VEƊE 3:8 - JAA TƏMARWAŊ

⁸ Joŋre nəəti də dərən. Golə la, ten yaakənaŋ ku kuliŋ wəra bə bəŋə-biŋi tiiniŋa, hulum baalaŋ neke bə gisu ba. Wəra də dərən minti səɓaki dəŋ də kerpə-kerpe, də teŋ keɗe aŋ doŋ kel katən, aŋ maltaŋ kuŋ cəərəna ba.

VEƊE 3:8 Iomraidhean Croise

LIKI 12:9

Səma hulum bə minti maltaŋ ku ne wəra kəkər tiinə kaŋa minti tó asnan baŋ, ten Kormə Hulúm malte kun yaŋ tiinə kaa kə digi kə Pepeŋa minti ten əsnu bə gəm.

Kel pəsaŋ kəmarwaŋ gə minti Zaŋ jiiriniy 15:20

Aŋ harə la bə ɗiki cəərə kel gə minti ten a waatənaŋ dəŋ minti ‹Hulum bə joŋreŋ deŋe burduŋ baŋ.› Kaŋ lasnan daana yə bə ləsaŋ yaŋ gəm. Jəəne minti yə humuŋ kosoŋ cəərə hate katəna, yə bə humi kosoŋ yaŋ cəərə nəətiŋa gəm.

Kel pəsaŋ kəmarwaŋ gə minti Zaŋ jiiriniy 17:6

Ten vaɗnam wəra a kaa gə minti tam humnuy warda aduubə də kaa kə seŋka daŋ bə bi a ayan dən. Yə a haa kaa nəmti, tam aynan dən kaasəna, kəya yə humuŋ kosoŋ cəərə kel nəmtiŋa.

JOŊRE 14:27

Də ko bə minti yə tuluŋ Antiyosi na anəkay, yə təpaŋ cəərə kaa kə Tapiŋ faɗi. Yə əsəŋ bə tupuy bəlam də kel gə minti Pepeŋ jəŋ joŋreŋ keɗe də té naanaanə ji moŋ. Yə wəətənəy daŋgeŋ haa kel gə minti Pepeŋ a jəŋ kir minti kaa gə minti teŋ paapa gə Ziwifi baŋ nakə la bə de guudu gəm.

I KOREŊTƏŊ 16:9

Gud maa mo, kəkəy boblo bəŋəŋ wəra tiinəna kəna bə ji joŋre kə Pepeŋ, koo kaa kə acukur nin jəəne nuutu kəna ablaw ɗaw.

II KOREŊTƏŊ 2:12

Bə minti ten tuluŋ Torwasi bə ɗe a waate *Kel pəsaŋ kəmarwaŋ gə cəərə Kristuŋ adaŋ, ten fəlaŋ ha'aŋ, Barkaŋ a bəŋnən kəkəy ne wəra tiinina bə wəətiya.

FILIPIŊ 4:13

Ten bə nakə-neke bə ji bədoona cəərə kara keɗe haa gud səɓaki də minti Kristu bə ayan dənaŋ.

KOLOSIŊ 4:3

Aŋ əsəŋ ne bə tooseŋ, aŋ toosə la cəərə are gəm kir minti Pepeŋ bəŋ kəkəy la a are bə waate kel nuutuŋ wəra. Kel teŋ haa hel nuutu də metə-mete də waate sam Kristuŋ, ten hebkəna a daŋgaya haa guudi.

I TIMOTE 5:8

Jəəne minti hulum kəman yaŋ paapa bə ji gud kusul duŋa baŋ, daŋgeŋ haa minti wə jəŋ bə ji gud kaa gə girduŋa baŋ, hulum toŋ kəya wə ŋoryoŋ wəra haa de bə gud Pepeŋ. Wə dəŋaŋ kaa gə minti kəm bay de gud Pepeŋaŋ baymele pə ɗaw.

