VEƊE 4:1 - JAA TƏMARWAŊ

¹ Adordə kel teŋa, ɗeŋ a gole kəyaŋ, ku kuliŋ wəra bə bəŋə-biŋi tarmə pepeŋa. Dordə hulum bə minti ten a əskənə ajew bə hage damdi atoltom anaŋ, waatənan minti: «Luu da kanda, ten kam dərəm cəərə kar gə minti bə tuli adoroŋ.»

VEƊE 4:1 Iomraidhean Croise

MATIYE 3:16

Bə minti Yeesu fəlaŋ batem wəraŋ, wə luŋ warda dər kan da. Kəya tarmə pepeŋ bəŋəŋ wəra, wə asaŋ Tiirə Pepeŋ damdi abaaku ana bə sorke da cuuru da.

MARKƏ 1:10

Də ko bə minti wə bə li da warda dər kan daŋ, wə haŋ duru apəya, wə asaŋ tarmə pepeŋ bə caare wəra. Kəya Tiiru Cetcetaŋ damdi abaaku ana, sorkoŋ cuuru da faɗi.

LIKI 3:21

Bə minti Zaŋ a kəm paapa a daŋgaya baŋ, wə jəŋ batem wəra a kaŋ keɗe, daana wə jəŋ a Yeesu gəm. Bə minti Yeesu bə tooseŋ, tarmə pepeŋ bəŋəŋ wəra.

Kel pəsaŋ kəmarwaŋ gə minti Zaŋ jiiriniy 16:13

Tiiru də veɗe gəəziŋ bə tuluŋ neŋ, a bə kaŋ dərəŋ yaŋ wəra cəərə gəəziŋa keɗe. A bə waate haa paapa dər kel naata ba, a bə waate yaŋ haa kel gə minti a iskiniy ku Pepeŋ daŋ keɗe daana gə minti bə ji yaŋ naŋ gəm.

JOŊRE 10:11

Wə ɗe a goleŋa, tarmə pepeŋ warna də bəŋə-biŋi, karman kəman bə ziiri da. Karman toŋ akas ladəra mooto ana də topə-tope kaasa kəna gəm kəna gəm waaɗe keɗe, wə nuutu bə zeede da adawra da anə faɗ-faɗ-faɗi.

JOŊRE 7:56

Kəya Etiyen waataŋ minti: «Gosə gole la! Ten gole haa tarmə pepeŋ wəra də bəŋə-biŋi daana *Kormə Hulúm sə kampa gil sar Pepeŋa a kəəsu kemera.»

VEƊE 1:10

Dər hi bə faake kə Barkaŋaŋ, Tiiru Cetcetaŋ tuluŋ cəərəna. Kəya ten əskəŋ dordə karman kəman bə hage da kerkən da anə koloŋ damdi atoltoma ana

VEƊE 1:12

Adoro ten haraŋ bə gole hulum bə waatan kela, ten asaŋ lampa seeɗa də gaɓtə-gaɓte a larga də kooso bə gusi awəy-awəya seeɗa gəm.

VEƊE 1:19

Bədoona ana, kar gə minti tam a əsnəy bə jiŋ keɗe, gə hebkəna, də kaayaŋ gə adoroŋ, jiiriy la.

VEƊE 11:12

Kəya kaa té ɓasiŋ bə əski dordə karman kəman bə waata da apəy da də səɓaki minti: «Aŋ luu da kanda». Kəya yə bə li yaŋ apəy na dər kamraŋ na warna kəkər zugi də dər kaa gə acukur neeteŋ.

VEƊE 11:19

Kəya ku *Kuli kə Pepeŋ apəy naŋ bəŋəŋ wəra. Kəya ten asaŋ *cokrom bə *jaŋ ada ta'i giidu. Kəya koŋ welɗeŋ, dordə kar kəman hagaŋ, təbay də koŋ dəbaŋ, seŋkaŋ miiriŋ ŋgiɗ-ŋgiɗi, asərpəyaŋ vaŋ pərtət faɗi gəm.

VEƊE 16:17

Hulum bə digi kə Pepeŋ bə seeɗaŋ pukuŋ karman bə giidə taasa nuutuŋ dər kaŋkawa. Kəya Pepeŋ əsəŋ bə waate kel da də səɓaki cəərə jaaŋa də giidə Kuli nuutuŋ da minti: «Ten doŋ ku kel ne wəra.»

VEƊE 19:11

Kəya ten asaŋ tarmə koŋ wəra bə bəŋə-biŋi, də gədaamo gibirwi ada. Hulum bə luu-li cuuruŋ, yə məntu «Ɓetiŋ daana Gəəzə-gəəziŋ». Wə jeme kəəti daana wə duuri wəra ɗeker.

VEƊE 22:6

Kəya *hulum bə digi kə Pepeŋ waatənan minti: «Kel teŋ keɗe yə gəəzi, yə ɓeti. Gud maa mo Barkaŋ Pep bə minti a yaakaŋ kel nuutuŋ bə kalte wəra ku *kaa kə jogte ku miniŋaŋ, wə gaŋ hulum bə digi nuutuŋ minti wə ɗee la a ke gud kel gə minti wəra maŋ bə tuliŋ a kaa kə joŋre kə toŋ.»