VEƊE 3:1 - JAA TƏMARWAŊ

¹ «Jeerə kel teŋ la a *hulum bə digi kə Pepeŋ bə minti bə gole cəərə kaa kə Tapi gə Sardəŋaŋ minti: ‹Hulum bə Tiiru Seeɗa'a kə Pepeŋ, də seska seeɗa'aŋ kəəsuŋ bə waataŋa minti: Joŋre nəətiŋ də dərən, kaa ablaw bə ɗiki cəərəŋa haa minti aŋ dədərgə zugi, ana doloy ha'aŋ, aŋ wəra gə mee-me.

VEƊE 3:1 Iomraidhean Croise

LIKI 15:24

Gud bə minti kormon gila a wəra akas hulum bə mee-me ana, bə hebkənaŋ wə haraŋ ne wəra dədərgə; wə a jəŋ akas hulum bə lentə-lente, bə hebkənaŋ ten haraŋ ne bə fəlu.› Kəya yə əsəŋ bə ji kəɗwəya də waale ablaw.

LIKI 15:32

Áŋ a kir ji kəɗwəy daana kir ji waale, gud bə minti seenem gila a wəra damdi hulum bə mee-me ana, bə hebkənaŋ wə haraŋ ne wəra dədərgə; wə a damdi hulum bə lentə-lente ana, bə hebkənaŋ ten fəlnu ne.›» – 15 16

Kel pəsaŋ kəmarwaŋ gə minti Zaŋ jiiriniy 1:16

Wə bə ɗosə-ɗose də gidiirə pisiŋ tə bə moŋ, wə bə kawa cəərə áŋa keɗe anə hoŋ na.

Kel pəsaŋ kəmarwaŋ gə minti Zaŋ jiiriniy 1:33

Ajew də kel teŋa gila keɗeŋ, wə a paapa wəra kəm də dərən minti kəna kaliyaw anəkay ba, səma Pep bə minti a gaanan da bə bi a jəəti batem də kan a kaŋ waatənan minti: ‹Tam bə ase Tiiru Cetcetaŋ yaŋ bə sorke da cəərə hulum da, a ve yaŋ cuuru, wə bə jəəti batem yaŋ a kaŋ dəərə gəm.›

Kel pəsaŋ kəmarwaŋ gə minti Zaŋ jiiriniy 20:22

Kəya wə fuuliniy kaŋkaw ciiri na, wə minti: «Aŋ doo Tiiru Cetcetaŋ la.

Kel pəsaŋ kəmarwaŋ gə minti Zaŋ jiiriniy 3:34

Hulum bə minti Pepeŋ gəənu daŋ, wə joge haa kel kə Pepeŋ, gud maa mo Pepeŋ əyu Tiiruŋ bay gədəəgi də.

JOŊRE 2:33

Pepeŋ həənu warna suru na, wə usnu a kəəsu kemera. Wə fəlaŋ Tiiru Cetcetaŋ də minti Buru a wəətunu minti tó bə əydu yaŋ gəm. Wə gaana cəərə are. Kel gə minti aŋ bə əsəya daana bə jiɓriya hebkəna, haa joŋre naata.

EFESIŊ 2:1

Aŋ ha'aŋ tə bə moŋ, aŋ a jəŋ wəra dayday tiinə Pepeŋa haa damdi kaa kə mee-me ana gud laŋte nəətiŋa daana jəəti bə baymeleŋ.

EFESIŊ 2:5

bə minti áŋ a kəm nuutu damdi kaa kə mee-me tiinu gud baymele náŋaŋ, wə haraŋ áŋ wəra zugi dədərgə gud tepe náŋa də Kristu (aŋ fəlaŋ seereŋ ha'aŋ, kas minti Pepeŋ jəŋ giidu pəsaŋ cəərəŋaŋ).

