VEƊE 5:9 - JAA TƏMARWAŊ

⁹ Yə bə ge gudul kimirwi bə tokɗe Kormə Taaməkaŋa minti: «Tam bə nakə-neke bə he kefter, daana bə poke kaknay gə kuŋ wəra. Gud maa mo yə awnam wəra bə ji keereŋ, tam məɗəŋ cəərə kaŋ a Pepeŋ də kor dəm gə aduubə də kaasaw də kaŋ keɗe, ku kaŋ keɗe, gidiirə kaŋ keɗe, gə giidə seŋkaŋ keɗe gəm.

VEƊE 5:9 Iomraidhean Croise

MATIYE 20:28

Gud maa mo, *Kormə Hulúm bəŋ haa paapa minti kaa jəw joŋre la ba. Wə bəŋ haa minti wə jəə joŋre la a kaŋ ɗaw daana bə aye dədərgə du wəra bə miɗi kaa ablaw.»

MATIYE 26:28

gud maa mo haa kor dən bə minti Pepeŋ doŋ *jaa təmarwaŋ də kaŋ duuruŋ. Wə bə ge yaŋ wəra gud kaa kə ablawa minti Pepeŋ vəəgə giidu la wəra cəərə baymele neeteŋa.

JOŊRE 20:28

Aŋ amə ɗe dəŋ la, kaa gə minti Tiiru Cetcetaŋ a aynaŋ dəŋ kaasəŋa bə goleŋ keɗe, aŋ əməy la gəm. Kaa kə Tapi kə Pep gə minti wə kulnuy wəra kaa nuutu də kor də Kurmuyuŋ, aŋ jəy guudi la pisi.

I KOREŊTƏŊ 6:20

Gud maa mo Pepeŋ ayaŋ karman bə minti kir aye cəərəŋa bə məɗəŋ warda. Gud teŋa ta, karman muntu muntu mo bə minti aŋ jəw də kusuki dəŋ, jəə la haa bə aye tokɗeŋ a Pepeŋ.

I KOREŊTƏŊ 7:23

Pepeŋ ayaŋ karman bə minti kir aye cəərəŋa bə məɗəŋ warda a kusru. Gud teŋa ta, aŋ a kole kusrəŋ kafkam kə kaŋ ba.

EFESIŊ 1:7

Gud maa mo, gud kor də Kristu bə minti a gaŋ wəra tə bə moŋ, áŋ wəra gə bədə-bidi daana áŋ fəlaŋ vəəgi bə giidu ne wəra cəərə baymele náŋa. Bədoona ana ta, Pepeŋ gaŋ gud boblo bə pisi nuutuŋ wəra, daana wə juunu sar áŋa ablaw faɗi, haa a kəkəy bə minti wə ayaŋ

EFESIŊ 5:19

Aŋ teŋə dər kumsəŋ la də gudul bə tokɗe Pepeŋ, də gudul bə waate sam kel kə Pepeŋ, daana də gudul bə minti aŋ cəmnu də səɓaki kə Tiiru Cetcetaŋ. Aŋ gaa gudul la ta, aŋ tokɗə Barkaŋ la wəra də ku tarməyaŋ soki məna.

KOLOSIŊ 1:14

Gud tepe náŋa duuru taŋ, áŋ fəlaŋ bidiŋ daana vəəgi bə giidu wəra cəərə baymeleŋa.

KOLOSIŊ 1:23

Səma aŋ kir isi saksaki dər deŋa, gud maa mo, gud karman bə malə-mele bə minti aŋ gə əsə-isi cuuruŋ, haa tó. Aŋ kir isi duru ŋəŋ kir minti karman a haŋ giidəŋ wəra sar *Kel pəsaŋ kəmarwaŋ gə minti aŋ a iskiniy wəraŋ ba. Yə haa kel gə minti aŋ məlaŋ ɗiki dəŋ ciiriŋ, daana yə wəra gə waatə-waate a kaa gə minti kəna adawra neŋneŋ keɗe. Ten Pol koloŋ hulum bə joŋre diŋ.

TITI 2:14

Tó də kusru wə ayaŋ kusru wəra bə miɗi áŋ wəra ku kel kə bayməlaŋa, bə kole áŋ wəra dər kaa nuutu gə minti wə pooroŋ wəra ciiri, daana gə minti məlaŋ ɗiki di wəra keɗe bə ji haa joŋre pisiŋ.

HEBEREŊ 11:14

Kaa té gə minti bə waate kel teŋa kəyaŋ, ge dər wəra faɗi minti yə bə golde seŋka də minti taŋ bə ji yaŋ neeteŋ.

