VEƊE 3:3 - JAA TƏMARWAŊ

³ Cəərəŋ harə la bə ɗiki kel gə minti aŋ a fəlnəy daana aŋ a iskiniy. Aŋ doy la, aŋ kolə kerkeŋ la a baymele nəətiŋ. Jəəne minti aŋ haraŋ bə guni baŋ, ten bə tuli haa damdi hulum bə dəgaayaŋ ana, bay minti aŋ ase cəwa də minti ten hare da dərəŋ.

VEƊE 3:3 Iomraidhean Croise

MATIYE 25:13

Kəya Yeesu waataŋ kaŋ minti: «Aŋ əsə la wəra gə gunə-guni gud minti hiŋ daana cəwa də minti Barkaŋ hare daŋ paapa də dərəŋ ba.»

MARKƏ 13:33

Aŋ əsə la wəra gə gunə-guni daana gə ɗampə-ɗampe, gud maa mo ko toŋ tuli kotnə moŋ, paapa də dərəŋ ba.

MARKƏ 13:36

Bi nuutuŋ humnuŋ dərəŋ ne bokiŋ, aŋ jəə la kir minti wə a fəlaŋ a kina ba!

1 TESALONIKIŊ 5:2

gud bə minti aŋ də kusrəŋ, aŋ wəra gə asə-ase kaŋkaŋ minti hi bə minti Barkaŋ hare duru daŋ bi haa anə yəlaŋ damdi hulum bə dəgaaya bi duugŋ ana.

I TIMOTE 6:20

Tam Timote, karman bə minti Pepeŋ aynam dəm kaasəmaŋ, jəw guudu la pisi. A kalte kum awəy də boobo də bay bəlam dəŋa ba. Awəy taŋ, yə manta minti kəna kel kə ase, anaaŋa doloy kəna awəy də bay bəlam dəŋ.

II TIMOTE 1:13

Golə la ha'aŋ cəərə kel kə gəəzə-gəəzi gə minti tam a iskitiniy kunaŋ, əsə la pisi a deŋa daana a beleŋa a tepe náŋa də Kristu Yeesuŋ.

HEBEREŊ 2:1

Gud teŋa ta, áŋ doo kel gə minti áŋ a iskiniy la pisi kaŋkaŋ, kir minti áŋ a ɗe a ɓaare warna ba.

II PIYER 1:13

Də bə minti ten kəm caw dədərgəŋ, dərəna akəsa minti ten zeedeŋ guudəŋ la ada diiri minti aŋ jəə la gə gunə-guni.

II PIYER 3:1

Gədaarən gə agŋ-agŋ, toŋ kay kənaŋ haa kefter bə ɓasi bə minti ten jeereneŋ dəŋ. Giidə kefter toŋa ɓasi keɗe ha'aŋ, ten ɗəknəŋ cəərəŋ cəərə kar teŋ na haa minti aŋ gunə la wəra, ɗiki dəŋ jəə la wəra pisi a kuɗuŋa.

II PIYER 3:10

Hi bə minti Barkaŋ hare duru daŋ tuuki yaŋ anə gurusi damdi hulum bə dəgaaya ana. Dər hi toŋa ha'aŋ, ko bə apəyaŋ bə raawe yaŋ wəra bə sawye anə hə̃ə̃'a də səɓaki. Seskaŋ, kitir daana cəwa də apəyaŋ keɗe bə ki yaŋ wəra. Seŋkaŋ də kar kə cəərəŋ keɗe bə ji pəda.

VEƊE 16:15

Barkaŋ minti: «Aŋ golə la, ten bə tuli yaŋ damdi hulum bə dəgaaya ana. Waaleŋ kə hulum bə minti əsəŋ ne wəra bə gunə-guniŋ, də dəməəmə də tarə-tere suru minti tó a ɗe gəlaana ba daana kese bə gəlaanaŋ a de tó bə gəm.»

VEƊE 2:25

Nəətiŋ təwa ha'aŋ, aŋ əsə la ŋəŋ də kel gə minti aŋ duuniy, hãã dər hi bə minti ten hare daŋ.

VEƊE 2:5

Aŋ ləŋaŋ haa a ko muntu moŋ, aŋ harə la bə ɗiki cuuru. Aŋ kolə kerkeŋ la a baymele nəətiŋ. Joŋre bə minti aŋ a jəŋ bə jəwa ajew, aŋ harə la bə jəwa. Aŋ doŋ haa ne bə kole kerkeŋ a baymele nəətiŋ baŋ, ten bi yaŋ a he lampa nəətiŋ wəra a ko bə minti a də malə-mele adaŋ.

VEƊE 22:7

Yeesu minti: «Aŋ jeɓrə la pisi! Ten wəra maŋ bə bi. Waaleŋ kə hulum bə minti humi kosoŋ cəərə kel gə minti kefter toŋ kay kənaŋ jugnuy.»

VEƊE 3:11

Ten maŋ bə tuli. Kel gə minti aŋ a duuniŋ, aŋ doy la kaasəŋa ŋəŋ kir minti hulum a bi a he werke bə bulum nəətiŋ wəra ba.

VEƊE 3:19

Kaa gə minti ten bələy, ten hərtəy a kəkəya daana ten giliy gəm. Bədoona ana, aŋ harə la máŋ də cəwa bə ɗe guudəna daana aŋ kolə kerkeŋ la a baymele nəətiŋ.

VEƊE 3:2

Aŋ harə la bə guni wəra, kaayaŋ gə minti wəra maŋ bə meŋ, aŋ əyəy səɓaki la. Gud maa mo ten asaŋ minti ku joŋre nəətiŋ doŋ wəra kəm pisi tiinə Pepeŋa ba.