VEƊE 21:5 - JAA TƏMARWAŊ

⁵ Kəya hulum bə cəərə jaaŋaŋ əsəŋ bə waate minti: «Aŋ golə la, ten haraŋ bə ji kara wəra kəmarwaŋ keɗe.» Wə waatənan minti: «Jeerə kel teŋ la gud maa mo kel katən haa kel kə gəəzi, yə haa kel ɓeti.»

VEƊE 21:5 Iomraidhean Croise

LIKI 5:38

Marya diŋ gaa kumuy kimirwiŋ bə minti kəm bə de siipəŋa kimirwiŋ la giidə mandəhaŋ golgo kimirwiŋa gəm.

II KOREŊTƏŊ 5:17

Bədoona ta, hulum bə minti wəra bə tapə-tepe də Kristuŋ, wə máŋ hulum kimirwi. Kəya kar gə dayday gə minti wə a bə ɗe guudiŋ pa pəda, wə bə ɗe máŋ haa gud kaayaŋ kəmarwaŋa.

HEBEREŊ 12:27

Kel té gə minti wə wəətənəy minti: «ada kampa məna paŋ», ge dər áŋ wəra minti, kar gə minti a gə jəə-ji wəra lam dayday keɗe miiri yaŋ daana yə bə ji yaŋ pa pəda kir minti, kaayaŋ gə minti neke bə miiri baŋ, yaakə la lam haa teŋ.

VEƊE 1:11

minti: «Karman bə minti tam bə əsuŋ, jiiru la, kaa kefter toŋ la a kaa kə Tapi gə giidə vil seeɗa'aŋ haa kənaŋ: Efesi, Simirnə, Pergam, Tiyatir, Sardə, Filadelfi, Lawdise.»

VEƊE 1:19

Bədoona ana, kar gə minti tam a əsnəy bə jiŋ keɗe, gə hebkəna, də kaayaŋ gə adoroŋ, jiiriy la.

VEƊE 19:9

Kəya *hulum bə digi kə Pepeŋ waatənan minti: «Jeerə la minti: ‹Waaleŋ kə kaa gə minti fəlaŋ mante bə bi a hame kəɗwəy gə minti Kormə Taaməkaŋ de həlgə diriŋ.› Teŋ haa kənaŋ, kel kə Pepeŋ gadi faɗi.»

VEƊE 20:11

Kəya ten asaŋ jaaŋa mooto bərwa də kumnaŋ, Pepeŋ bə əsə-isi cəərə. Ko bə apəyaŋ də seŋkaŋ keɗe vaŋ warna də tara anə tooto lam tiinu na. Yə lenteŋ warna, bəlam di yaakaŋ lam pəda.

VEƊE 22:19

Hulum bə minti haŋ karman ne wəra anə məna guudiŋ, Pepeŋ haw ku yaŋ wəra minti wə a kele giidə vil kə toŋa ba, wə a hame we də kəbaŋ gə aye dədərgəŋ bə gəm.

VEƊE 22:6

Kəya *hulum bə digi kə Pepeŋ waatənan minti: «Kel teŋ keɗe yə gəəzi, yə ɓeti. Gud maa mo Barkaŋ Pep bə minti a yaakaŋ kel nuutuŋ bə kalte wəra ku *kaa kə jogte ku miniŋaŋ, wə gaŋ hulum bə digi nuutuŋ minti wə ɗee la a ke gud kel gə minti wəra maŋ bə tuliŋ a kaa kə joŋre kə toŋ.»

VEƊE 4:2

A ko toŋa kəya faɗi, Tiiru Cetcetaŋ vaŋ cəərəna, kəya ten asaŋ jaaŋa də kumna ta'i apəy na, hulum bə əsə-isi cəərə cin.

VEƊE 4:9

Saksaki bə minti kar teŋ ge gudul bə tokɗe, bə əŋku səmu daana bə ji suuse a hulum bə minti bə əsə-isi cəərə jaaŋaŋaŋ, bə minti caw dədərgə bə faɗnə-faɗnaŋ,

VEƊE 5:1

Kəya, ten asaŋ kefter bə hayɗə-hayɗe anə niɓi giidə kasi hulum kemer bə əsə-isi cəərə jaaŋaŋaŋ. Kefter toŋ bə jeerə-jeere kirku daana giidu gəm, ku wəra bə larpə-larpe də kaknay ta'-ta'i seeɗa.