VEƊE 4:8 - JAA TƏMARWAŊ

⁸ Kar té waaɗe'iŋ, mundu mundu mo də gəraŋ kənki, də dər wəra sar gəraŋ di keɗe, agal akera, agal taakawa gəm. Yə ge gudul saksaki, daaway də duugŋ keɗe minti: «*Cetcetiŋ, Cetcetiŋ, Cetcetiŋ, haa Barkaŋ Pepeŋ, Bar Səɓakiŋ, wə a jəŋ caw, wə hebkəna caw, wə bə bi yaŋ caw.»

VEƊE 4:8 Iomraidhean Croise

JOŊRE 20:31

Bədoona ta, aŋ kaa dərəŋ la wəra ke. Cəərəŋ jəə la bə ɗəkti minti dər laate soope'iŋa, duugŋ də daaway, ten kaanaŋ kosnoŋ wəra ajewa məna-məna keɗe cəərə kel kə bayməlaŋ teŋa ɗalba ten kole hage wəra ada anə kolə gəm.

II KOREŊTƏŊ 6:18

Ten bə ji yaŋ Bəraŋ, aŋ bə ji yaŋ karman keɗe, kaŋkar, kəram. Waataŋ kel teŋ haa Barkaŋ Bar Səɓakiŋ.»

1 TESALONIKIŊ 2:9

Kəsaanə areŋ, cəərən gaŋ joŋre bə gəəli-gəəliŋ daana geye naareŋ ba. Gud maa mo, bə minti are adəwaldəŋ da bə waataŋ Kel pəsaŋ kəmarwaŋ kə Pepeŋaŋ, are jəŋ joŋreŋ də kasi are daaway də duugŋ keɗe kir minti kel də are a eele hulum aduubə dəŋa anə məna ba.

I TIMOTE 4:16

Amə kusrum la pisi, daana golə dər hate nəmti la pisi gəm. Əsə la wəra ŋəŋ cəərə kar teŋa. Tam jəəne bə jəəti bədoona anaŋ, kəya tam seere wəra paapa dədərgə dəm təwa pəda, tam seere kaa gə minti bə jeɓrem kumaŋ gəm.

II TIMOTE 4:2

waatə kel kə Pepeŋ la wəra a kaŋ, dugtuy di la jəəne nuutu minti koŋ pisi, wə paapa pisi baŋ. Kay gud baymele neeteŋ la wəra, jəy gəbaŋ la cuuru, tiŋiy diri la, hətəy la də talma sããyaŋ saksaki.

HEBEREŊ 13:8

Yeesu Kristu kole ba. Wə dayna haa damdi bə deegŋ ana, bə ji bə faɗnə-faɗna ajew na haa tó bə məna.

VEƊE 1:4

Jeere kefter toŋ a kaa kə Tapi gə giidə vil seeɗa'a də Aziŋ, haa ten Zaŋ. Pisiŋ də kəkaɓiŋ kə Pep bə minti a jəŋ caw, hebkəna caw, daana bə bi yaŋ caw gəm jəə la cəərəŋa. Pisiŋ də kəkaɓiŋ kə Tiiru Seeɗa'aŋ də minti də əsə-isi tiinə jaaŋa də kumnaŋaŋ jəə la cəərəŋa. Pisiŋ də kəkaɓiŋ kə Yeesu Kristu, bar kəkəy ɓetiŋ, hulum bə minti haraŋ wəra ajew dədərgə adordə meŋaŋ, kumna kə kəkamna gə cəərə seŋkaŋ, jəə la cəərəŋa. Yeesu haa hulum bə minti bəlaŋ áŋ, wə bədəŋ áŋ wəra ku baymele náŋa də kor du.

VEƊE 1:8

Barkaŋ Pepeŋ minti: «Ten haa Alfa, ten haa Omega. Ten haa hulum bə minti a jəŋ caw, ten hebkəna caw, ten bə bi yaŋ caw gəm, ten haa Bar Səɓakiŋ.»