II PIYER 2:1

Aduubə də kaanə *Israyelaŋ, *kaa kə jogte ku mini bə laŋte kaŋ a jəŋ ada. Gom də kaa kə jogte hate bə baymeleŋ bə ji yaŋ aduubə dəŋa bədoona gəm. Yə kalte hate bə bay bəlam duŋ bə ɓalke kaŋ yaŋ aduubə dəŋa dəgaaya-dəgaaya. Yə bə malte kuy yaŋ wəra cəərə Bərdə kaŋ bə minti a miɗniy ciiriŋ. Gəəli bə bese kaŋ bi yaŋ anə cəlam ciiri da haa gud kel té gə minti yə bə jiyaŋ toki.

I ZAŊ 1:7

Səma jəəne minti áŋ bə ɗe dər pəɗakiŋa damdi Pepeŋ də kusru dər pəɗakiŋa anaŋ, áŋ wəra gə tapə-tepe də kumsə áŋ, kəya kor də Kurmuyuŋ Yeesu pi baymele náŋ wəra neŋneŋ keɗe.

I ZAŊ 2:2

Wə də kusru haa keere bə arse tarmə Pepeŋ wəra cəərə baymele náŋaŋ, paapa cəərə baymele náŋa təwa ba, səma wəra cəərə kə kaŋa keɗe.

VEƊE 10:11

Kəya yə waatənan minti: «Harə la bə jogte kel kə Pepeŋa, kel gə minti wə a ɗəmpənəy wəra a gidiirə kaŋ, a seŋkaŋ, a ku kaŋ, a kəkamnaŋ ablaw gəm.»

VEƊE 11:9

Hiti soope də nusi, gidiirə kaŋ, kaasaw də kaŋ, ku kaŋ, seŋkaŋ keɗeŋ pəəti yaŋ bə bi a guluy titi di. Yə yəəkəy titi di bə ke a tələŋkə ba.

VEƊE 13:7

Yə əynu kəkəy minti wə duurə kaa kə Pepeŋ la daana wə pəə bulum la ciiri. Yə ayaŋ səɓaki də cəərə kaasaw də kaŋ, gidiirə kaŋ, ku kaŋ, daana gidiirə seŋkaŋ keɗe kəəsu.

VEƊE 13:8

Kaa gə cəərə seŋkaŋ keɗe bə kaw awalna yaŋ, kaa té gə minti də anə hãã a mele bə gud koŋ daŋ, səməy paapa gə jeerə-jeere giidə kefter bə dədərgə kə Kormə Taaməka bə jamə-jemeŋa ba.

VEƊE 14:6

Kəya ten asaŋ *hulum bə digi kə Pepeŋ baalaŋ caw bə faa-fe apəya dər kaŋkawa, *Kel pəsaŋ kəmarwaŋ gə minti bə ji yaŋ saksaki yaŋ ku kir minti wə wəətəy la a kaa gə cəərə seŋkaŋ: a kaasaw də kaŋ keɗe, a ku kaŋ keɗe, a gidiirə kaŋ keɗeŋ, a gidiirə seŋkaŋ keɗeŋ.

VEƊE 15:3

Yə bə ge gudul kə *Moyisiŋa, hulum bə joŋre kə Pepeŋ, daana gudul kə Kormə Taaməkaŋ gəm minti: «Barkaŋ Pepeŋ, Bar Səɓakiŋ, joŋre nəmtiŋ boblo, wə bə ŋili kaa kas pisi duŋ. Kumna kə gidiirə kaŋ, gədəəgi də kel nəmtiŋ wəra ɗeker, yə gə tapə-tepe də gəəziŋ.

VEƊE 17:15

Kəya hulum bə digiŋ waatənan minti: «Kan gə minti tam a əsnəy a ko bə minti maswaŋ də əsə-isi ada ha'aŋ, yə haa gidiirə kaŋ, kaa kə ablaw, gidiirə seŋkaŋ daana gidiirə ku kaŋ keɗe gəm.

VEƊE 4:11

«Bar are, Pepeŋ, tam kir fele tokɗeŋ, aŋkeŋ daana səɓakiŋ. Gud maa mo, jəŋ kar keɗe haa tam, tam bəlaŋ minti yə jəə la zugi, yə máŋ zugi haa gud teŋa.»

VEƊE 5:12

Yə əsəŋ bə waate wəra koloŋ minti: «Kormə Taaməka bə minti yə a jəmnu wəraŋ, bə nakə-neke kir fele abay, hurmaŋ, səɓakiŋ, aŋkeŋ daana hage bə sam!»

VEƊE 5:6

Ɗe a goleŋa, Kormə Taaməka bə əsə-isi gil aduubə də jaaŋa də aduubəŋa, kar gə dədərgəŋ, daana kaa kəmtəŋ gə tiinə kaŋ wəra gə ɓəkə-ɓiki cuuru cẽẽ. Kormə Taaməka toŋ gole damdi yə a jəmnu wəra bə keere ana. Gəw du seeɗa, duru seeɗa gəm, haa Tiiru Seeɗa'a kə Pepeŋ də minti wə a gaana cəərə seŋkaŋ na a koŋa keɗe'iŋ.