VEƊE 5:12 - JAA TƏMARWAŊ

¹² Yə əsəŋ bə waate wəra koloŋ minti: «Kormə Taaməka bə minti yə a jəmnu wəraŋ, bə nakə-neke kir fele abay, hurmaŋ, səɓakiŋ, aŋkeŋ daana hage bə sam!»

VEƊE 5:12 Iomraidhean Croise

MATIYE 28:18

Kəya Yeesu zeŋ siriy da, wə wəətənəy minti: «Pepeŋ aynan abay wəra keɗe apəy na, adawra kəna gəm.

Kel pəsaŋ kəmarwaŋ gə minti Zaŋ jiiriniy 1:29

Ɗeŋ a deye dibiiniŋ kəyaŋ, Zaŋ asaŋ Yeesu bə ɗe da suru da caw. Wə əsəŋ bə waate minti: «Aŋ golə la, Kormə taaməka kə Pepeŋ bə minti humi baymele kə kaa gə cəərə seŋkaŋ wəraŋ day cawa.

Kel pəsaŋ kəmarwaŋ gə minti Zaŋ jiiriniy 17:2

Tam aynan abay cəərə kaŋa keɗe kir minti ten ayə dədərgə də bay teweŋ la a kaa gə minti tam aynan dən kaasəna keɗeŋ.

II KOREŊTƏŊ 8:9

Gud maa mo pisi bə minti Barkaŋ náŋ Yeesu Kristuŋ juunu sar kaŋaŋ, wə də dərəŋ. Wə a haa hulum bə hurmaŋ ɗaw, wə koloŋ kusru wəra də caaca guudəŋa minti aŋ kolə la də hurma gud caaca kə toŋa.

I TIMOTE 1:17

Tokɗeŋ daana aŋkeŋ jəə la bə faɗnə-faɗna kə Pep bə minti kumna nuutuŋ tewe baŋ, bə minti saksaki caw dədərgə wə me baŋ, bə minti Pepeŋ tó ɗaaməna faɗiŋ, daana hulum əsu də duru baŋ! Amen.

VEƊE 1:6

Wə təpaŋ áŋ minti áŋ kolə la a kumna nuutuŋa *kaa gə keere kə Buru Pepeŋ. Tokɗeŋ də abay jəə la nuutuŋ bə faɗnə-faɗna. *Amen.

VEƊE 13:8

Kaa gə cəərə seŋkaŋ keɗe bə kaw awalna yaŋ, kaa té gə minti də anə hãã a mele bə gud koŋ daŋ, səməy paapa gə jeerə-jeere giidə kefter bə dədərgə kə Kormə Taaməka bə jamə-jemeŋa ba.

VEƊE 15:3

Yə bə ge gudul kə *Moyisiŋa, hulum bə joŋre kə Pepeŋ, daana gudul kə Kormə Taaməkaŋ gəm minti: «Barkaŋ Pepeŋ, Bar Səɓakiŋ, joŋre nəmtiŋ boblo, wə bə ŋili kaa kas pisi duŋ. Kumna kə gidiirə kaŋ, gədəəgi də kel nəmtiŋ wəra ɗeker, yə gə tapə-tepe də gəəziŋ.

VEƊE 19:1

Adoro də kel teŋa kəyaŋ, ten əskəŋ dordə karman kəman bə hage apəya də səɓaki damdi dordə kaa gə ablaw hə̃ə̃'iŋ ana, bə waate minti: «Aleluya! Aŋ tokɗə Pep náŋ la! Seereŋ, aŋkeŋ, də səɓakiŋ keɗe nuutu.

VEƊE 4:11

«Bar are, Pepeŋ, tam kir fele tokɗeŋ, aŋkeŋ daana səɓakiŋ. Gud maa mo, jəŋ kar keɗe haa tam, tam bəlaŋ minti yə jəə la zugi, yə máŋ zugi haa gud teŋa.»

VEƊE 5:13

Kəya kar gə jəə-ji gə apəyaŋ, gə cəərə seŋkaŋ, gə gud koŋ adawra, gə dər kan, daana kar gə minti wəra zugi a koŋa keɗeŋ, ten iskiniy kuy bə waate minti: «Hage bə sam, aŋkeŋ, tokɗeŋ daana gərɓəɓiŋ, jəə la bə faɗnə-faɗna kə Hulum bə minti bə əsə-isi cəərə jaaŋaŋaŋ daana kə Kormə Taaməkaŋ!»

VEƊE 5:6

Ɗe a goleŋa, Kormə Taaməka bə əsə-isi gil aduubə də jaaŋa də aduubəŋa, kar gə dədərgəŋ, daana kaa kəmtəŋ gə tiinə kaŋ wəra gə ɓəkə-ɓiki cuuru cẽẽ. Kormə Taaməka toŋ gole damdi yə a jəmnu wəra bə keere ana. Gəw du seeɗa, duru seeɗa gəm, haa Tiiru Seeɗa'a kə Pepeŋ də minti wə a gaana cəərə seŋkaŋ na a koŋa keɗe'iŋ.

VEƊE 5:8

Bə minti wə doŋ kefter doo kəyaŋ, kar gə dədərgə waaɗe'iŋ daana kaa kəmtəŋ hor-hor ɓasi ciiri waaɗe'i gə tiinə kaŋ əsəŋ bə ve də gigiiri tiinə Kormə Taaməkaŋa. Mindi mindi aduubə di də gundi kəəsu, daana də taasa bə ɗampə-ɗampe də kooso bə gusi awəy-awəy bə ɗosə-ɗose də urde. Urde toŋ haa toose kə kaa kə Pepeŋ.

VEƊE 5:9

Yə bə ge gudul kimirwi bə tokɗe Kormə Taaməkaŋa minti: «Tam bə nakə-neke bə he kefter, daana bə poke kaknay gə kuŋ wəra. Gud maa mo yə awnam wəra bə ji keereŋ, tam məɗəŋ cəərə kaŋ a Pepeŋ də kor dəm gə aduubə də kaasaw də kaŋ keɗe, ku kaŋ keɗe, gidiirə kaŋ keɗe, gə giidə seŋkaŋ keɗe gəm.

VEƊE 6:1

Kaknay seeɗa'iŋ, ten asaŋ Kormə Taaməkaŋ bə poke gə ajewa wəra. Ten əskəŋ kumundu məna gud kar gə dədərgə waaɗe'iŋaŋ bə naakte ku damdi koŋ dabte ana bə waate minti: «Bəəda!»

VEƊE 7:12

«*Amen! Hage bə sam, tokɗeŋ, aseŋ, ji bə suuseŋ, aŋkeŋ, abay daana səɓakiŋ jəə la nəmti bə faɗnə-faɗna, Pep naareŋ! Amen.»