VEƊE 11:17

«Barkaŋ Pepeŋ, Bar Səɓakiŋ, tam bə minti a jəŋ caw, bə minti hebkəna caw, are jəm suuse gud bə minti tam jəŋ joŋreŋ də səɓaki nəmti həmhəmaŋ, tam əsəŋ bə hame kumna nəmtiŋa.

VEƊE 14:11

Kese bə cəwa də minti bə ləsəyaŋ fe warda apəy da anə ɗəwilla bə faɗnə-faɗna. Kaa kə bege bə waraŋ gə minti fəlaŋ tarwaŋ də səmuŋ daana kaŋ awalna a karman bə hawaŋ, yə fele faake ku lasi neeteŋa ba, duugŋ də daaway keɗe.»

VEƊE 14:3

Kaa 144.000 gə əsə-isi tiinə jaaŋa də kumnaŋa, tiinə kar waaɗe'iŋ gə dədərgəŋa, tiinə kaa kəmtəŋ gə tiinə kaŋa gəm. Yə gaŋ gudul kimirwi bə minti hulum baalaŋ nəkaŋ bə hətu ba, hətnu haa kaa té gə minti wə miɗniy ciiri warda adawra daŋ təwa.

VEƊE 15:3

Yə bə ge gudul kə *Moyisiŋa, hulum bə joŋre kə Pepeŋ, daana gudul kə Kormə Taaməkaŋ gəm minti: «Barkaŋ Pepeŋ, Bar Səɓakiŋ, joŋre nəmtiŋ boblo, wə bə ŋili kaa kas pisi duŋ. Kumna kə gidiirə kaŋ, gədəəgi də kel nəmtiŋ wəra ɗeker, yə gə tapə-tepe də gəəziŋ.

VEƊE 15:7

Məna aduubə də kar gə dədərgə waaɗe'iŋ aytaŋ taasa bə ɗampə-ɗampe də kooso bə gusi awəy-awəy wəra məna-məna a kaa kə digi seeɗa'iŋ keɗe. Taasa toŋ wəra bə ɗostə-ɗoste də kumuy bə minti veɗe waŋ kə Pep bə dədərgə bə minti caw bə faɗnə-faɗnaŋ.

VEƊE 16:14

Yə haa kəwal gə minti jəəti kar gə məɗ-miɗiŋ. Yə bə ɗe yaŋ a golde kəkamna gə cəərə seŋkaŋ da keɗe bə təpəy ciiri bə ɗe a duuriŋ dər hi boblo bə minti Pepeŋ Bar Səɓakiŋ bə bi a jeme kəətiŋ də kaŋ duruŋ.

VEƊE 16:7

Kəya ten əskəŋ dordə karman kəman bə waate da a *ko bə jəəti keereŋa a Pepeŋ minti: «Gəəzi, Barkaŋ Pepeŋ, Bar Səɓakiŋ, jeme bə kəəti nəmtiŋ ɗeker daana wə bə tapə-tepe də gəəziŋ.»

VEƊE 19:15

Caafay də kəsnə də kaa-ke bə kalə-kele warda ku da, bə ŋete gidiirə kaŋ wəra. Wə bə isi yaŋ ciiri də səɓaki anə kəŋkəŋ də gədəwa koosoŋ kəəsu. Wə bə peete we də atələələma yaŋ wəra a ko bə peeteŋa bə de kumuy də bə veɗe waŋ kə Pep Bar Səɓakiŋ.

VEƊE 19:4

Kaa kəmtəŋ hor ɓasi ciiri waaɗe'iŋ gə tiinə kaŋ daana kar kə dədərgə waaɗe'iŋ vaŋ də gigiiri tiinə Pep bə minti cin a jaaŋa də kumnaŋa bə kaw awalnaŋ. Yə minti: «*Amen! Aleluya!»

VEƊE 21:22

Səma ten asaŋ kuli bə minti yə tokɗe Pepeŋ giiduŋ giidə vil taŋa ada ba, gud maa mo Barkaŋ Pep Bar Səɓakiŋ də Kormə Taaməkaŋ, koloŋ damdi kuli bə tokɗe Pepeŋ ana haa té faɗi.

