VEƊE 3:10 - JAA TƏMARWAŊ

¹⁰ Aŋ doŋ kel nin də mi bə ku gəəliŋ tə bə moŋ, ten də kusrən, ten goloŋ cəərəŋ yaŋ də ko bə gəəli bə minti bə tuuki yaŋ cəərə kaŋa keɗe bə guluy kuɗiŋ.

VEƊE 3:10 Iomraidhean Croise

MATIYE 24:14

*Kel pəsaŋ kəmarwaŋ té gə waate sam *Kumna kə Pepeŋ kəyaŋ, yə bə wəətəy yaŋ wəra a koŋa keɗe minti kaŋ əskə bar kəkəy bə cəərə kel teŋ la. Haa kəyaŋ, tewe bə koŋ tuli yaŋ faɗi gəm.»

MATIYE 26:41

Aŋ əsə la wəra gə gunə-guni, aŋ toosə la kir minti aŋ əsə la ŋəŋ tiinə ke bə kuŋa. Hulum kisirkiŋ wəra bə ɗampə-ɗampe dər ɗiki du bə ji pisiŋ, səma a kusukiŋa, wə wəra bə dawə-dewe, wə neke bə jəw ba.»

MATIYE 6:13

A yaakə are bə ve dər kel gə minti Nərtitiŋ ke ku kaŋ diiriŋ ba. Səma, doo are la wəra kaasa.›

MARKƏ 14:9

Gəəzi, ten waataŋ, a ko muntu muntu mo cəərə seŋkaŋa keɗe bə minti *Kel pəsaŋ kəmarwaŋ bə waate yaŋ wəra adaŋ, yə tope bəlam də karman bə minti həlgə taŋ a juunuŋ yaŋ wəra gəm. Bədoona ana cəərə kaŋ hare yaŋ bə ɗiki cəərə saksaki.»

LIKI 2:1

Dər ko bə we kə Zaŋa, Sezar Ogustə, kumna bobloŋ, ayaŋ mini minti yə aŋkə kaa gə giidə seŋka də minti Rom waate samaŋ la keɗe.

Kel pəsaŋ kəmarwaŋ gə minti Zaŋ jiiriniy 17:6

Ten vaɗnam wəra a kaa gə minti tam humnuy warda aduubə də kaa kə seŋka daŋ bə bi a ayan dən. Yə a haa kaa nəmti, tam aynan dən kaasəna, kəya yə humuŋ kosoŋ cəərə kel nəmtiŋa.

ROMEŊ 1:8

Ajew anə faɗiŋ, də Yeesu Kristu, ten də suuseŋ a Pep katən gud kel dəŋa keɗe gud bə minti kaŋ bə waate sam de nəətiŋa wəra a koŋa keɗe.

I KOREŊTƏŊ 10:13

Ke ku bə minti tuluŋ cəərəŋaŋ, wə saksaki haa bə muntu muntu mo bə minti tulti cəərə kaŋa keɗeŋ ana. Pepeŋ wə ɓeti, wə yaake ke ku bə kəlaŋ səɓaki dəŋ bə tuli cəərəŋa ba. Bə minti ke ku tuluŋ ne cəərəŋaŋ, Pepeŋ ayaŋ səɓaki də garge tiinu daana hel də minti aŋ cakɗe wəra dəərəŋ.

EFESIŊ 6:13

Gud teŋa ta, kar kə duuri gə minti Pepeŋ əyəy, aŋ gənəy la saraŋa keɗe kir minti, hi bə baymeleŋ tuluŋ neŋ, adordə bə minti aŋ a jəŋ karman bə minti aŋ a gə nakə-neke bə jəw, aŋ nakə la bə gerge tiinə hulum bə acukura hãã a tewe də duuriŋa.

II TIMOTE 2:12

Jəəne minti áŋ əsəŋ ne ŋəŋ guuduŋ, áŋ isi yaŋ a kumnaŋa duuru gəm. Jəəne minti áŋ maltaŋ ku áŋ ne cuuru minti wə paapa də dər áŋ ba, wə malte ku yaŋ cəərə áŋa gəm.

ZAKI 3:12

Kəsaananti, gum we akuɗiŋ yaŋ nuutu mo? Kumundu ba atələələmaŋ we gum yaŋ mo? Kartaŋ jəŋ ne alumlumaŋ, kan gə dəhəŋ lewe ada pəda.

I PIYER 4:12

Gədaarənti, aŋ a ŋili kas gəəli kəmtəŋ bə minti awte cəərəŋa bə goloŋ koɗ de nəətiŋ damdi yə haa karman bə minti aŋ kəm bay əsu ana ba.

II PIYER 2:9

Aŋ asaŋ ne, kaa gə minti bə ɗe haa də ku Barkaŋ jəəne bə se lasiŋaŋ, wə bə nakə-neke bə humuy warda dərə da daana bə ve kaa gə gul-gulaŋ laki bə ɗe a jəy daŋgay di dər hi bə kəətiŋa.

VEƊE 1:9

Kəna ten seeneŋ Zaŋ. Gud tapi náŋa də Yeesuŋ, ten haa kumsəŋ bə minti giidə *Kumna kə Pepeŋa gəm, ten bə se gəəliŋa daana ten bə mi ku damdi aŋ ana gəm. Yə gaanan warna cəərə ajomga də Patmosi na haa gud bə minti ten a waataŋ kel kə Pepeŋ wəra daana kel gə minti Yeesu a jəŋ bar kəkəy ciiriŋ wəra a kaŋ.

