VEƊE 3:21 - JAA TƏMARWAŊ

²¹ Hulum bə minti pəŋ bulum neŋ, ten əyu kəkəy yaŋ minti wə əsə la sarəna a jaaŋa də kumna katəna, damdi ten ɗeŋ a isi sar Barəna a jaaŋa də kumna nuutuŋa ana gəm adordə bə minti ten pəŋ bulum.

VEƊE 3:21 Iomraidhean Croise

MATIYE 19:28

Yeesu wəətənəy minti: «Gəəzi ten waataŋ, *Kormə Hulúm əsəŋ ne akaceŋa cəərə jaaŋa nuutu də məyana a ko bə minti Pepeŋ haraŋ ne bə kole koŋa kimirwiŋ, aŋ kaa gə minti a təpaŋ guudənaŋ, aŋ bə əsti yaŋ a gəjaaŋaw kə kəkamnaŋa hor cəərə ɓasa bə jeme kəətiŋa cəərə tanta də kaanə *Israyel hor ciiri ɓasiŋa.

MATIYE 25:21

Burduŋ hərnu kel minti: ‹Tam jəŋ kel teŋ pəsaŋ, tam haa hulum bə joŋre pisi daana ɓeti. Gud bə minti tam jəŋ joŋreŋ a kuɗuŋa də karman weseki bə minti ten aynam dəm, hebkəna ten əsəm bə gole cəərə kara ablaw, bəəda a ji waale də bərdəm.›

MATIYE 28:18

Kəya Yeesu zeŋ siriy da, wə wəətənəy minti: «Pepeŋ aynan abay wəra keɗe apəy na, adawra kəna gəm.

LIKI 22:30

Bədoona ana, aŋ hame yaŋ, aŋ se yaŋ dəərən a Kumna nina, daana aŋ əsti yaŋ a gəjaaŋaw kə kəkamnaŋa bə jeme kəətiŋa cəərə tanta də kaanə *Israyel hor cəərə ɓasiŋa.»

Kel pəsaŋ kəmarwaŋ gə minti Zaŋ jiiriniy 13:32

[Gud boblo kə Pepeŋ vəɗaŋ wəra gud Kormə Hulúma tə gəm,] Pepeŋ də kusru vəɗu boblo nuutuŋ yaŋ wəra a kaŋ gəm. Wə bə jəw yaŋ hebkən-hebkəna faɗi.

Kel pəsaŋ kəmarwaŋ gə minti Zaŋ jiiriniy 16:33

Ten waatənaŋ kel teŋ haa minti tarməyaŋ jəə la kəkaɓi gud tepe nəətiŋa dəərən. Yə ləsaŋ yaŋ cəərə seŋkaŋa. Səma aŋ teŋə dərəŋ la, Ten wəra bə pəə-pi bulum cəərə kar gə cəərəŋa keɗe!»

II TIMOTE 2:12

Jəəne minti áŋ əsəŋ ne ŋəŋ guuduŋ, áŋ isi yaŋ a kumnaŋa duuru gəm. Jəəne minti áŋ maltaŋ ku áŋ ne cuuru minti wə paapa də dər áŋ ba, wə malte ku yaŋ cəərə áŋa gəm.

VEƊE 1:6

Wə təpaŋ áŋ minti áŋ kolə la a kumna nuutuŋa *kaa gə keere kə Buru Pepeŋ. Tokɗeŋ də abay jəə la nuutuŋ bə faɗnə-faɗna. *Amen.

VEƊE 12:11

Kəsaanə áŋ pəŋ bulum cəərə də kor də Kormə Taaməkaŋ, də kel gə minti yə a jəŋ bar kəkəy wəra ciiriŋ gəm. Yə ɗəkəŋ cəərə kusri ba, yə jəŋ walka də me bə gəm.

VEƊE 17:14

Bege bə waraŋ də kəkamna horiŋ duuri Kormə Taaməkaŋ yaŋ. Kormə Taaməkaŋ bə pi bulum yaŋ ciiri gud maa mo wə haa Barkaŋ kə kəmnə də kaŋ keɗe, wə haa Kumna kə kəkamnaŋ. Kaa gə minti Pepeŋ məntənəy, gə minti wə a ŋəmtənəy daana kaa ɓetiŋ bə pi bulum yaŋ duuru keɗe.»

VEƊE 2:7

Tam hulum bə minti kosnom adaŋ, jeɓrə kel gə minti Tiiru Cetcetaŋ bə wəətiya a kaa kə Tapiŋ la pisi. Hulum bə minti pəŋ bulum neŋ, ten əyu kəkəy bə hame we də kəbaŋ gə aye dədərgə də bay teweŋ yaŋ ger Pepeŋ na a *Paradisi naŋ.›»

VEƊE 20:4

Kəya ten asaŋ gəjaaŋawa kə kəkamnaŋ. Yə ayaŋ abay bə ceme kəətiŋ haa a kaa gə minti ciiri cin-cin. Yə haa tiirə kaa gə minti yə a cəmnəy ciiriŋ wardaŋ gud de neete bə gud kel gə minti Yeesu a jəŋ bar kəkəy ciiri daana gud kel kə Pepeŋa. Yə a kaŋ awalna a bege bə waraŋ ba, a karman bə minti yə a ɗəmpunu bə haw bə gəm. Tarwa kə bege bə waraŋ paapa də maltə-malte tiini ba, paapa kəəsi bə gəm. Yə haraŋ wəra dədərgə adordə meŋa daana yə hamaŋ kumna kir laate guɓi də Kristu, *Hulum bə minti Pepeŋ ŋəmnuŋ.

VEƊE 20:6

Waaleŋ kə kaa gə minti haraŋ wəra dədərgə ajew, yə haa kaa kə Pepeŋ. Yə me kampa bə ɓasiŋ pəda. Yə bə ji haa *kaa kə keere kə Pepeŋ daana a Kristu gəm. Yə isi yaŋ bə hame kumnaŋa duuru kir laate guɓi.

VEƊE 5:10

Tam kulnuy wəra *kaa kə keere kə Pep náŋ minti yə jəə la kaa nuutu a ko bə kumna nuutuŋa, daana yə əsə la kəkamna cəərə seŋkaŋa.»

VEƊE 6:2

Ten goloŋ, kəya ten asaŋ gədaamo gibirwi. Hulum bə luu-li cuuruŋ də ɓooro kəəsu. Yə əynu kaŋkəlaŋ gə abay-abay. Wə wəra bə pəə-pi bulum, wə kooroŋ cəərə seŋkaŋ bə ɗe a pi bulum pa.

VEƊE 7:17

Gud maa mo, Kormə Taaməka bə minti bə əsə-isi aduubə də jaaŋaŋa bə guluy ciiri yaŋ damdi hulum bə ameŋ ana. Wə ɗe yaŋ a məltəy ku vor bə minti kan pəsaŋ bə ãye adaŋ. Kəya Pepeŋ sətəy kan kə diri yaŋ wəra neŋneŋ keɗe.»