VEƊE 21:6 - JAA TƏMARWAŊ

⁶ Wə waatənan minti: «Ten doŋ ku kel ne wəra. Ten haa Alfa, ten haa Omega, Mele bə gud koŋ daana Tewe bə koŋ. Hulum bə minti kinkin duunu neŋ, ten əyu kan kə aye dədərgə gə minti ãye warda a ko diŋ daŋ yaŋ boobo faɗi.

VEƊE 21:6 Iomraidhean Croise

Kel pəsaŋ kəmarwaŋ gə minti Zaŋ jiiriniy 4:10

Wə harna kel minti: «Karman bə minti Pepeŋ əyu a kaŋ a jəə la də diriŋ, daana hulum bə minti bə mante kana kəəsi gilaŋ a jəə la də diri gəm, sə a mante kan kəəsu haa te ɗaw. Wə sə a əyəy haa kan gə aye dədərgəŋ.»

Kel pəsaŋ kəmarwaŋ gə minti Zaŋ jiiriniy 4:11

Kəya a hərnu kel minti: «Hulum bə hateŋ, karman bə ɗi kan paapa kaasəma ba, kartaŋ gila yə kempeleŋ tə gəm, tam bə fele kan té gə aye dədərgəŋ haa də ane də mo?

Kel pəsaŋ kəmarwaŋ gə minti Zaŋ jiiriniy 4:14

Səma hulum bə minti se kan gə minti ten bə əyu duŋ, kinkin daw hõy pəda anə ceki. Kan té gə minti ten bə əyu duŋ, yə kole giidu damdi kəsar də kan gə minti ãye warda də səɓakiŋ ana. Teŋ haa kan gə aye dədərgə də bay teweŋ.»

ROMEŊ 3:24

Səma gud pisi nuutuŋa, wə kole kaŋ duru ɗeker boobo anə faɗi haa gud tepe neeteŋa də Yeesu Kristu, hulum bə minti bidiy wəra ku baymeleŋaŋ.

ROMEŊ 8:32

Wə yaakaŋ Kurmuyu derra'iŋ eŋ bay ɗoote ba, wə əynu wəra a meŋ gud áŋa keɗe. Wə ayaŋ Kurmuyuŋ wəra gud áŋa ɗaw tə kəm, wə bə aye kar kaayaŋ keɗe a áŋ baŋ naanaanə mo?

I KOREŊTƏŊ 2:12

Áŋ teŋ, áŋ fəlaŋ paapa ɗiki kə kaa gə cəərə seŋkaŋ ba, áŋ fəlaŋ náŋ haa Tiiru kə Pepeŋ. Bədoona ta, áŋ gə nakə-neke bə əski gud kar gə minti Pepeŋ əynəy a áŋ gud pisi bə minti wə juunu sar kaŋa.

I KOREŊTƏŊ 3:12

Mindi mo neke bə raawe bə ɗampe kuli toŋ na də kooso bə gusi bə awəy-awəy, də kooso bə ji soloy, də pərki bə fele gəəli-gəəliŋ, də kəbaŋ, də təəsu, kumundu ba də kaɗəkaw cəərə gud kuli tó bə gaa-geŋa.

I KOREŊTƏŊ 3:21

Bədoona ana ta, hulum a neke bə he cəərə kusru apəya də kumsu hulum kisirki ba. Gud maa mo, kar keɗe haa nəəti:

I KOREŊTƏŊ 3:5

A kuɗiŋa, Apolo haa mindi mo, Pol haa mindi mo? Are haa kaa kə joŋre gə minti Pepeŋ jəŋ joŋreŋ də are bə məlaŋ a deŋa təwa. Mindi mindi mo ji haa joŋre bə minti Pepeŋ a əynu du kəəsuŋ.

VEƊE 1:11

minti: «Karman bə minti tam bə əsuŋ, jiiru la, kaa kefter toŋ la a kaa kə Tapi gə giidə vil seeɗa'aŋ haa kənaŋ: Efesi, Simirnə, Pergam, Tiyatir, Sardə, Filadelfi, Lawdise.»

VEƊE 1:17

Bə minti ten əsnu anəkay, ten awaŋ tiinu damdi ten wəra bə mee-me ana. Kəya wə məlaŋ kəəsu kemer sarəna, wə waatənan minti: «A ji walka ba! Ten haa hulum bə ajew, bə adoroŋ,

VEƊE 1:8

Barkaŋ Pepeŋ minti: «Ten haa Alfa, ten haa Omega. Ten haa hulum bə minti a jəŋ caw, ten hebkəna caw, ten bə bi yaŋ caw gəm, ten haa Bar Səɓakiŋ.»

VEƊE 10:6

wə əsəŋ bə kele ku də sam Pep bə minti dədərgə caw bə faɗnə-faɗnaŋ, bə minti jəŋ ko bə apəyaŋ, seŋkaŋ, kan kəmtəŋ də kar kə giidiŋ keɗeŋ, minti cəwa də miŋ təwaŋ ne wəra.

VEƊE 16:17

Hulum bə digi kə Pepeŋ bə seeɗaŋ pukuŋ karman bə giidə taasa nuutuŋ dər kaŋkawa. Kəya Pepeŋ əsəŋ bə waate kel da də səɓaki cəərə jaaŋa də giidə Kuli nuutuŋ da minti: «Ten doŋ ku kel ne wəra.»

VEƊE 22:13

Ten haa Alfa, ten haa Omega, ten haa Hulum bə ajew daana Hulum bə adoroŋ, ten haa Mele bə gud koŋ daana Tewe bə koŋ gəm.»

VEƊE 22:17

Tiiru Cetcetaŋ də mar Kormə Taaməkaŋ əsəŋ bə wəətu minti: «Bəəda!» Hulum bə minti əskəŋ kel teŋ neŋ, wə waatə la gəm minti: «Bəəda!». Hulum bə minti kinkin duunuŋ neŋ, wə bəəda. Hulum bə minti də caadə kan kə aye dədərgəŋ, wə bəəda a doy boobo faɗi.

VEƊE 3:14

«Jeerə kel teŋ la a *hulum bə digi kə Pepeŋ bə minti bə gole cəərə kaa kə Tapi gə Lawdiseŋaŋ minti: ‹Hulum bə minti yə məntu *Amen, Bar kəkəy ɓeti daana bə gəəzə-gəəziŋ, hulum bə minti Pepeŋ jəŋ kar keɗe duuruŋ, bə waataŋa minti:

VEƊE 7:17

Gud maa mo, Kormə Taaməka bə minti bə əsə-isi aduubə də jaaŋaŋa bə guluy ciiri yaŋ damdi hulum bə ameŋ ana. Wə ɗe yaŋ a məltəy ku vor bə minti kan pəsaŋ bə ãye adaŋ. Kəya Pepeŋ sətəy kan kə diri yaŋ wəra neŋneŋ keɗe.»