 5:11

Ɗe a goleŋa, ten əskəŋ dordə *kaa kə digi kə Pepeŋ ablaw anə guɓ-guɓi paapa kir aŋke ba. Yə wəra gə ɓəkə-ɓiki anə cẽẽ cəərə jaaŋaŋa, kar gə dədərgəŋ, daana kaa kəmtəŋ gə tiinə kaŋa.

VEƊE 5:9

Yə bə ge gudul kimirwi bə tokɗe Kormə Taaməkaŋa minti: «Tam bə nakə-neke bə he kefter, daana bə poke kaknay gə kuŋ wəra. Gud maa mo yə awnam wəra bə ji keereŋ, tam məɗəŋ cəərə kaŋ a Pepeŋ də kor dəm gə aduubə də kaasaw də kaŋ keɗe, ku kaŋ keɗe, gidiirə kaŋ keɗe, gə giidə seŋkaŋ keɗe gəm.

VEƊE 6:11

Kəya yə ayaŋ jamba bərwa a mindi mindi aduubə də kaa teŋa. Pepeŋ wəətənəy minti yə məə la kəm sawəwa hãã bə minti kəsəəni kaayaŋ gə joŋreŋ gə minti yə bə əwəy wəra damdi té ana gəm doo kuy la wəra kəm.

VEƊE 7:8

kə Zabuloŋaŋ 12.000, kə Zosefiŋaŋ 12.000, kə Beŋjameŋaŋ 12.000.