VEƊE 21:3 - JAA TƏMARWAŊ

³ Ten əskəŋ dordə karman kəman bə waate kel da koloŋ sar jaaŋa də kumnaŋ da minti: «Də ko toŋ hebkəna faɗi, Pepeŋ isi yaŋ aduubə də kaŋa, yə bə ji yaŋ kaa nuutu. Wə də kusru bə isi yaŋ diiri, wə bə ji yaŋ Pep neeteŋ gəm.

VEƊE 21:3 Iomraidhean Croise

Kel pəsaŋ kəmarwaŋ gə minti Zaŋ jiiriniy 1:14

‹Kel kə Waateŋ› koloŋ wəra hulum kisirki. Hulum toŋ a jəŋ aduubə də are, are asaŋ boblo nuutu də dər are. Boblo toŋ wə fulnu haa kasi Buru, gud minti wə haa kurmuyu tó ɗaaməna'iŋ faɗi. Pisi bə minti wə jəw sar kaŋaŋ də anə kel gə gəəzə-gəəziŋ, wə wəra bə ɗosə-ɗose duuru.

Kel pəsaŋ kəmarwaŋ gə minti Zaŋ jiiriniy 14:23

Yeesu minti: «Hulum bə minti bəlan, wə humi kosoŋ yaŋ cəərə kel gə minti ten wəətəy, daana Barən bə bəlu yaŋ. Are də Barən, are bi yaŋ a isi giidə hulum toŋa.

II KOREŊTƏŊ 6:16

Kuli kə Pepeŋ də kar gə minti kaŋ guluy pepe neeteŋ, yə ji a ko bə məna naanaanə mo? Gud maa mo, áŋ də kusrə áŋ haa kuli kə Pep bə dədərgəŋ faɗi, damdi wə a waataŋ warda ana minti: «Ten isi yaŋ aduubə di, ten ɗe yaŋ aduubə di gəm. Ten bə ji yaŋ Pep neeteŋ, yə bə ji yaŋ kaa katən gəm.»

II KOREŊTƏŊ 6:18

Ten bə ji yaŋ Bəraŋ, aŋ bə ji yaŋ karman keɗe, kaŋkar, kəram. Waataŋ kel teŋ haa Barkaŋ Bar Səɓakiŋ.»

1 TESALONIKIŊ 3:11

Doŋ kir minti Bar áŋ Pepeŋ də kusru, də Yeesu Barkaŋ náŋ, ayə kəkəy la a are bə ɗe a helɗeŋ!

HEBEREŊ 11:16

A gəəzi diŋa ha'aŋ, yə a bə golde haa seŋka də minti də daŋə-deŋe kumsəŋ, nayta də minti apəy naŋ. Gud teŋa ta, kese paapa dər Pepeŋa ba minti yə bə məntu Pep neeteŋ. Aŋ asaŋ ne, wə ɗəmpənəy vil a niini haa tó gəm.

HEBEREŊ 8:10

Jaa də minti ten bə doora yaŋ də kaanə Israyel dər hi bə ajew naŋ bə ji haa bə ha'aŋ ana: ten bə əyəy ku gili katən haa dər ɗiki di, ten jiiriy di yaŋ haa ku tərməyi faɗi gəm. Ten bə ji yaŋ Pep neeteŋ, té bə ji yaŋ kaa katən gəm. Waataŋ kel teŋ haa ten Barkaŋ.

HEBEREŊ 8:2

Joŋre nuutu bə kumna boblo bə keere Pepeŋ ha'aŋ, wə bə jəw na apəy na giidə *ko cetcetiŋ na. Ko cetceti toŋ, haa muryuki də gəəzə-gəəzi də minti Barkaŋ jəŋ taŋ haa toŋ, paapa kaa kəsarkaŋ də kəəsi ba.

VEƊE 10:4

Ten a ɗəlaŋ jeere dordə ko bə dabteŋ, a ko toŋa kəya dordə karman kəman əsəŋ bə waatan da apəy da minti: «Dordə ko bə minti a dabtaŋ kampa seeɗa'iŋ, yaakə toŋ la, a jeere kel gə metə-mete teŋ ba.»

VEƊE 10:8

Kəya dordə karman bə minti a waatənan kel apəy daŋ, haraŋ bə dogon kela pa minti: «Ɗee la a de kefter bə ku bə bəŋə-biŋiŋ kasi hulum bə digi bə minti kəmpuru bə malə-mele cəərə kan kəmtəŋa daana cəərə seŋkaŋaŋ.»

VEƊE 12:10

Kəya ten əskəŋ dordə karman kəman bə waate da apəy da koloŋ minti: «Cəwa də minti Pepeŋ seere kaŋ wəra dərəŋ nəkaŋ ne. Hebkəna ha'aŋ, Pep náŋ ge gud səɓaki nuutuŋ wəra, wə isi bə hame kumna nuutuŋa. Kristu, *Hulum bə minti wə ŋəmnuŋ, əsəŋ bə hame abay nuutuŋa gəm. Gud maa mo Nərtiti də minti malte kel sar kəsaanə áŋa tiinə Pepeŋa daaway də duugŋ keɗeŋ, yə zogna da ne warda apəy da.

VEƊE 21:7

Ten aye werke bə kar teŋ yaŋ a hulum bə minti pəŋ bulum neŋ. Ten bə ji yaŋ Pep nuutuŋ, wə bə ji yaŋ kormon gəm.

VEƊE 22:3

Karman bə minti Pepeŋ jeme kəəti də kaŋ guuduŋ ji giidə vil taŋ na pəda. Jaaŋa də kumna kə Pepeŋ də kə Kormə Taaməkaŋ bə ji haa giidə. Kaa gə ji joŋreŋ a Pepeŋ bə kaw awalna yaŋ,

VEƊE 7:15

Haa gud teŋa minti yə gə əsə-isi tiinə jaaŋa də Kumna kə Pepeŋa bə kaw awalnaŋa daaway də duugŋ keɗe giidə *Kuli nuutuŋa. Hulum bə cəərə jaaŋaŋ isi kaa teŋ yaŋ gud gəsaatərna du.