II TIMOTE 4:7

Ten duuruŋ duuri pisiŋ ne wəra. Ten fəŋ taraŋ a koɗoŋa anə ɓeti, ten tawnə wəra. Ten taakaŋ de nin bə gud Pepeŋ wəra ba.

ZUDI 1:4

Gud maa mo sərdə kaa gə bay iski ku Pepeŋ, ɓəlwətəŋ aduubə dəŋ na dəgaaya-dəgaaya. Kel gə minti waate sam pisi kə Pepeŋ, yə kulnuy wəra dəra'i də ɗiki neeteŋ minti té jəŋ dəgləŋ ne nuutuŋ, cəərə Pepeŋ gaara yaŋ wəra. Yə koloŋ kirki a Yeesu Kristu, Barkaŋ náŋ, Bərdə náŋ ɗaaməna'iŋ. Kel gə jeerə-jeereŋ a waataŋ warda anə hãã faɗi minti kəəti kə Pepeŋ bə doy.

VEƊE 2:13

Vil də minti aŋ gə əsə-isi adaŋ yaŋ nuutu də dərən, haa vil də minti *Sataŋ də əsə-isi kumna ada gəm. Səma aŋ əsəŋ ŋəŋ gə tapə-tepe dəərən, aŋ maltaŋ kuŋ cəərə de nəəti bə guudən ba, koo nuutu bə minti yə awaŋ Antipasi, bərdə kəkəy katən ɓetiŋ wəra gerdəŋa, a ko bə minti Sataŋ də əsə-isi kumna adaŋ.

VEƊE 2:2

Ten bə asə-ase joŋre nəətiŋ, bande nəətiŋ, də mi bə ku gəəli nəətiŋ. Wəra də dərən minti aŋ paapa gə doo-de haa bə hale kaa kə sərkəŋ aduubə dəŋa ba. Kaa gə minti ji kusri minti té *kaa kə vaa-veŋ, aŋ gulnuy kuɗiy wəra, aŋ əsnəy wəra minti yə kaa kə ŋete kel.

VEƊE 22:7

Yeesu minti: «Aŋ jeɓrə la pisi! Ten wəra maŋ bə bi. Waaleŋ kə hulum bə minti humi kosoŋ cəərə kel gə minti kefter toŋ kay kənaŋ jugnuy.»

VEƊE 3:1

«Jeerə kel teŋ la a *hulum bə digi kə Pepeŋ bə minti bə gole cəərə kaa kə Tapi gə Sardəŋaŋ minti: ‹Hulum bə Tiiru Seeɗa'a kə Pepeŋ, də seska seeɗa'aŋ kəəsuŋ bə waataŋa minti: Joŋre nəətiŋ də dərən, kaa ablaw bə ɗiki cəərəŋa haa minti aŋ dədərgə zugi, ana doloy ha'aŋ, aŋ wəra gə mee-me.

VEƊE 3:10

Aŋ doŋ kel nin də mi bə ku gəəliŋ tə bə moŋ, ten də kusrən, ten goloŋ cəərəŋ yaŋ də ko bə gəəli bə minti bə tuuki yaŋ cəərə kaŋa keɗe bə guluy kuɗiŋ.

VEƊE 3:15

Joŋre nəətiŋ də dərən, minti aŋ paapa də cəwa ba, aŋ paapa gə arsə-arse bə gəm. Aŋ a jəə la də cəwa, kumundu ba gə arsə-arseŋ, a haa marya ɗaw!

VEƊE 3:7

«Jeerə kel teŋ la a *hulum bə digi kə Pepeŋ bə minti bə gole cəərə kaa kə Tapi gə Filadelfiŋaŋ minti: ‹Hulum Cetcetiŋ, hulum bə Gəəzə-gəəziŋ, hulum bə minti lakəle bə ku kuli kə kumna *Davidiŋ kəəsuŋ, hulum bə minti wə bəŋəŋ ku kuli neŋ, hulum baalaŋ neke bə gisu ba; wə gisnu neŋ, hulum baalaŋ neke bə buŋu bə gəm, bə waataŋa minti: