VEƊE 20:4 - JAA TƏMARWAŊ

⁴ Kəya ten asaŋ gəjaaŋawa kə kəkamnaŋ. Yə ayaŋ abay bə ceme kəətiŋ haa a kaa gə minti ciiri cin-cin. Yə haa tiirə kaa gə minti yə a cəmnəy ciiriŋ wardaŋ gud de neete bə gud kel gə minti Yeesu a jəŋ bar kəkəy ciiri daana gud kel kə Pepeŋa. Yə a kaŋ awalna a bege bə waraŋ ba, a karman bə minti yə a ɗəmpunu bə haw bə gəm. Tarwa kə bege bə waraŋ paapa də maltə-malte tiini ba, paapa kəəsi bə gəm. Yə haraŋ wəra dədərgə adordə meŋa daana yə hamaŋ kumna kir laate guɓi də Kristu, *Hulum bə minti Pepeŋ ŋəmnuŋ.

VEƊE 20:4 Iomraidhean Croise

MATIYE 19:28

Yeesu wəətənəy minti: «Gəəzi ten waataŋ, *Kormə Hulúm əsəŋ ne akaceŋa cəərə jaaŋa nuutu də məyana a ko bə minti Pepeŋ haraŋ ne bə kole koŋa kimirwiŋ, aŋ kaa gə minti a təpaŋ guudənaŋ, aŋ bə əsti yaŋ a gəjaaŋaw kə kəkamnaŋa hor cəərə ɓasa bə jeme kəətiŋa cəərə tanta də kaanə *Israyel hor ciiri ɓasiŋa.

MATIYE 24:10

A ko toŋa kəyaŋ, de kə kaa ablaw awte yaŋ wəra, yə bə jəəti akoloki cəərə kumsi daana yə malte dər kumsi yaŋ wəra ablaw gəm.

MARKƏ 6:16

Erodi əskəŋ kel teŋ kəyaŋ, wə minti: «Haa Zaŋ bə minti ten a jəmnu cuuru wəra, wə haraŋ wəra dədərgə adordə meŋa ɗe!»

MARKƏ 6:27

Hebkən-hebkəna faɗi, wə mantaŋ sooto, wə wəətunu minti wə ɗee la a jeme cəərə Zaŋ warda, wə hare da dəərə. Kəya sootoŋ kooroŋ a ko bə daŋgay, wə jəmaŋ cəərə Zaŋ warda faɗi.

MARKƏ 9:11

Kəya yə əsəŋ bə law ku minti: «*Kaa kə hate ku gili kə Pepeŋ waate minti Eli a kir bi kəm ajew haa toŋ, haa səm mo?»

LIKI 1:17

Wə ɗe yaŋ tiinə Pepeŋa də tiirə *Eli, də səɓaki du, bə tepe tarmə kamnə kəmar koncoŋ də kərməyiŋ, bə hare kaa kə ŋelə-ŋeleŋ a ɗiki ɗekeriŋa. Wə ɗampe kaa yaŋ minti yə jəə la máŋ kə Barkaŋ.»

LIKI 14:14

Bədoona, tam ji yaŋ də waale gud bə minti yə nəkaŋ bə gam bal də mante nəmtiŋ ba. Pepeŋ gam bal du yaŋ wəra akaceŋa minti wə haraŋ kaa ɗekeriŋ ne wəra dədərgə adordə meŋaŋ.»

LIKI 22:30

Bədoona ana, aŋ hame yaŋ, aŋ se yaŋ dəərən a Kumna nina, daana aŋ əsti yaŋ a gəjaaŋaw kə kəkamnaŋa bə jeme kəətiŋa cəərə tanta də kaanə *Israyel hor cəərə ɓasiŋa.»

Kel pəsaŋ kəmarwaŋ gə minti Zaŋ jiiriniy 14:19

Isi kəna sawəwaŋ, kaa gə cəərə seŋkaŋ bə asan pəda, səma aŋ teŋ ha'aŋ, aŋ bə asan yaŋ, gud bə minti aŋ bə asan caw dədərgə, aŋ bə ji yaŋ zugi gəm.

