VEƊE 5:5 - JAA TƏMARWAŊ

⁵ Kəyaŋ, hulum aduubə də kaa kəmtəŋ gə tiinə kaŋa əsəŋ bə waatana minti: «A hage ba! Golə la, hulum bə minti yə məntu Googoŋ bə minti a gidiirə Zudaŋ, a kaasaw də *Davidiŋ, wə pəŋ bulum ne wəra, wə bə nakə-neke bə pokte kaknay seeɗa'iŋ wəra daana bə biŋi ku kefter wəra gəm.»

VEƊE 5:5 Iomraidhean Croise

LIKI 23:28

Yeesu haraŋ duru ciiri, wə wəətənəy minti: «Kəram gə Zeruzalem, aŋ a hage gud kel dəna ba, səma aŋ hagə laŋa kusrəŋ də karməyaŋ,

LIKI 7:13

Bə minti Barkaŋ asnaŋ, wə asna caadə. Wə waatəna minti: «A hage ba!»

LIKI 8:52

Kaŋ keɗe bə hage, bə laawe gud kel də təra. Kəya Yeesu minti: «Aŋ a hage ba! A paapa də mee-me ba, səma a kəlaŋ kəna kin.»

Kel pəsaŋ kəmarwaŋ gə minti Zaŋ jiiriniy 20:13

Kaa kə digiŋ waatəna minti: «Həlgəŋ, te hage kel maa mo?» A minti: «Yə pəŋ titi də Barkaŋ nin wəra, ko bə minti yə gaana adaŋ, paapa də dərən ba.»

ROMEŊ 1:3

Kel teŋ waate haa cəərə Kurmuyuŋa. A kusukiŋa, wə bəŋ haa a kaasaw də kumna *Davidi da.

ROMEŊ 15:12

Giidə kefter kə *Ezaya gəm minti: «Hulum pi duru yaŋ a kaasaw də Zese. Wə bə bi yaŋ a isi kumna cəərə kaa gə minti paapa gə Ziwifi baŋ, yə bə mele ɗiki di yaŋ cuuru gəm.»

HEBEREŊ 7:14

Áŋ wəra gə asə-ase kaŋkaŋ minti Barkaŋ náŋ toŋ bəŋ haa a kaasaw də Zuda da. Bə minti *Moyisi waataŋ sam kaa kə keere Pepeŋ, wə gaŋ sam kaasaw də kaa teŋ kəya hõy ada ba.

VEƊE 1:1

Haa kənaŋ kel gə minti Yeesu Kristu vəɗnəy wəra a kaŋ. Pepeŋ əynu kel teŋ kir minti kar gə minti wəra maŋ bə tuliŋ, wə kay guudi la wəra a kaa kə joŋre nuutuŋ. Yeesu Kristu gaŋ *hulum bə digi nuutuŋ bə ɗe a kay guudi wəra a Zaŋ, hulum bə joŋre nuutu.

VEƊE 22:16

Yeesu minti: «Ten Yeesu də kusrən, ten gaŋ hulum bə digiŋ bə ɗe a ke gud kar teŋ wəra a nəənəŋ, aŋ kaa kə Tapiŋ. Ten haa a kaasaw də gidiirə *Davidiŋa, Seska mooto də wele koŋ bəbəgiŋ.»

VEƊE 3:21

Hulum bə minti pəŋ bulum neŋ, ten əyu kəkəy yaŋ minti wə əsə la sarəna a jaaŋa də kumna katəna, damdi ten ɗeŋ a isi sar Barəna a jaaŋa də kumna nuutuŋa ana gəm adordə bə minti ten pəŋ bulum.

VEƊE 4:10

kaa kəmtəŋ hor-hor ɓasi ciiri waaɗe'i gə tiinə kaŋ vaŋ də gigiiri tiinə hulum bə minti bə əsə-isi cəərə jaaŋaŋaŋ, bə ke awalna a hulum bə minti caw dədərgə bə faɗnə-faɗnaŋaŋ. Yə təkaŋ kaŋkəlaŋ neete wəra, yə vəənəy laki tiinə jaaŋaŋa bə waate minti:

VEƊE 4:4

Agəjaŋ də jaaŋa taŋa ɓəəka ha'aŋ, jaaŋa də kumna daalaŋ wəra də maltə-malte ada ta'-ta'i hor-hor ɓasi cəərə waaɗe, kaa kəmtəŋ gə tiinə kaŋ gə əstə-əsti ada hor-hor ɓasi ciiri waaɗe gəm. Dəməəmə bərwa də tarə-tere siri, kaŋkəlaŋ gə ciiriŋ gə ɗampə-ɗampe də kooso bə gusi bə awəy-awəy.

VEƊE 5:4

Kəya ten əsəŋ bə hage wəra hasi faɗi, gud minti yə fəlaŋ hulum anə məna bə nakə-neke kir biŋi ku kefter daana bə gulu giidu baŋ.

VEƊE 6:1

Kaknay seeɗa'iŋ, ten asaŋ Kormə Taaməkaŋ bə poke gə ajewa wəra. Ten əskəŋ kumundu məna gud kar gə dədərgə waaɗe'iŋaŋ bə naakte ku damdi koŋ dabte ana bə waate minti: «Bəəda!»

VEƊE 7:13

Kəya hulum kəman aduubə də kaa kəmtəŋ gə tiinə kaŋa əsəŋ bə waatəna minti: «Kaa teŋ də jamba bərwaŋ siri ha'aŋ, yə haa kaa məntəŋ mo? Yə bəŋ haa də ane da mo?»