VEƊE 11:10

Kaa gə cəərə seŋkaŋ keɗe ji yaŋ wəra də waale gud me kə kaa té ɓasiŋ. Yə bə ji kəɗwəy yaŋ gud waale neeteŋa bə ɓarse kara aduubə də kumsi, gud maa mo *kaa kə jogte ku mini kə Pepeŋ té ɓasiŋ a ləsnəy ablaw.

VEƊE 13:10

hulum bə minti toŋ sə a ɗe a daŋgay, wə bə ɗe yaŋ nuutu a daŋgaya gəəzi. Hulum bə minti sə a fele meŋ ku caafayaŋ, wə bə fele meŋ haa ku caafaya gəəzi gəm. Gud teŋa ta, kaa kə Pepeŋ məə la ku gəəliŋa, yə əsə la gə doo-de.

VEƊE 13:14

Wə lenteŋ kaa gə cəərə seŋkaŋ wəra də miɗi bə minti wə nəkaŋ bə jəw də dər bege bə ajew. Bege tó bə ɓasiŋ haŋ gud kaŋ minti yə ɗampə karman la damdi bege bə ajew ana bə əyu tokɗeŋ. Bege toŋ, yə a ŋiinu də caafay, wə haraŋ wəra dədərgə.

VEƊE 13:8

Kaa gə cəərə seŋkaŋ keɗe bə kaw awalna yaŋ, kaa té gə minti də anə hãã a mele bə gud koŋ daŋ, səməy paapa gə jeerə-jeere giidə kefter bə dədərgə kə Kormə Taaməka bə jamə-jemeŋa ba.

VEƊE 14:12

Kel teŋ keɗe waate haa minti kaa kə Pep gə minti humi kosoŋ cəərə ku gili nuutuŋa, gə minti saksaki gə doo-de gud Yeesuŋ, yə məə la ku gəəliŋa.

VEƊE 14:6

Kəya ten asaŋ *hulum bə digi kə Pepeŋ baalaŋ caw bə faa-fe apəya dər kaŋkawa, *Kel pəsaŋ kəmarwaŋ gə minti bə ji yaŋ saksaki yaŋ ku kir minti wə wəətəy la a kaa gə cəərə seŋkaŋ: a kaasaw də kaŋ keɗe, a ku kaŋ keɗe, a gidiirə kaŋ keɗeŋ, a gidiirə seŋkaŋ keɗeŋ.

VEƊE 16:14

Yə haa kəwal gə minti jəəti kar gə məɗ-miɗiŋ. Yə bə ɗe yaŋ a golde kəkamna gə cəərə seŋkaŋ da keɗe bə təpəy ciiri bə ɗe a duuriŋ dər hi boblo bə minti Pepeŋ Bar Səɓakiŋ bə bi a jeme kəətiŋ də kaŋ duruŋ.

VEƊE 17:2

Kəkamna gə cəərə seŋkaŋ jəətəŋ piwpiw dəərə. Kaa gə cəərə seŋkaŋ markaŋ wəra kas jəəti bə piwpiwaŋ də maswaŋ damdi kaŋ markete wəra kas kumuy ana.»

VEƊE 17:8

Bege bə minti tam a əsnu kənaŋ, wə a jəŋ hõy caw; bə hebkəna ha'aŋ, wə paapa caw pəda. Wə bə hare yaŋ bə kele da warda giidə tələŋkə kələmləma də bay nobeŋ da, wə bə ɗe a bese wəra. Kaa gə cəərə seŋka gə minti səməy a paapa gə jeerə-jeere giidə kefter bə dədərgəŋa wəra ajew də mele bə gud koŋ baŋ, kaa teŋ bə ŋili yaŋ a ko bə minti yə asaŋ bege toŋ neŋ. Gud maa mo wə a jəŋ hõy caw, wə paapa hebkəna caw pəda, wə bə hare yaŋ wəra caw.

VEƊE 2:10

Aŋ a ji walka kas lasi də minti aŋ bə saara yaŋ palpal ba. Golə la, Nərtitiŋ bə feke sərdəŋ yaŋ a daŋgaya bə goloŋ koɗoŋ, aŋ bə se lasi yaŋ kir hiti hori. Aŋ əsə la ɓeti jəəne nuutu minti yə awaŋ, kəya ten ayaŋ werke bə bulum yaŋ, werke toŋ haa dədərgəŋ.

VEƊE 3:8

Joŋre nəəti də dərən. Golə la, ten yaakənaŋ ku kuliŋ wəra bə bəŋə-biŋi tiiniŋa, hulum baalaŋ neke bə gisu ba. Wəra də dərən minti səɓaki dəŋ də kerpə-kerpe, də teŋ keɗe aŋ doŋ kel katən, aŋ maltaŋ kuŋ cəərəna ba.

VEƊE 6:10

Kəya yə bə naakte kuya minti: «Kumnaŋ, Hulum Cetcetiŋ, Hulum bə Gəəzə-gəəziŋ, tam mi kəm hãã koŋ kotnə mo minti tam jeme kəəti də kaa gə cəərə seŋkaŋ daana tam ge acukur də are gə mee-meŋ?»

VEƊE 8:13

Ɗe a goleŋa, ten əskəŋ marla kəman bə ɓəkti na apəy na bə sewle wəra anə koloŋ-koloŋ minti: «Gəəliŋ! Gəəliŋ! Gəəliŋ cəərə kaa gə cəərə seŋkaŋa kas naakte bə ku bə atoltom də minti kaa kə digi kə Pepeŋ soope'iŋ bə ɗe a ufəŋ!»