ROMEŊ 11:15

Gud maa mo bə minti Pepeŋ zeŋ kaanə Ziwifiŋ wəra agəjaŋaŋ, wə haraŋ bə tepe kaa kaayaŋ gə cəərə seŋkaŋa duuru. Karman bə minti ji a hare bə de irku də kaanə Ziwifiŋa suruŋ haa maa mo? Haa hare bə dədərgəŋ wəra adordə meŋa toki!

ROMEŊ 8:17

Áŋ karmə Pepeŋ ta ŋaanaanə moŋ, áŋ ɗe a fele kar pəsaŋ gə minti Pepeŋ əyəy a kaa nuutuŋ. Áŋ də Kristuŋ, áŋ ɗe a ɓarse karman bə minti Pepeŋ əyu duŋ yaŋ gəm, gud bə minti, áŋ gə minti bə se lasiŋa duuruŋ ɓarse boblo nuutuŋ yaŋ də kumsə áŋ gəm.

II TIMOTE 2:12

Jəəne minti áŋ əsəŋ ne ŋəŋ guuduŋ, áŋ isi yaŋ a kumnaŋa duuru gəm. Jəəne minti áŋ maltaŋ ku áŋ ne cuuru minti wə paapa də dər áŋ ba, wə malte ku yaŋ cəərə áŋa gəm.

VEƊE 1:2

Zaŋ topoŋ bəlam də kar gə minti wə əsnəy wəraŋ keɗe, wə minti kel teŋ haa kə Pepeŋ, Yeesu Kristu jəŋ bar kəkəy wəra ciiri.

VEƊE 1:9

Kəna ten seeneŋ Zaŋ. Gud tapi náŋa də Yeesuŋ, ten haa kumsəŋ bə minti giidə *Kumna kə Pepeŋa gəm, ten bə se gəəliŋa daana ten bə mi ku damdi aŋ ana gəm. Yə gaanan warna cəərə ajomga də Patmosi na haa gud bə minti ten a waataŋ kel kə Pepeŋ wəra daana kel gə minti Yeesu a jəŋ bar kəkəy ciiriŋ wəra a kaŋ.

VEƊE 11:11

Adordə hiti tó soope'i də nusiŋa kəyaŋ, kaŋkaw gə aye dədərgəŋ bi yaŋ sar Pepeŋ da, yə bə kalte yaŋ giidə titiŋa ɓasi keɗe, kəya yə bə piti yaŋ wəra apəya faɗi. Kaa gə minti bə guluyaŋ, tiiri bə lerɗe yaŋ wəra kas walkaŋ.

VEƊE 11:15

*Hulum bə digi kə Pepeŋ bə seeɗaŋ ufuŋ atoltom nuutuŋ. Kəya ten əskəŋ dordə kar kəman bə waate də apəy da minti: «Kumna bə cəərə seŋkaŋ máŋ wəra kə Barkaŋ náŋ Pepeŋ daana Kristu, *hulum nuutu bə minti wə ŋəmnuŋ gəm. Wə bə isi yaŋ bə hame kumnaŋa bə faɗnə-faɗna.»

VEƊE 11:3

Kitir toŋ hitiŋ giidu 1.260. Də ko toŋ kəyaŋ, kəmnə də kəkəy katən ɓasiŋ, ten vay yaŋ na minti yə jogtə ku mini katən la wəra. Dəməəmə də laaweŋ ji yaŋ də tarə-tere siri.»

VEƊE 11:7

Bə minti yə təwaŋ waate bə kel kə Pepeŋ ne wəraŋ, bege bə wara bə waŋ-waŋ li yaŋ warda giidə tələŋkə kələmləma də bay nobeŋ da. Wə bə ɗələy yaŋ, wə pi bulum yaŋ ciiri daana wə əwəy yaŋ wəra.

VEƊE 12:11

Kəsaanə áŋ pəŋ bulum cəərə də kor də Kormə Taaməkaŋ, də kel gə minti yə a jəŋ bar kəkəy wəra ciiriŋ gəm. Yə ɗəkəŋ cəərə kusri ba, yə jəŋ walka də me bə gəm.

VEƊE 14:11

Kese bə cəwa də minti bə ləsəyaŋ fe warda apəy da anə ɗəwilla bə faɗnə-faɗna. Kaa kə bege bə waraŋ gə minti fəlaŋ tarwaŋ də səmuŋ daana kaŋ awalna a karman bə hawaŋ, yə fele faake ku lasi neeteŋa ba, duugŋ də daaway keɗe.»

