VEƊE 3:7 - JAA TƏMARWAŊ

⁷ «Jeerə kel teŋ la a *hulum bə digi kə Pepeŋ bə minti bə gole cəərə kaa kə Tapi gə Filadelfiŋaŋ minti: ‹Hulum Cetcetiŋ, hulum bə Gəəzə-gəəziŋ, hulum bə minti lakəle bə ku kuli kə kumna *Davidiŋ kəəsuŋ, hulum bə minti wə bəŋəŋ ku kuli neŋ, hulum baalaŋ neke bə gisu ba; wə gisnu neŋ, hulum baalaŋ neke bə buŋu bə gəm, bə waataŋa minti:

VEƊE 3:7 Iomraidhean Croise

MATIYE 16:19

Ten bə ayam lakəle bə ku kuli bə *Kumna kə Pepeŋ yaŋ kaasəma. Bədoona ana, karman bə minti tam haŋ ku kaŋ ne wəra cuuru kəna adawraŋ, apəy na tiinə Pepeŋ na ha'aŋ, kuy wəra gə haa-he cuuru faɗi gəm. Karman bə minti tam ayaŋ kəkəy ne cuuru adawra kəna a kaŋ, tiinə Pepeŋ na apəy na ha'aŋ, kəkəy bə ayə-aye cuuru a niini gəm.»

MATIYE 24:35

Tarmə pepeŋ daana seŋkaŋ bə ji ajew na pəda, səma kel katən bə ji yaŋ saksaki.»

MARKƏ 1:24

minti: «Yeesu bə Nazaretiŋ, kel naareŋ haa maa sarəma mo? Tam bəŋ haa a bese are wəra! Tam haa mindi moŋ, wəra də dər are anə kaŋkaŋ: tam haa Hulum Cetceti kə Pepeŋ.»

LIKI 1:32

Wə ji yaŋ hulum boblo, yə məntu yaŋ Kormə Pep bə Daŋə-Deŋeŋ. Barkaŋ Pepeŋ usu yaŋ a kumna kə moomo du Davidiŋa.

LIKI 4:34

«Haaŋ! Yeesu bə Nazaretiŋ, kel naareŋ haŋ maa sarəma mo? Tam bəŋ haa a bese are wəra! Tam haa mindi mo, wəra də dər are anə kaŋkaŋ: tam haa Hulum Cetceti kə Pepeŋ.»

Kel pəsaŋ kəmarwaŋ gə minti Zaŋ jiiriniy 14:6

Wə minti: «Ten haa kəkəy, ten haa gəəziŋ, ten haa dədərgəŋ. Hulum neke bə ɗe sar Abaŋ bay ten ba.

JOŊRE 3:14

Aŋ bəyaŋ Hulum Cetcetiŋ daana Ɗekeriŋ wəra. Aŋ ɗeŋ a loɓe nəətiŋ kasi Pilata minti wə gaŋ hulum bə awə-awe titiŋ da warda ɗaw.

I ZAŊ 5:20

Áŋ asaŋ wəra minti Kormə Pepeŋ a bəŋ ne wəra. Wə ayaŋ hel də əskiŋ a áŋ minti áŋ asə Pep bə gəəziŋ la. Áŋ də Pep bə gəəziŋ saksaki gud tepe náŋa də Kurmuyu Yeesu Kristuŋ. Yeesu haa Pep bə gəəziŋ, wə dədərgə də bay teweŋ gəm.

VEƊE 1:11

minti: «Karman bə minti tam bə əsuŋ, jiiru la, kaa kefter toŋ la a kaa kə Tapi gə giidə vil seeɗa'aŋ haa kənaŋ: Efesi, Simirnə, Pergam, Tiyatir, Sardə, Filadelfi, Lawdise.»

VEƊE 1:18

daana bə minti caw dədərgəŋ. Ten a meŋ wəra, ten haraŋ wəra dədərgə, ten máŋ caw dədərgə bə faɗnə-faɗna. Səɓaki də cəərə meŋ daana də cəərə ko kə kaa kə mee-meŋa kaasəna.

