VEƊE 21:8 - JAA TƏMARWAŊ

⁸ Kə kaa gə minti gəgan-gəgani a de neeteŋaŋ, gə bay deŋ, gə jəəti kel kə zeɓə-zeɓeŋ, gə minti awtaŋ titiŋ, gə booboŋ, gə jəəti zal, gə ke awalna a kar gə minti yə guluy pepe neeteŋ, daana gə ŋete kel keɗe, yə bə vay yaŋ a daŋgaya a ko bə cəwa də sufrə hərhəraŋa, haa me bə ɓasiŋ.»

VEƊE 21:8 Iomraidhean Croise

MATIYE 10:28

Aŋ a ji walka kasi kaa gə minti awaŋ kusrəŋ wəra təwa, anaaŋa yə paapa gə nakə-neke bə awaŋ tiirəŋ baŋ ba. Aŋ jəə walka la ɗaw haa kasi Pep bə minti wəra bə nakə-neke bə awaŋ kusrəŋ wəra də tiirəŋ keɗe daana bə vay dər cəwaŋaŋ.

MATIYE 25:25

Gud teŋa ta walka jəənən, ten kooroŋ a mete koosoŋ warna a tələŋkə na haa sə teŋ, kooso nəmtiŋ kəya.›

MATIYE 8:26

Yeesu minti: «Aŋ jəŋ walka taŋ naanaanə bədoona mo? De nəətiŋ bə kerpə-kerpe.» Kəya wə faŋ apəya faɗi, wə jəmaŋ təbay a kaŋkaw daana a kan. A ko toŋa ada faɗi, koŋ doŋ ɗeket-keti.

MARKƏ 9:44

A ko toŋa ha'aŋ, anə tutkul ji yaŋ saksaki daana cəwaŋ noke hõy bə gəm.]

Kel pəsaŋ kəmarwaŋ gə minti Zaŋ jiiriniy 8:44

Bəraŋ haa Nərtitiŋ daana aŋ bele ji haa kar gə minti giidə bələy gəm. Də anə hãã faɗi, a hulum bə awte titi. Kel kə gəəziŋ, teŋ haŋ sara ba anə ceki, gud maa mo gəəziŋ paapa giidə ba. Bə minti a ŋete kel, a waate haa kel gə minti bəŋ giidə daŋ gud bə minti a hulum bə ŋete kel, a haa Nər kel kə ŋeteŋ faɗi.

II TESALONIKIŊ 2:9

Hulum bə acukur toŋ bi yaŋ haa də səɓaki kə *Sataŋ. Wə bə ji gidiirə miɗiŋ məntə məntə mo də kar gə ŋili kaŋ, bə leŋe kaŋ.

I TIMOTE 4:2

Kumsə hate toŋ kəyaŋ, kaa kə jeme teteŋ gə ji tiniini də kaa bə duusu wəra haa té, ɗiki di wəra bə lentə-lente; keseŋ paapa də diri ba.

TITI 1:16

Yə neete bə waate minti té asaŋ Pepeŋ, anaaŋa joŋre bə minti yə bə jəwaŋ ge dər kaŋ wəra minti Pepeŋ paapa də diri ba. Yə iski kosoŋ ba, yə kaa kə ɓalkə-ɓalke, daana yə paapa gə nakə-neke bə ji joŋre pisi anə məna bə ceki.

HEBEREŊ 12:24

Aŋ dəyaŋ maŋ haa sar Yeesu, hulum bə minti bə əsə-isi aduubə də kaŋa də Pepeŋ cəərə de bə *jaa təmarwaŋaŋ, daana sar kor du bə minti a jeteŋ wəra bə poore kaŋ. Kor du toŋ dayna bə waate kela a áŋ dəŋaŋ kə Abel.

HEBEREŊ 13:4

Aŋ humi kosoŋ la cəərə kel gə minti Pepeŋ wəətənəy cəərə kuli bə veŋa, daana hulum koŋkor mo, həlgə mo, a kele wəra taakawa ba. Gud maa mo Pepeŋ bə ɗe a jeme kəəti də kaa kə karway, də kaa kə ji piwpiw gəm.

I ZAŊ 2:22

Hulum bə ceme teteŋ haa mindi mo? Haa hulum bə minti waate minti Yeesu paapa Kristu, *Hulum bə minti Pepeŋ ŋəmnuŋ, baŋ. Haa hulum bə acukur də Kristuŋ ta, hulum tó bə minti ɗempa a de gud Bar áŋ Pepeŋa daana Kurmuyuŋ baŋ.