VEƊE 3:7

«Jeerə kel teŋ la a *hulum bə digi kə Pepeŋ bə minti bə gole cəərə kaa kə Tapi gə Filadelfiŋaŋ minti: ‹Hulum Cetcetiŋ, hulum bə Gəəzə-gəəziŋ, hulum bə minti lakəle bə ku kuli kə kumna *Davidiŋ kəəsuŋ, hulum bə minti wə bəŋəŋ ku kuli neŋ, hulum baalaŋ neke bə gisu ba; wə gisnu neŋ, hulum baalaŋ neke bə buŋu bə gəm, bə waataŋa minti:

VEƊE 4:4

Agəjaŋ də jaaŋa taŋa ɓəəka ha'aŋ, jaaŋa də kumna daalaŋ wəra də maltə-malte ada ta'-ta'i hor-hor ɓasi cəərə waaɗe, kaa kəmtəŋ gə tiinə kaŋ gə əstə-əsti ada hor-hor ɓasi ciiri waaɗe gəm. Dəməəmə bərwa də tarə-tere siri, kaŋkəlaŋ gə ciiriŋ gə ɗampə-ɗampe də kooso bə gusi bə awəy-awəy.

VEƊE 4:6

Tiinə jaaŋa taŋa, karman kəman yaŋ ada damdi kan gə minti aŋ ase kar gə guudiŋ wardaŋ ana, wə welɗe bəre'-bəre'i. Aduubə də jaaŋa daana agəjaŋ dəŋ, kar gə dədərgə waaɗe ɓəknə cəərə wəra. Kar teŋ, diri wəra kusri keɗe, tiini, kirki gəm.

VEƊE 4:9

Saksaki bə minti kar teŋ ge gudul bə tokɗe, bə əŋku səmu daana bə ji suuse a hulum bə minti bə əsə-isi cəərə jaaŋaŋaŋ, bə minti caw dədərgə bə faɗnə-faɗnaŋ,

VEƊE 5:6

Ɗe a goleŋa, Kormə Taaməka bə əsə-isi gil aduubə də jaaŋa də aduubəŋa, kar gə dədərgəŋ, daana kaa kəmtəŋ gə tiinə kaŋ wəra gə ɓəkə-ɓiki cuuru cẽẽ. Kormə Taaməka toŋ gole damdi yə a jəmnu wəra bə keere ana. Gəw du seeɗa, duru seeɗa gəm, haa Tiiru Seeɗa'a kə Pepeŋ də minti wə a gaana cəərə seŋkaŋ na a koŋa keɗe'iŋ.

VEƊE 6:1

Kaknay seeɗa'iŋ, ten asaŋ Kormə Taaməkaŋ bə poke gə ajewa wəra. Ten əskəŋ kumundu məna gud kar gə dədərgə waaɗe'iŋaŋ bə naakte ku damdi koŋ dabte ana bə waate minti: «Bəəda!»

VEƊE 6:6

Kəya ten əskəŋ dordə karman bə hage gud kar gə dədərgə waaɗe'iŋa bə waate minti: «Tay bə de kaŋ! Agoda bə kuntiŋ məna, wə kir werke bə je bə joŋre kə hulum hal a hiŋa, agoda soope bə kaasaw gə minti begeŋ həməy, wə kir werke bə je bə joŋre kə hulum hal a hiŋa gəm. Səma son daana kumuy bə atələələmaŋ ha'aŋ, a ze gusi diŋ ba anə hasi.»

VEƊE 7:11

*Kaa kə digi kə Pepeŋ keɗe gə ɓəkə-ɓiki cəərə jaaŋaŋ, cəərə kaa kəmtəŋ gə tiinə kaŋ, daana kar kaayaŋ gə dədərgə waaɗe'iŋ keɗe wəra cẽẽ. Kəya yə maltaŋ tiini adawra bə ke awalna a Pepeŋa. Yə minti:

VEƊE 7:15

Haa gud teŋa minti yə gə əsə-isi tiinə jaaŋa də Kumna kə Pepeŋa bə kaw awalnaŋa daaway də duugŋ keɗe giidə *Kuli nuutuŋa. Hulum bə cəərə jaaŋaŋ isi kaa teŋ yaŋ gud gəsaatərna du.