KOLOSIŊ 2:13

Aŋ a jəŋ wəra gə mee-me a tiiruŋa gud baymele nəətiŋa daana gud bə minti aŋ a haa kaa gə minti tantəraŋ a paapa də camə-ceme baŋ, kaa gə minti Pepeŋ a paapa də dərəŋ baŋ gəm. Pepeŋ aynaŋ dədərgəŋ də Kristu keɗe'i. Baymele náŋ keɗe fəlaŋ vəəgi bə giiduŋ kəəsu gəm.

I TIMOTE 5:6

Səma kə həlgə də bay də minti ji kel gə minti giidə bələy təwaŋ, a naata caw dədərgə səma, a wəra haa cawa də mee-me toki.

ZAKI 2:26

Aŋ asə la wəra minti kusuki də hulum bay maahe giidu wəra haa titi. Bədoona ana, deŋ bay joŋreŋ guudu wə wəra bə mee-me gəm.

I PIYER 1:11

Tiiru kə Kristu də minti a jəŋ giidiŋ, a wəətənəy wəra ajewa cəərə lese bə minti Kristu bə ɗe a saw yaŋ daana minti adordə lese toŋa, wə ɗe a fele aŋke yaŋ gəm. Kaa kə jogte ku mini kə Pep teŋ, goldoŋ hel bə ase minti kel teŋ ɗe a ji haa kotnə mo, daana naanaanə moŋ.

ZUDI 1:12

Yə kolte hame nəəti bə adəwaldəŋ wəra paapa *cetceti ba haa té. Yə hame kəɗwəy ha'aŋ, kese paapa bə jiya anə weseki ba, yə ɗiki haa cəərə giidi təwa. Yə haa damdi kamra gə minti kaŋkaw zugtuy guudi boobo, yə hage baŋ ana. Yə haa damdi kəbaŋ gə minti paapa bə we də ko bə minti kəbaŋ we duruŋ baŋ ana. Kəbaŋ teŋ, yə pəŋ kəsar diŋ wəra, yə doge meŋ kampa ɓasi .

VEƊE 1:11

minti: «Karman bə minti tam bə əsuŋ, jiiru la, kaa kefter toŋ la a kaa kə Tapi gə giidə vil seeɗa'aŋ haa kənaŋ: Efesi, Simirnə, Pergam, Tiyatir, Sardə, Filadelfi, Lawdise.»

VEƊE 1:16

Seska a kəəsu kemera seeɗa. Caafay də kəsnə ɓasa gə kaa-ke kəlaŋ warda ku da. Tiinu welɗe damdi cəwa də daaway ɗeker-keraŋ ana.

VEƊE 1:20

Seska seeɗa'a tá də minti tam a asna a kaasən kemeraŋ, də lampa seeɗa'a də gaɓtə-gaɓte a larga də kooso bə gusi bə awəy-awəyaŋ, gud kel di gə metə-meteŋ haa minti: seska seeɗa'aŋ haa *kaa gə digi kə Pepeŋ gə minti bə gole cəərə kaa kə Tapi gə giidə vil seeɗa'aŋaŋ. Lampa seeɗa'aŋ haa Tapi taŋ faɗi gəm.»

VEƊE 1:4

Jeere kefter toŋ a kaa kə Tapi gə giidə vil seeɗa'a də Aziŋ, haa ten Zaŋ. Pisiŋ də kəkaɓiŋ kə Pep bə minti a jəŋ caw, hebkəna caw, daana bə bi yaŋ caw gəm jəə la cəərəŋa. Pisiŋ də kəkaɓiŋ kə Tiiru Seeɗa'aŋ də minti də əsə-isi tiinə jaaŋa də kumnaŋaŋ jəə la cəərəŋa. Pisiŋ də kəkaɓiŋ kə Yeesu Kristu, bar kəkəy ɓetiŋ, hulum bə minti haraŋ wəra ajew dədərgə adordə meŋaŋ, kumna kə kəkamna gə cəərə seŋkaŋ, jəə la cəərəŋa. Yeesu haa hulum bə minti bəlaŋ áŋ, wə bədəŋ áŋ wəra ku baymele náŋa də kor du.