VEƊE 15:3

Yə bə ge gudul kə *Moyisiŋa, hulum bə joŋre kə Pepeŋ, daana gudul kə Kormə Taaməkaŋ gəm minti: «Barkaŋ Pepeŋ, Bar Səɓakiŋ, joŋre nəmtiŋ boblo, wə bə ŋili kaa kas pisi duŋ. Kumna kə gidiirə kaŋ, gədəəgi də kel nəmtiŋ wəra ɗeker, yə gə tapə-tepe də gəəziŋ.

VEƊE 16:7

Kəya ten əskəŋ dordə karman kəman bə waate da a *ko bə jəəti keereŋa a Pepeŋ minti: «Gəəzi, Barkaŋ Pepeŋ, Bar Səɓakiŋ, jeme bə kəəti nəmtiŋ ɗeker daana wə bə tapə-tepe də gəəziŋ.»

VEƊE 19:11

Kəya ten asaŋ tarmə koŋ wəra bə bəŋə-biŋi, də gədaamo gibirwi ada. Hulum bə luu-li cuuruŋ, yə məntu «Ɓetiŋ daana Gəəzə-gəəziŋ». Wə jeme kəəti daana wə duuri wəra ɗeker.

VEƊE 19:2

Gud maa mo kəəti nuutuŋ keɗe ɗeker, daana bə tapə-tepe də gəəziŋ. Wə jəmaŋ kəəti də maswaŋ mooto də minti ləŋaŋ kaa gə cəərə seŋkaŋ wəra də piwpiw naataŋ, Kaa kə joŋre nuutu gə minti a a əwnəy wəra, wə gaŋ abal neeteŋ wəra dəərə.»

VEƊE 2:1

«Jeerə kel teŋ la a *hulum bə digi kə Pepeŋ bə minti bə gole cəərə kaa kə Tapi gə Efesiŋaŋ minti: ‹Hulum bə minti seska seeɗa'aŋ a kəəsu kemeraŋ, bə minti bə gəryi aduubə də lampa seeɗa'a də gaɓtə-gaɓte a larga də kooso bə gusi bə awəy-awəyaŋ, bə waataŋa minti:

VEƊE 21:5

Kəya hulum bə cəərə jaaŋaŋ əsəŋ bə waate minti: «Aŋ golə la, ten haraŋ bə ji kara wəra kəmarwaŋ keɗe.» Wə waatənan minti: «Jeerə kel teŋ la gud maa mo kel katən haa kel kə gəəzi, yə haa kel ɓeti.»

VEƊE 3:14

«Jeerə kel teŋ la a *hulum bə digi kə Pepeŋ bə minti bə gole cəərə kaa kə Tapi gə Lawdiseŋaŋ minti: ‹Hulum bə minti yə məntu *Amen, Bar kəkəy ɓeti daana bə gəəzə-gəəziŋ, hulum bə minti Pepeŋ jəŋ kar keɗe duuruŋ, bə waataŋa minti:

VEƊE 4:8

Kar té waaɗe'iŋ, mundu mundu mo də gəraŋ kənki, də dər wəra sar gəraŋ di keɗe, agal akera, agal taakawa gəm. Yə ge gudul saksaki, daaway də duugŋ keɗe minti: «*Cetcetiŋ, Cetcetiŋ, Cetcetiŋ, haa Barkaŋ Pepeŋ, Bar Səɓakiŋ, wə a jəŋ caw, wə hebkəna caw, wə bə bi yaŋ caw.»

VEƊE 5:9

Yə bə ge gudul kimirwi bə tokɗe Kormə Taaməkaŋa minti: «Tam bə nakə-neke bə he kefter, daana bə poke kaknay gə kuŋ wəra. Gud maa mo yə awnam wəra bə ji keereŋ, tam məɗəŋ cəərə kaŋ a Pepeŋ də kor dəm gə aduubə də kaasaw də kaŋ keɗe, ku kaŋ keɗe, gidiirə kaŋ keɗe, gə giidə seŋkaŋ keɗe gəm.

VEƊE 6:10

Kəya yə bə naakte kuya minti: «Kumnaŋ, Hulum Cetcetiŋ, Hulum bə Gəəzə-gəəziŋ, tam mi kəm hãã koŋ kotnə mo minti tam jeme kəəti də kaa gə cəərə seŋkaŋ daana tam ge acukur də are gə mee-meŋ?»