VEƊE 5:6 - JAA TƏMARWAŊ

⁶ Ɗe a goleŋa, Kormə Taaməka bə əsə-isi gil aduubə də jaaŋa də aduubəŋa, kar gə dədərgəŋ, daana kaa kəmtəŋ gə tiinə kaŋ wəra gə ɓəkə-ɓiki cuuru cẽẽ. Kormə Taaməka toŋ gole damdi yə a jəmnu wəra bə keere ana. Gəw du seeɗa, duru seeɗa gəm, haa Tiiru Seeɗa'a kə Pepeŋ də minti wə a gaana cəərə seŋkaŋ na a koŋa keɗe'iŋ.

VEƊE 5:6 Iomraidhean Croise

LIKI 1:69

Wə gaŋ Hulum bə Seere bə səɓakiŋ da a áŋ; hulum toŋ a kaasaw də *Davida, hulum bə joŋre nuutuŋ.

Kel pəsaŋ kəmarwaŋ gə minti Zaŋ jiiriniy 1:29

Ɗeŋ a deye dibiiniŋ kəyaŋ, Zaŋ asaŋ Yeesu bə ɗe da suru da caw. Wə əsəŋ bə waate minti: «Aŋ golə la, Kormə taaməka kə Pepeŋ bə minti humi baymele kə kaa gə cəərə seŋkaŋ wəraŋ day cawa.

Kel pəsaŋ kəmarwaŋ gə minti Zaŋ jiiriniy 1:36

Bə minti wə ɗeŋ a ase Yeesu bə ɗe na anə caw kəya naŋ, wə əsəŋ bə waate faɗi minti: «Aŋ golə la, Kormə taaməka kə Pepeŋ day cawa.»

JOŊRE 8:32

Kel gə minti hulum a bə əŋkəya giidə Kefter kə Pepeŋaŋ, haa kel teŋ ta'i kənaŋ minti: «Wə jəŋ damdi taaməka də minti yə doona bə ɗe jeme ana, damdi kormə taaməka bə minti isi ba'-ba'i tiinə kaa gə minti bə caw kaaɗe du wəra ana. Wə bəŋəŋ ku wəra a kela ba.

VEƊE 1:4

Jeere kefter toŋ a kaa kə Tapi gə giidə vil seeɗa'a də Aziŋ, haa ten Zaŋ. Pisiŋ də kəkaɓiŋ kə Pep bə minti a jəŋ caw, hebkəna caw, daana bə bi yaŋ caw gəm jəə la cəərəŋa. Pisiŋ də kəkaɓiŋ kə Tiiru Seeɗa'aŋ də minti də əsə-isi tiinə jaaŋa də kumnaŋaŋ jəə la cəərəŋa. Pisiŋ də kəkaɓiŋ kə Yeesu Kristu, bar kəkəy ɓetiŋ, hulum bə minti haraŋ wəra ajew dədərgə adordə meŋaŋ, kumna kə kəkamna gə cəərə seŋkaŋ, jəə la cəərəŋa. Yeesu haa hulum bə minti bəlaŋ áŋ, wə bədəŋ áŋ wəra ku baymele náŋa də kor du.

VEƊE 12:11

Kəsaanə áŋ pəŋ bulum cəərə də kor də Kormə Taaməkaŋ, də kel gə minti yə a jəŋ bar kəkəy wəra ciiriŋ gəm. Yə ɗəkəŋ cəərə kusri ba, yə jəŋ walka də me bə gəm.

VEƊE 13:8

Kaa gə cəərə seŋkaŋ keɗe bə kaw awalna yaŋ, kaa té gə minti də anə hãã a mele bə gud koŋ daŋ, səməy paapa gə jeerə-jeere giidə kefter bə dədərgə kə Kormə Taaməka bə jamə-jemeŋa ba.

VEƊE 14:1

Ɗeŋ a gole kəyaŋ, Kormə Taaməkaŋ gil cəərə pərki bə Siyoŋa. Kaa 144.000 gə minti səmu daana sam buru bə jeerə-jeere tiiniŋ gə əsə-isi suru ada.

VEƊE 17:14

Bege bə waraŋ də kəkamna horiŋ duuri Kormə Taaməkaŋ yaŋ. Kormə Taaməkaŋ bə pi bulum yaŋ ciiri gud maa mo wə haa Barkaŋ kə kəmnə də kaŋ keɗe, wə haa Kumna kə kəkamnaŋ. Kaa gə minti Pepeŋ məntənəy, gə minti wə a ŋəmtənəy daana kaa ɓetiŋ bə pi bulum yaŋ duuru keɗe.»

VEƊE 21:22

Səma ten asaŋ kuli bə minti yə tokɗe Pepeŋ giiduŋ giidə vil taŋa ada ba, gud maa mo Barkaŋ Pep Bar Səɓakiŋ də Kormə Taaməkaŋ, koloŋ damdi kuli bə tokɗe Pepeŋ ana haa té faɗi.

VEƊE 21:23

Vil paapa də caadə cəwa də wele koŋ kumundu ba də kitir minti yə walə koŋ la cəərə pəda, gud maa mo məyan kə Pepeŋ wele koŋ wəra, Kormə Taaməkaŋ welɗe damdi lampaŋ ana gəm.

VEƊE 22:1

Kəya *hulum bə digi kə Pepeŋ bə minti a jəŋ bə waatan kela gaanan dərən cəərə kan gə paaŋe gə aye dədərgəŋa, diri anə yəŋəl-yəŋəl. Yə ãye warda haa gud jaaŋa də kumna kə Pepeŋ da də kə Kormə Taaməkaŋ.

VEƊE 22:3

Karman bə minti Pepeŋ jeme kəəti də kaŋ guuduŋ ji giidə vil taŋ na pəda. Jaaŋa də kumna kə Pepeŋ də kə Kormə Taaməkaŋ bə ji haa giidə. Kaa gə ji joŋreŋ a Pepeŋ bə kaw awalna yaŋ,

VEƊE 4:8

Kar té waaɗe'iŋ, mundu mundu mo də gəraŋ kənki, də dər wəra sar gəraŋ di keɗe, agal akera, agal taakawa gəm. Yə ge gudul saksaki, daaway də duugŋ keɗe minti: «*Cetcetiŋ, Cetcetiŋ, Cetcetiŋ, haa Barkaŋ Pepeŋ, Bar Səɓakiŋ, wə a jəŋ caw, wə hebkəna caw, wə bə bi yaŋ caw.»

VEƊE 5:11

Ɗe a goleŋa, ten əskəŋ dordə *kaa kə digi kə Pepeŋ ablaw anə guɓ-guɓi paapa kir aŋke ba. Yə wəra gə ɓəkə-ɓiki anə cẽẽ cəərə jaaŋaŋa, kar gə dədərgəŋ, daana kaa kəmtəŋ gə tiinə kaŋa.

VEƊE 5:12

Yə əsəŋ bə waate wəra koloŋ minti: «Kormə Taaməka bə minti yə a jəmnu wəraŋ, bə nakə-neke kir fele abay, hurmaŋ, səɓakiŋ, aŋkeŋ daana hage bə sam!»

VEƊE 5:13

Kəya kar gə jəə-ji gə apəyaŋ, gə cəərə seŋkaŋ, gə gud koŋ adawra, gə dər kan, daana kar gə minti wəra zugi a koŋa keɗeŋ, ten iskiniy kuy bə waate minti: «Hage bə sam, aŋkeŋ, tokɗeŋ daana gərɓəɓiŋ, jəə la bə faɗnə-faɗna kə Hulum bə minti bə əsə-isi cəərə jaaŋaŋaŋ daana kə Kormə Taaməkaŋ!»

VEƊE 5:14

Kar gə dədərgə waaɗe'iŋ haraŋ kel minti: «*Amen!» Kaa kəmtəŋ gə tiinə kaŋ vaŋ də gigiiri tiinə Pepeŋa daana tiinə Kormə Taaməkaŋ bə kay awalnaŋ.

VEƊE 6:16

Yə əsəŋ bə waate pərkiŋa də kormə pərkiŋ minti: «Aŋ awtə la wəra cəərə are, aŋ ŋoytə are la wəra ku gole kə hulum bə cəərə jaaŋaŋa, aŋ ŋoyte are la wəra tooto-tooto kas waŋ kə Kormə Taaməkaŋ!