VEƊE 2:13

Vil də minti aŋ gə əsə-isi adaŋ yaŋ nuutu də dərən, haa vil də minti *Sataŋ də əsə-isi kumna ada gəm. Səma aŋ əsəŋ ŋəŋ gə tapə-tepe dəərən, aŋ maltaŋ kuŋ cəərə de nəəti bə guudən ba, koo nuutu bə minti yə awaŋ Antipasi, bərdə kəkəy katən ɓetiŋ wəra gerdəŋa, a ko bə minti Sataŋ də əsə-isi kumna adaŋ.

VEƊE 2:19

Ten bə asə-ase joŋre nəətiŋ, bele nəətiŋ, de nəətiŋ, digi nəətiŋ daana mi bə ku gəəli nəətiŋ. Wəra də dərən minti aŋ bə ji joŋreŋa máŋ hebkəna ablaw dəŋaŋ bə ajew.

VEƊE 2:2

Ten bə asə-ase joŋre nəətiŋ, bande nəətiŋ, də mi bə ku gəəli nəətiŋ. Wəra də dərən minti aŋ paapa gə doo-de haa bə hale kaa kə sərkəŋ aduubə dəŋa ba. Kaa gə minti ji kusri minti té *kaa kə vaa-veŋ, aŋ gulnuy kuɗiy wəra, aŋ əsnəy wəra minti yə kaa kə ŋete kel.

VEƊE 2:9

Ten bə asə-ase gəəli daana caaca nəətiŋ (səma a gəəziŋa ha'aŋ, aŋ kaa kə hurma). Wəra də dərəŋ minti kaa kəman yaŋ bə waataŋ səmaŋa baymele, kaa teŋ bə ufi kuya minti té kaanə Ziwifi, anaaŋa paapa, yə haa kaa kə tapə-tepe ciiri kə *Sataŋ.

VEƊE 3:15

Joŋre nəətiŋ də dərən, minti aŋ paapa də cəwa ba, aŋ paapa gə arsə-arse bə gəm. Aŋ a jəə la də cəwa, kumundu ba gə arsə-arseŋ, a haa marya ɗaw!

VEƊE 3:2

Aŋ harə la bə guni wəra, kaayaŋ gə minti wəra maŋ bə meŋ, aŋ əyəy səɓaki la. Gud maa mo ten asaŋ minti ku joŋre nəətiŋ doŋ wəra kəm pisi tiinə Pepeŋa ba.

VEƊE 3:8

Joŋre nəəti də dərən. Golə la, ten yaakənaŋ ku kuliŋ wəra bə bəŋə-biŋi tiiniŋa, hulum baalaŋ neke bə gisu ba. Wəra də dərən minti səɓaki dəŋ də kerpə-kerpe, də teŋ keɗe aŋ doŋ kel katən, aŋ maltaŋ kuŋ cəərəna ba.

VEƊE 4:5

Sar jaaŋa də aduubaŋ daŋ, anə welɗe bə koŋ, dordə kar kəman daana təbay də ko bə debeŋ bə kalte də warda da ada. Lampa də do'tə-do'te tiinə jaaŋa taŋa ada seeɗa, lampa taŋ haa Tiiru Seeɗa'a kə Pepeŋ.

VEƊE 5:6

Ɗe a goleŋa, Kormə Taaməka bə əsə-isi gil aduubə də jaaŋa də aduubəŋa, kar gə dədərgəŋ, daana kaa kəmtəŋ gə tiinə kaŋ wəra gə ɓəkə-ɓiki cuuru cẽẽ. Kormə Taaməka toŋ gole damdi yə a jəmnu wəra bə keere ana. Gəw du seeɗa, duru seeɗa gəm, haa Tiiru Seeɗa'a kə Pepeŋ də minti wə a gaana cəərə seŋkaŋ na a koŋa keɗe'iŋ.