I ZAŊ 3:15

Hulum bə minti acukur də siinuŋ, wə hulum bə awe titi. Aŋ wəra gə asə-ase minti hulum bə awe titiŋ ha'aŋ, dədərgə də bay teweŋ paapa giidu ba.

I ZAŊ 5:10

Hulum bə minti doŋ ne gud Kormə Pepeŋaŋ, bar kəkəy tó kə Pepeŋ wəra ku tərmuyu. Səma hulum bə minti doŋ gud Pepeŋa baŋ koloŋ Pepeŋ hulum bə ceme tete, gud bə minti wə doŋ gud bar kəkəy bə minti wə juunu cəərə Kurmuyuŋa ba.

VEƊE 14:10

wə bə se gəəli yaŋ ku waŋ kə Pepeŋa. Gəəli toŋ haa damdi Pepeŋ gaŋ kumuy bə waŋ-waŋ giidə kopi bə minti veɗe waŋ nuutuŋ wəra minti kaŋ saw laŋ ana. Hulum toŋ se lasi yaŋ dər cəwa də minti də do'ə-do'e də karman bə minti yə məntu sufrəŋ tiinə kaa kə digi cetcetiŋa daana tiinə Kormə Taaməkaŋa gəm.

VEƊE 19:20

A ko toŋa kəyaŋ, yə humuŋ bege bə waraŋ də bege bə minti jogte ku mini bə laŋte kaŋ. Bege tó bə ɓasiŋ jəətəŋ miɗiŋ də dər bege bə ajew. Gud miɗi toŋa, wə koloŋ bə lente kaa gə minti yə a məltənəy tarwa kə bege bə ajew siriŋ wəra, gə minti a kaŋ awalna a karman bə minti yə a ɗəmpunu bə he bege bə ajew. Bege toŋ ɓasi keɗe, yə vəənu dədərgə zugi a ko bə cəwa də sufrə hərhəraŋa.

VEƊE 2:11

Tam hulum bə minti kosnom adaŋ, jeɓrə kel gə minti Tiiru Cetcetaŋ bə wəətiya a kaa kə Tapiŋ la pisi. Hulum bə minti pəŋ bulum neŋ, me bə ɓasiŋ ji karman suru pəda.›»

VEƊE 2:2

Ten bə asə-ase joŋre nəətiŋ, bande nəətiŋ, də mi bə ku gəəli nəətiŋ. Wəra də dərən minti aŋ paapa gə doo-de haa bə hale kaa kə sərkəŋ aduubə dəŋa ba. Kaa gə minti ji kusri minti té *kaa kə vaa-veŋ, aŋ gulnuy kuɗiy wəra, aŋ əsnəy wəra minti yə kaa kə ŋete kel.

VEƊE 21:27

Karman bə minti paapa cetceti baŋ bə kele giidə vil taŋ da ba, hulum bə minti jəəti dəgləŋ daana ŋete kel kele ada na bə gəm. Ve ada na haa kaa gə minti səməy a wəra gə jeerə-jeere giidə kefter bə dədərgə kə Kormə Taaməkaŋaŋ təwa'i.

VEƊE 22:15

Səma kaa gə minti jəəti kel gə zeɓə-zeɓeŋ, zal, booboŋ, awte titiŋ, ke awalna a kar gə minti yə guluy pepe neeteŋ, hataŋ kusri wəra bə ŋete kelaŋ, kaa teŋ keɗe yə yaake wəra tiilima.

VEƊE 9:17

Bədoona ta, kar gə minti vəɗaŋ dərənaŋ, ten asaŋ anə gədaamoŋ də kaa gə cuuruŋ. Sirdiŋ də koroŋ kəəli siri, gaalaŋ də koroŋ kisirki damdi alakləway ana siri, kaayaŋ də koroŋ abufi siri. Cəərə gədaamoŋ damdi cəərə googoŋ ana. Cəwa kalte warda kuy da, də keseŋ, də karman bə minti yə məntu «sufrə».

VEƊE 9:21

Yə koloŋ kirki a awe bə titiŋ, jəəti bə zal, jəəti bə booboŋ daana dəgaaya neeteŋ bə gəm.