VEƊE 15:2

Kəya ten asaŋ karman kəman ada damdi kan gə minti aŋ ase kar gə guudiŋ wardaŋ ana, duru bə tapə-tepe də cəwa. Ten asaŋ kaa gə minti a pəŋ bulum cəərə bege bə waraŋa də karman bə minti yə a ɗəmpunu bə haw, bege tó bə minti səmu wəra bə vaɗə-veɗe də numraŋ. Yə əstəŋ gil-gil cəərə karman tó bə he kan kəmtəŋa, gundi bə minti Pepeŋ a əytənəy diŋ kəəsi kay-kay.

VEƊE 17:8

Bege bə minti tam a əsnu kənaŋ, wə a jəŋ hõy caw; bə hebkəna ha'aŋ, wə paapa caw pəda. Wə bə hare yaŋ bə kele da warda giidə tələŋkə kələmləma də bay nobeŋ da, wə bə ɗe a bese wəra. Kaa gə cəərə seŋka gə minti səməy a paapa gə jeerə-jeere giidə kefter bə dədərgəŋa wəra ajew də mele bə gud koŋ baŋ, kaa teŋ bə ŋili yaŋ a ko bə minti yə asaŋ bege toŋ neŋ. Gud maa mo wə a jəŋ hõy caw, wə paapa hebkəna caw pəda, wə bə hare yaŋ wəra caw.

VEƊE 2:26

Hulum bə minti pəŋ bulum neŋ daana jəŋ kel gə minti giidən bələy ne hãã a tewe bə koŋaŋ, ten əyu abay də minti Barən a aynan dən yaŋ gəm. Abay taŋ haa bə ji kumna cəərə gidiirə kaŋa keɗe, aŋ bə əməy yaŋ də gədəwa koosoŋ kaasəŋa. Aŋ bə cay yaŋ wəra damdi yə ce gədaayaw ana. Ten bə əyu seska mooto də wele koŋ yaŋ gəm.

VEƊE 20:6

Waaleŋ kə kaa gə minti haraŋ wəra dədərgə ajew, yə haa kaa kə Pepeŋ. Yə me kampa bə ɓasiŋ pəda. Yə bə ji haa *kaa kə keere kə Pepeŋ daana a Kristu gəm. Yə isi yaŋ bə hame kumnaŋa duuru kir laate guɓi.

VEƊE 22:5

Ko bə duugŋ bə ji pəda, yə bə ji də caadə pəɗaki də lampa daana də cəwa də wele koŋ bə gəm, gud bə minti Barkaŋ Pepeŋ mele pəɗaki nuutuŋ yaŋ ciiri. Yə bə hame kumnaŋ yaŋ bə faɗnə-faɗna.

VEƊE 3:21

Hulum bə minti pəŋ bulum neŋ, ten əyu kəkəy yaŋ minti wə əsə la sarəna a jaaŋa də kumna katəna, damdi ten ɗeŋ a isi sar Barəna a jaaŋa də kumna nuutuŋa ana gəm adordə bə minti ten pəŋ bulum.

VEƊE 4:4

Agəjaŋ də jaaŋa taŋa ɓəəka ha'aŋ, jaaŋa də kumna daalaŋ wəra də maltə-malte ada ta'-ta'i hor-hor ɓasi cəərə waaɗe, kaa kəmtəŋ gə tiinə kaŋ gə əstə-əsti ada hor-hor ɓasi ciiri waaɗe gəm. Dəməəmə bərwa də tarə-tere siri, kaŋkəlaŋ gə ciiriŋ gə ɗampə-ɗampe də kooso bə gusi bə awəy-awəy.

VEƊE 6:9

Kormə Taaməkaŋ pokoŋ kaknay gə wiiɗiw wəra kəyaŋ, ten asaŋ tiirə kaa gə minti yə a cəmnəy wəra gud kel kə Pepeŋaŋ, daana gud kel gə minti yə a jəŋ bar kəkəy wəra ciiriŋ. Yə gə əsə-isi laki kampar *ko bə jəəti keereŋa a Pepeŋ.

VEƊE 7:3

«Aŋ a ɓalke seŋkaŋ, kan, də kəbaŋ wəra ba hãã bə minti are maltaŋ tampoŋ də ne tiinə kaa kə joŋre kə Pep náŋaŋ.»